Luk 14:13 - Nobonob Baibel

¹³ Iitta. Haen na ee naɗi hekkutnu henana, aria na daɗek danab, danab ebehilag kaliak ele, danab baelag nau autaut oitteb ele, amu danab amelag gaɗuak ele onilagppa ekkut.

Luk 14:13 Referans Kwoze

Luk 14:21

Aria maɗi nid amu nug eɗua ukka, nug nuhig danab okkai amegppa ag appig amu mattiom. Aakku lag mameg nug oo nauhe, nuhig maɗi nid amu amegppa aum. ‘Na paha gona, aab okkai imunu ib okkai ohppanu, ib nakok ohppanu ele daɗek danab, danab ebehilag kaliak ele, amelag gaɗuak, danab baelag nau autaut oitteb ele, na amu oh omaladppe, ag da laul ooppa uɗieg!’ awa aum.

Aisaia 58:10

ag laa enug aqadtte ele ee mattaglag dayeb, ag laa ag ɠagattag iitta daaeg, laa ag eheɗ hadatteb ehanadkkulag dayeb amu, Yawe Nug heeb, ag danab nug gatatuppa padal mekkunu oiyeye, laa amahlak mette, ena oitte, ag amubia ena daaglag. Ao, Nug heeb, ag danab nug gatatuppa padal mekkunu oiyeye, laa he, amahlak okkainab, amun bia be, ena oitte, amubia ag ena daaglag.

Prowerb 14:31

Danab nug daɗek dilag eheɗ hadatte amu, nug laa Nug nug heum ele, nug nuhignu, “Keeke hamunab,” aakku dootte; amge aun nug daɗek ehanadtte, nug kobol amuppa Kayak binag mette.

Aisaia 58:7

Amu ele, ag danab ag ee iitta, enug daatteb amu, ag ee mattanna, laa lag keeke iitta, qati qati oitteb amu, ag amuppa daaglagnu aben matteg! Amu haen ag laa nug lamen iitta dayeb anidna, ag nug lamen metteg! Ag lailkadnab dilagnu aib daulag atiom! Ag keekenu tutu meppeg amu ehanadna matteg!” Yawe Nug anam atte.

Hibru 13:2

Ag aab diig danab iitta diin atognoadkkulagnu ele aib daulag atiom. Anukka laa anam hena, Kayaknu engel diin atognoadppig, amge ag am engel, ag amu oolag ii maittette diin atognoadppig.

Nehemaia 8:10

Amu Nehemaia nug aum. “Gemu deɗ imunu amu, ihinig Naɗi Nug amunu, dahilnu tituanak daatte anidtte amunu, ag ahan gona, ag ee ena, le ubuhi ele lanana, ag laa keeke anam iitta ele madappeg, ag ele laig! Ag aib gaappig. Aɗinu? Yawenu gamag ahak doyak am aab aɗ ɠagattagnab ele ahilag bia daatte,” awa aum.

Matyu 22:10

King nug anam a, maɗi nid ag ibppa ukkadna, danab ah ena, nau ele oh anadna qagmaadppig. Qagmaatteg, ag ewau matulak hobulppa dayak aben amu ambeum.

Duteronomi 16:14

Ag hobul henana, ag gamag ahak ele hekkulag. Ag baelkadppa, maɗi nid maɗi ah ele, Lewi buɗub, wan laihnu danab, aria nid ag mamelkad mauhppig, amu ah qab ele, ag appalkadppa daatteb ele, ag oh gamag ahak dooglag.

1 Timoti 5:10

amu danab ah laa ag nug kobol ena heum, nug nuhikkud nid ena atognoatta omalattom, nug ehanittak kobol dim lamittom, nug Kayaknu danab ah oppiaawak ele atognoattom, nug laa qagaiettakppa daaegeg ehanattom, amu nug kobol ena laala kuɗum heum ele anidtteb dayeb amu, ah qab amu na nug onig ah qab laa, ehanittak aoglagnu onilag ele laippu ye!

Duteronomi 16:11

Haen amuppa ag Yawe, ahilag Kayak, ag Nug aben Nug onig aguppa daakkunu epeɗikku amu, amuppa ag Nug noobppa gamag ahak ele Ee Tatam Oɗue Digma Awaknu hobul hekkulag. Ag, amu ag baelkadppa ele, ahilkad maɗi nid maɗi ah ele, Lewi buɗub aab naunau ooppa ag ele oh daatteb, wan laihnu danab, ag oolagppa daatteb, nid ag mamelkad mauhppig, ah qab, ag oolagppa daatteb oh ele, ag hobul amu gamag ahak ele hekkulag.

Duteronomi 14:29

Amu Lewi buɗub, ag aulag wan iitta ele, ag oolagppa daatteb, aria danab ag wan laihnu danab daatteb, nid ag mamelkad mauhppig daatteb, amu ah qab ag appalkadppa daatteb, ag ele oh uɗin daan, ag lappeg, oolag aɗakkunu, ag ee amu bakkalen lakka mekkulag. Ag anam heppeg, Yawe, ahilag Kayak, Nug ag aɗi hekkulag am itidkku.

1 Timoti 3:2

Amunu laa nug Kristen tamaniak gumak ikki danab daakkunu, nuhigppa nai laa ii daakkuoitte. Nug ah laippu gamu aakkuib daya, nug atognoak oiya, nug nukka nuhig oiyak pehettak atognoak kobol haaha, laa nuhignu ena elele dooglagnu elele daya, nug ɗo danab dotteb ele atognoatta, nug danab ah ele nai ippunadkkunu elele daakkuoitte.

Job 29:13

Laa nug mauhkkunu heehe, da ehanitti, nug da itiɗom; da hei, ah qab, nug gamag ahak okkai doya, ahi ettom.

Nehemaia 8:12

Lewi buɗub amu ag anam appig amunu, danab ah ag ee, le ele lakkulagnu, ag laa ee, le iitta ele ag ee, le ele mattaglagnu, ag hobul, gamag ahak okkai ele doon hekkulagnu ahan goppig. Aɗinu? Ag gemu Kayaknu ɗo laa ebqe doon, diig dooglagnu elele daan dooppig.

2 Stori 30:24

Hesekaia, nug Juda dilag king amu, nug danab ah qagmeppig ele, ⌊ag doɗ aon, laih main, Kayak mettaglag, teppu laa oh ag aon lakkulagnu,⌋ nug makau dawai 1,000, sipsip, meeme ele 7,000 danab ah amu hekkulagnu ag mattom. Nug ag matte, ehanittak anuqak danab ag makau dawai 1,000, sipsip, meeme ele 10,000 ag madappig. Ag anam heeg, mana mettak danab kuɗumnab ag Yawenu tituana mettak daaglagnu hena daappig, ⌊amu diig amunu ag mana mettak uɗat hekkulagnu elele⌋.

2 Samuel 6:19

Nug anam hewowa, nug Israel danab oh, ah oh ele appa daappig ele am anen anen oh bret batappatak laippu, det meu qaɗaiettak batappatak laippu, grep meu qaɗaiettak batappatak laippu ele mattom. Nug matte, danab ah oh ag ahan, lakka goppig.

Taitus 1:8

Nug amu ii hema. Iitta! Nug ɗo danab aab laappanu uɗippeg amu ehanattaɗ! Nug kobol ena ohnu oo mauhaɗ! Nug nukka nug nuhig oiyak pehettak atognoaɗ! Nug tutukku, oppiaawak ele dayaɗ! Nug nukka beɗu atognoa hagakka awak ele oiyaɗ!

Pilemon 1:7

O layal, na Kayaknu danab ah oppiaawak ele dilagnu oot mauhe ehanadna, ɠagattag aqame amunu, da maɗoɗppan gamag ahak, okkai oo ɠagattag qak ele nahipnu doottem.

Aposel 9:39

Aria Pita nug ahe, danab amu ele oh goppig. Haen nug ukka te, ag nug omaleg lag oo attan amuppa te amu, ah qab appanu ag oh uɗin, Pita talilidna daanna, gaanna ag lamen digdig Dorkas ii mauhom haenppa ha mattom amu ippunidppig.

Luk 11:41

amunu, ag danab daɗek ehanadppeg, ii nauhppeg, ag oolag oppiaawak ele daakku.

Prowerb 22:9

Laa nug laa keeke mettaknu oo qak iitta danab, nug itittak ena aokku; amunu diig am, nug daɗek ee madatte.

Matyu 15:30

Appa dayeye, danab ah huanak ag danab baelag nau autaut oitteb, amelag gaɗuak, ebehilag kaliak, oɗetup amu oɗe danab laala kuɗum ele, ag amu oh omaladna uɗin, nug baegppa maatteg, bappalattom.

Luk 14:12

Aria, Jesus Nug ag amelagppa anam ana, Nug danab nug ele ee lakkulahnu onigppa eum ele, nug amegppa aum. “Amu haen na hobul hekkutnu oot daatte amu, na laipad, na awanad amapad, na buɗunad, nahip mudippan, ag enulag kuɗum ele amu, ag dimppa na ahilag hobulppa eɗun daakkutnu oninppa emananu, na amuppa nob ena eɗun aomnanu, na ag onilagppa aib eme.

Luk 14:14

Am danab amu, ag am nahip ee amu nob mettaglagnu elele iitta, am na anam heppe amu, Kayak na itittak ena medakku. Yo, dimppa Kayak Nug amunu haen genab tutukku hak danab ag eɗun hippaidkkulag amu, Nug na nob ena medakku,” awa aum.