Luk 14:11 - Nobonob Baibel

¹¹ Am danab aun nug onig humatte amu, Kayak Nug heeb, danab amu nug onig nekku, amge danab aun nug onig qe nette amu, Kayak Nug danab amu onig humakku,” awa aum.

Luk 14:11 Referans Kwoze

Luk 18:14

Jesus Nug nai amu mattiowa, Nug baula amelagppa aum. “Da ag amelagppa attem, Kayak he, takis awak danab nug genab tutukku hak danab daye, eɗua laugppa ukkom, amge danab laa nug am anam iitta. Amunu laa nug onig humatte amu, Kayak Nug heeb danab amu nug onig nekku, amge danab nug onig qe nette amu, Kayak Nug danab amu nug onig humakku,” awa aum.

Matyu 23:12

Am danab aun nug onig humatte amu Kayak Nug heeb, danab amu nug onig nekku. Ge danab aun nug onig qe nette amu, Nug danab amu onig am humakku.

Prowerb 29:23

Danab nug dada hette, nuhig hak amu he, nug na qette; amge danab nug oo bodoettakppa daatte amu, nug binag aotte.

Jems 4:6

Anam daatte amunu, Kayak Nug ehanittak okkai hamu mettak, Nug amu megatte. Diig amunu Kayak naippa, nai inam daatte. “Kayak Nug dada danab ippulag oo nette, amge danab ag akka onilag qeeg nette ele, Nug ahilagnu ii helo bia me, Nug ag ehanadtte.”

1 Pita 5:5

Ag danab bau ag onilag qeppeg neeb, ikki danab waalagppa dayeg! Ag oh ag ag onilkad qeppeg neeb, ag nug ehanittak kobol heig! Aɗinu? Kayak naippa, nai amunu inam daatte. “Kayak Nug dada danab ippulag oo nette, amge danab ag akka onilag qeeg nette ele, Nug ahilagnu ii helo bia me, Nug ag ehanadtte.”

Prowerb 18:12

Dada hak danab ag nena qekkulag; amge danab nug nukka nug onig qe nette ele, nug binag aokku.

Jems 4:10

Ag akka ag Naɗi noobppa ag onilag qeppeg neeb oiyeg! Ag anam daanna oiglag amu, Naɗi Nug ag humatta attan maadkku.

Sam 138:6

Yawenu binag amahalak oppiaawak ele am okkainab amunu, Nug attannab daatte me, nug danab ah ag akka onilag qeeg nette ele, Nug amu dilag dabmette. Nug amu dilag dabmette, amge Nug dada danab ah umanabnu doyadtte; ag lokkumkkulagnu elele iitta.

Aisaia 2:17

Am haen amuppa Yawe Nug beɗuppa tak danab tabatteb nona, uɗalag nekku. Ao, haen amuppa Yawe Nug dada danab ah onilag qeeb nekku. Nigul oh danab ag binalag metteb amu, ag oh iitta mekkulag. Yawe Nugib haen amuppa onig okkai, binag ele daakku.

Sam 18:27

Amu na laa ag akka, ag onilag qeeg nette ele ehanatte, ag padal ii metteb. Ge, na anam hettem, amge na laa ag dada hena laa eɗadttebnu dabmak aotteb amu, na uɗa nak nau madattem.

Aisaia 2:11

Amu Yawe Nug anam uɗia, Nug beɗuppa tak danab oh onilag qeeb nekku. Nug heeb, dada danab ag nena qekkulag. Yawe Nugib haen amuppa onig okkai, binag ele daakku.

Prowerb 15:33

Danab nug Yawenu ebehi oh bodoetta le mette amu, nug doyak dabmak ena ele aotte; amu nukka onig qe nak, amuam tatam dayeb, dimppa binag ele daakku.

Job 22:29

Aɗinu? Danab laa uugppa tena, uɗa nak dooppeg, na Kayak amegppa, ‘Ehanadppe, ag eɗun, uɗa nak iitta ele daaglagnu oɗ medattem!’ unuqidppe, Nug danab uɗa nak aoppig ele ehanatteb, ag eɗun, enaib daaglag.

1 Samuel 15:17

Saul a, Samuel nug aum. “Anukka na nakka na nahipnu amu, na am danab okkai iitta doome, amge na Israel dilag okkai beme. Ao, Yawe Nug na Israel dilag king daakkutnu goɗen gokkaɗakppa tituanittom.

Luk 1:51

Nug nuhig ɠagattagppa uɗat okkainab heum. Ao, Nug he, dada danab ag oolna, tamtam gona oitteb.

Aisaia 57:15

Aɗinu? Yawe, Nug attannab dayaya, keeke laa ohnab eɗadtte, Nug hanhan daatte, nug onig am oppiaawak ele amu, Nug atte. “Da aben attan, aben oppiaawak ele, da amuppa daattem, amge da danab aun laa, nug nukka nuhignu, ‘Da am danab ena, onil okkai ele,’ ii dabmette, nug nukka nug onig qe nette amu, da danab amu ele daattep. Da danab nug nukka nug onig qe nette amu, da nug ooppa ɠagattag qedakkulnu, da anam hettem. Ao, da danab nug nukka nuhignu, ‘Da am danab ena, onil okkai ele,’ ii dabmette amu, da nug nuhig ouɗippa ɠagattag qedakkulnu, da anam hettem.

2 Samuel 22:28

Na danab ag akka ag onilag qeeg nette ele ehanatte, ag padal ii metteb. Ge, na anam hettem, amge na laa ag dada hena laa eɗittaknu dabmak aotteb amu, na heppe, ag nena qekkulagnu neekkadttem.

Prowerb 25:27

Uppuh leppu huana lanaknu am ena iitta; amubia danab nug nukka laa ag nug binag mekkulagnu eeɗadkku am ena iitta.

Luk 1:52

Nug king ebehilag ele tabatte noeg, danab onilag iitta amu humattom.

Luk 14:12

Aria, Jesus Nug ag amelagppa anam ana, Nug danab nug ele ee lakkulahnu onigppa eum ele, nug amegppa aum. “Amu haen na hobul hekkutnu oot daatte amu, na laipad, na awanad amapad, na buɗunad, nahip mudippan, ag enulag kuɗum ele amu, ag dimppa na ahilag hobulppa eɗun daakkutnu oninppa emananu, na amuppa nob ena eɗun aomnanu, na ag onilagppa aib eme.

Jems 1:9

Ig Kristen lainig laa nug daɗek daatte amu, nug maɗoɗppan gamag ahak dookku am ena. Aɗinu? ⌊Nug Jesusnu ooppa genab dootte amunu,⌋ nug Kayak noobppa onig ele.

1 Pita 5:6

Amunu Kayak Nug geha nuhig deɗppa ag humadkkunu, ag akka ag onilag qeppeg neeb, ag Kayak eppeg ɠagattag waappa dayeg!

Esta 6:10

Haman nug anam a amu, king nug amegppa inam hekkununab aum. “Amu enanag! Pahanab kingnu lamen elab aon, hos dahil ele aon dona, na ame amubianab na Juda ted Mordekai toppa hekkutnu amu oh he! Nug am king laugnu aɗ odppa daatte. Na aib keeke laa uuppe dayom!” awa aum.