Luk 13:35 - Nobonob Baibel

³⁵ Antteg! Ag ⌊Jerusalem daatteb amu, ag⌋ appalag am geha uɗ ba, aab dakkeɗ bia daakku. Da ag amelagppa attem. Ag da baula paha ii aniɗmana. Iitta. Ag, ‘Laa nug Naɗi onigppa uɗitte amu, ig Naɗi Nug itidkkunu oonig daatte,’ awona, ag da eɗun aniɗkkulag,” awa aum.

Luk 13:35 Referans Kwoze

Sam 118:26

Laa Yawe onigppa uɗitte amu, ig Yawe Nug itidkkunu oonig daatte. Ao, ig Yawe laugppanu, ig ag uɗitteb ele itadttem.

Jon 12:13

Ag anam doona, ag ad pam eppeg uɗug ele qiialadna, Jesus uɗa tekkulagnu gona eppig. “Ig Kayak onig humatu! Laa nug Naɗi onigppa uɗitte amu, ig Naɗi Nug itidkkunu oonig daatte. Naɗi Nug Israel dilag king itidkkunu oonig daatte!” aon appig.

Matyu 21:9

Ag anam duqeg, Jesus ugekke, danab ah kuɗumnab ag anuqna ukkaegeg, laa ag Jesus dim lamittegeg gona, ag oh enan appig. “Ig Dawit Bekka onig humatu! Laa nug Naɗi onigppa uɗitte amu, ig Naɗi Nug itidkkunu oonig daatte. Kayak, Nug attannab daatte amu, ig Nug onig humatu!” aon eppig.

Sekaraia 12:10

Anam amu, da heppi, Dawit buɗub, aria Jerusalem danab ah ele, ag ehanittak okkai hamu mettaknu kobol, unuqittak kobol ele dim lamidkkulag. Ag anam henana, ag laa qetti banppa atulppig, amuam da, ag eɗun aniɗna, ag dahilnu oo doyak doon, mahiak okkai hekkulag. Laa nug nuhig nid laippuib, nid amu mauhe, nuhignu mahiak okkai hette, ag amubia dahilnu mahiglag. Ao, laa nug nid danab tatamnu mauhe, oo doyak okkai, guittak ele awa mahitte, amubia ag dahilnu mahiglag.

Luk 21:24

Geha laala ag qep elabppa mauhkkulag, am laala, ahilkad kekeɗ ag ag diin gona, wan laa ohnu oolagppa maadppeg daaglag. Amu iitta aɗi ag uɗin, Jerusalem aon daana, uug medappeg ukkeb ukkeb, ahilag haen Kayak tituanom ele maleb malakku.

Sekaraia 14:2

Amu Yawe Nug atte. “Deɗ amuppa da wanppan wan ohnu danab ag Jerusalem banelag uɗiglagnu qagmaadkkul. Anam amu, kekeɗ ag uɗin, aab okkai amu eɗadkkulag. Ag laulkadppan keeke akkan gonana, ag ah am eheɗ hattaglag. Kekeɗ ag amu henan, ag aab amuppan danab ah ameg laa diin gona heppeg, ag wan laappa diia ukka laih me dayak danab ah daaglag. Ameg laa ag aab nauhom, amuppa daaglag,” awa atte

Maika 3:12

Ag Jerusalem danab okkai, ag nau amu hetteb, ag nai hambuppuak amu ele maditteb amunu, ag beɗulagppa kekeɗ ag heppeg, Sion am datta wan buuak bia daakku. Ao, kekeɗ ag heppeg, Jerusalem am kinipan ameg okkai hume tak bia daakku. Anam amu, Kayaknu mettid lag, amunu tomppan keeke oh ele qauko nakokppa daatte amu, aben amu oh am ad naunau qataiettak bena, wan tonan daaglag.

Aisaia 52:7

Danab laa nug qauko letata uɗia, danab ah amelagppa nai ena maditte, danab ah laa oh dilag neekkakppa amu, danab amu nug enanag hette anidtteb. Ge! Danab nug uɗia, nug nai ena, maɗoɗnu nai, ehanitteb padal ii maknu nai ele mattiaya, nug Juda danab ah amelagppa, “Ahilag Kayak Nug laa oh eɗatta, keeke oh gumatte,” atte amu, danab ah ag ahilag neekkak nuhignu am enaib anidtteb.

Sam 69:25

Na heppe, ahilag aben am hamu, danab ah iitta daakkunu oɗ medattem. Ao, na heppe, ahilkad pehppa auntai laa amuppa ii daamanu unuqidttem.

Jeremaia 22:5

Amu Yawe Nug imu ele atte, “Amge ag haknunab nai da ag madattem dim ii lamidkkulag dayeb, da dakka da onilppa da dahil nai ɠagattag qetten, da heppi, lag enanagnab imuam nauhaknab aakkuib daakku attem,” awa atte.

Jeremaia 35:17

Ag amu hetteb amunu, da, Yawe, da am Kayak Dakka Ɠagattag Oh Ele, da Israel dilag Kayak, da attem. “Doyeg! Da heppi, uug naunab oh, amu da Jerusalem danab ah oh dilagppa, amu Juda danab ah laa oh ele dilagppa bekkunu ami amu, uug amu oh am bekkulag. Da ag amelagppa nai mattimi, amge ag daulag ii human dooppig. Da ag onilagppa emi, amge ag nai nob laa ii meɗappig.” Da Kayak, da anam awe attem.

Matyu 23:37

O Jerusalem, Jerusalem, na propet aqae mauhtteb, maɗi nid Kayak nahip-ppa maatte uɗitteb ele, na ag ele menppa aqae mauhtteb. Da haen kuɗum na begapad, matuk anig nakkud haugppa qagmaatta tonadtte, amubia qagmaadkkulnu hemi, amge ag uuppig.

Luk 19:41

Jesus anam ana Nug ukka, Jerusalem guguitta wana, Nug aab okkai amu antta, ameg leb ne,