Luk 13:27 - Nobonob Baibel

²⁷ Ag anam akkulag, amge nug ag amelagppa akku. ‘Da ag ii doyadttem, ag adeppanu uɗippig? Ag eheɗ hak danab. Ag oh uuiɗna ukkeg!’

Luk 13:27 Referans Kwoze

Matyu 25:41

Aria, laa nanehppa daatteb ele, da ag amelagppa akkul. ‘Ag laa ag eheɗ laa awaknu anak waappa daatteb amu, ag uuiɗna ukkeg! Ag aab aɗu ii qauha, hanhan eotte ele, Naɗi Nug Satan, amu nuhikkud engel ele dilag heum amu, ag amuppa ukkeg!

Sam 6:8

Danab ag nau hetteb ele, ag qe mena, da uuiɗeg! Aɗinu? Yawe Nug gayak dahil doyom.

Sam 119:115

Da dahil Kayaknu ɗo dim lamidkkulnu amu, laa ag nau hetteb ele, ag dahilnu awaidna ukkeg!

Luk 13:25

Lag mameg nug aha, lag od maneb amu ag uɗina, dimittim daanna od qeqalnana, inam unuqkkulag. ‘Naɗi od matulna mekke!’ aon akkulag. Amu geha nug ag amelagppa akku. ‘Da ag ii doyadttem, ag adeppanu uɗippig?’

Sam 1:6

⌊Nau hak danab ag anam aakku daaglag.⌋ Aɗinu? Yawe Nug genab tutukku hak danab ah atognoadtte, amge nau hak danab ag padal mekkulag.

2 Timoti 2:19

Amge Kayak Nug ukku aɗom amu, ukku amuam ɠagattag eppom daatte. Ukku amuppa nai inam daatte. “Naɗi Nug nuhikkud danab ah doyadtte.” Nai laa ele inam daatte. “Ag oh, ag Naɗi onig diitteb, ag kobol nau dimetteg!”

Hosea 9:12

Ag nid ii menumna, me ag menuadlob amu da heppi, oh iitta mekkulag. Haen da dimadattem amu, ahilagnu am gadonnab gadon.

Sam 125:5

Amge, O Yawe, na laa ag hipunin hetteb ele hadappe nauhppeg, na laa ag kobol kaliak dim lamidtteb ele, na amu ele hadappe nauhkkulagnu oɗ medattem. Israel ag maɗoɗ aon dayeg!

Sam 101:8

Deɗ anen anen oh, da laa ag ihinig wanppa nau hetteb ele, da ag mattialatte anatten, da heppi, ag nauhkkulag. Da ag hadappi nauhna, ag Yawenu aab okkaippa ii daamna.

Sam 28:3

Na da am nau hak danab ele oh bu mekkamnanu oɗ medattem. Ao, na da danab ah eheɗ hetteb ele laippu bu mekkamnanu unuqidttem. Ag am lailkad mudippan laippu ele nai ena maditteb, amge ag, ag ele nai mattinna amu, ag aɗi eheɗ ahilagppa hekkulagnu oo maittak aotteb.

Sam 5:6

Geha na danab ag hambuppuak nai maditteb ele hadappe nauhkkulag. Ao, na Yawe, na laa ag laa makkuɗadtteb, ag laa hambubutteb ele, na amu dilagnu ootppa uuaknab doottem.

Galesia 4:9

amge gemu ag Kayak dooppig (da Kayak Nug ag doyadtte alom am ena) amunu, aɗinu ag eɗun bittumttum gona, wan imuppan ɗonu hik aqeeqe, ag eɗun uɗat nob iitta, hamu begbeg maɗi nid uɗat hekkulagnu hetteb?

1 Korint 8:3

Amge danab nug Kayaknu oo mauhtte ele, Kayak Nug danab amu epeɗia, nuhignu tituanom.

Matyu 25:12

Ag anam appig amge nug aum. ‘Da genab ag amelagppa attem, da ag ii doyadttem,’ awa aum.” Jesus Nug anam aum.