Luk 13:19 - Nobonob Baibel

¹⁹ Nug am ad mastet aeg bette amubia. Danab laa nug ad mastet aeg amu awa, dad nuhigppa eppe, dimppa nug ba, okkai mewowa ad daatte, ai ag uɗin eppegppa daatteb,” awa aum.

Luk 13:19 Referans Kwoze

Daniel 4:12

Ad amu uɗukkud am enanag. Meu ele huanak; danab ah ohnab lakkulagnu elele. Doɗ wanppa oitteb ele ag ad amu waappa, nuhig logoppa ena daappig. Ai hagagaɗna oitteb ele, ag ebekkudppa teɗ mena daappig. Wanppan doɗ oh, danab ah oh ele ag ad amuppanu ee aon lappig.

Daniel 4:21

Ad amu uɗukkud am enanag, meu ele am huanak oum. Doɗ, am danab ah ele ag nuhig meu aon lappig. Doɗ wanppa oitteb, ag ad amu waappa ena daaegeg, ai hagagaɗna oitteb ele, ag ad ebekkudppa teɗ mena daappig.

Aposel 4:4

Ag anam heppig, amge danab ah kuɗum, aa nai madipiɗ ele amu, ag nai amu doona, ag oolagppa genab dooppig. Amu haen amuppa, oh ag oolagppa genab dooppig ele amu, ag oolagppanu danabib ebqak am 5,000 anam.

Aposel 2:41

Am danab ag Pita nai mattiom, ag amu genab doonna, ahilag ebqak am 3,000 keeke, amu ag layattak aoppig. Aona, ag Jesusnu oolagppa genab dooppig ele, ag amu oolagppa ukkaeg, oh laippu daanna,

Sekaraia 2:11

Haen amuppa amu, wanppan wan kuɗumnu danab ah ag Yawe gukkuidna daan, Nug dim lamiɗkkulagnu hekkulag. Ag nuhikkud danab ah bena daaglag. Nug ag oh, ag oolagppa daakku. Anam beeb amu, ag Yawe Nukka Ɠagattag Oh Ele Nug da meiɗe, da ahilagppa uɗimi dooglag.

Esekiel 31:6

Ai hab waappa hagagaɗna oitteb oh ag gona, eppeg ohppa teɗ meppig. Ge, wanppan doɗ dakkuɗ oh ag ele gona, ad amu waappa ag teɗulag mena, nalkad menuadppig. Wanppan huu okkainab, ɠagattag ele, ag oh ad naɗi amu logoppa aakku daappig.

Aisaia 9:7

Nug am King Dawit ou, Nug geha Dawitnu sia kingppa dayaya, danab ah gumadkku. Gumak uɗat pehettak hekkunu ɠagattag, maɗoɗ ele am haen oh okkai meebeb gokku. Nug Dawit ou daya, Dawitnu sia kingppa dayaya, Nug kobol genab tutukku ele, amu nai doya mala hettoɗia epeɗia elele mettak kobol ele dim lamittebeb, gumak nuhig am okkai, ɠagattag ele beebeb ukkeb, anamib hanhan daakku. Yawe Nukka Ɠagattag Oh Ele, Nugib amunu yag-nab-bak doya heeb, anam bekku.

Aposel 21:20

Pol nug kaya amu mattie doona, ag Kayak binag mewona, ag Pol amegppa appig. “O lainig, na doottem, Juda tausen kuɗumnab ag Jesusnu oolagppa genab doon, Kristen beppig, amge Kristen amu oh ag ɗo ihinig ele dim lamidkkulagnu wagai huana metteb.

Matyu 17:20

Aeg amu Jesus Nug ag amelagppa aum. “Ahilag ooppa genab doyak am iitta bia amunu ag elele iitta. Da genab ag amelagppa attem, ahilag ooppa genab doyak nakokib dayeb, ad mastet aeg bia amu, ag keeke okkai hekkulagnu elele. Ao, ooppa genab doyak ahilag nakokib anam dayeb amu ag qauko umunu, ‘Na ahan laih uppa wa!’ appeg amu, geha wakku. Amunu ag aɗi hekkulagnu daatte amu ag hekkulagnu elele.

Aisaia 58:11

Ag amu hekkulagnu dayeb amu, Yawe Nug ulum matta, atu taɗak gakkaɗak nau eleppa Nug le, ee keeke, ag bau daaglagnu laa ele madakku. Nug ag beɗulag ele ɠagattag madakku. Nug amu heeb, ag dad le elelenab aotte bia daaglag. Ag le qeppuɗia bette, deɗ laa ii qaɗaiedatte amu, ag le amubia daaglag.

Aisaia 53:10

⌊Ag Yawenu maɗi nidnu anam ii helob⌋, amge ⌊ihinig hipunin uhuqkkunu ib laa iitta amunu,⌋ Yawe Nug nuhig maɗi nid nug amu maokkunu aum. Yo, ⌊ihinig hipunin uhuqkkunu ib laa iitta amunu,⌋ Yawe Nug ag nuhig maɗi nid guittak anam mettaglagnu ib babaittom. Yawe Nug he, nuhig maɗi nid nug eheɗ haknu ofa dayom amunu, Yawe Nug heeb, nuhig maɗi nid nug buɗub ele dayaya, buɗub anadkku. Nug dayaya heeb, Yawenu dabmak am ena ma, okkai mekku.

Solomonnu Ahi 6:2

Laa nug dahilnu oo mauhtte ele amu, nug dad nuhigppa ukkom daatte. Nug dad laa, amuppa spais oh daattebppa ukkom. Nug dadppa hamu oiyaya keeke andatta, lili bala ele diikkunu ukkom.

Revelesen 11:15

Aria, engel ebqak 7 nug trampet nuhig iwale amu hab aab appa da laa baalag okkaippa inam aeg doomi. “Wan ohppan gumak uɗat aakku eɗua, ihinig Naɗi, amu laa Nug danab ah dilag Padal ii maknu ehanittak daakkunu tituanom, am Kristus, Nug ele eppelahppa daatte. Naɗi Nug hanhan uɗat amu hekku,” aon appig.

Rom 15:19

Ele amu, iitta aɗi ag Kayak dabmettaknu kobol danab haknu elele iitta okkai okkai, amu kobol danab haknu elele iitta digdig ele Kayak Ouɗinu ɠagattagppa da hei anidna, ag Kayak nai dim lamidppignu madikkul. Nug anam ehaniɗom amunu, da Jerusalem appa digmein, Kristusnu Nai Ena ohnab mehuqeqe, aben ohppa ele oii ukke ukke, Ilirikum aabppa batami.

Jeremaia 31:12

Israel danab ah ag oolag huana gamag ahakku amunu, ag Sion qaukoppa tena, ag qalan ahi ettaglag. Yo, Yawe Nug ag keeke ohnu madakku amunu, ag oolag huananab gamag ahakku. Nug ag ee aeg, wain bau, amu olip goɗen ele madakku. Nug heeb, sipsip, makau ele nalkad kuɗumnab menuadkkulag. Dad, gu ele awawa, meu huana otte, amubia ag elele daaglag.

Aisaia 61:11

Anam amunu, ee tumu wanppanu genab digma ba, okkai mette, o dattanu keeke genab bette, amubia Naɗi Yawe Nug heeb, genab tutukku hak kobol wan atu ohppa okkai meeb, danab ah ag Nug binag mekkulag.

Aisaia 53:1

Aun nug ihinig nainu ooppa genab doyom? Ao, aun nug Yawe Nug nuhig ɠagattag ippunitte, danab amu nug amunu tutukku dabmaama anttom?

Solomonnu Ahi 8:13

O ah dahil, na nahip dad ooppa daan, na laipad ele nai maditteb; na da ele nai mattignihnu oɗ medattem.

Solomonnu Ahi 4:16

Da dad bia daattem amunu, ulah yawalti uɗitteppanu, na ahe! Ao, ulah yau uɗitteppanu, na uɗie! Aa muttuɗig dahil tuala gokkunu amu, aa uɗiya iwaliɗeɗ! Laa nug dahilnu oo mauhtte ele amu, nug uɗia; nug nuhig dadppa uɗia, appa ad meu enanag laa, nug amu lakkunu ool daatte.

Solomonnu Ahi 4:12

O ah dahil, na dahil ah daakkutnu awidmi. Na dahilib, dad laa, dad amunu aɗnu od lok qak daye, dad mameg nuhigib daatte, na amubia daattem. Genab, na dahilib, le qeppuɗia bak laa daye, le mameg, nugib ita laakkunu elele amu, na amubia daattem. Ao, na dahilib, le moɗ laa, mameg aakkuib appanu le itaknu elele, na amubia daattem.

Luk 17:6

Aeg amu Naɗi Nug aum. “Ag ahilag ooppa genab doyak am mastet aeg, am aeg nagnag, am amubia dayeb amu, geha ag ad mulber imu, nuhignu, ‘Na diɗin ele oh kakeɗinna, gona yuppa be!’ akkulag amu, nug geha ahilag nai am dim lamidkku.

Mak 4:30

Nug anam ana amu, Nug nai tuɗitta aum. “Ig Kayaknu ɗo maɗoɗ am aɗi keeke bia daatte akkunig? O ig aɗi keeke danab ag dootteb ii dootteb ele ouaqata ippuanittak nai aɗi apput, ag Kayaknu ɗo maɗoɗnu oolag maidkku? Am inam.