Luk 13:14 - Nobonob Baibel

¹⁴ Amge Juda dilag nai doyak lagnu ikki danab nug Jesus Sabat deɗppa Nug ah amu he ena dayom, nug amunu oo nauhe, nug danab ah amelagppa aum. “Deɗ eblaih laippu ele am uɗat haknu daatteb amunu, ag danab nug oɗe ahilag heeb ena daaglagnu dayeb, aria ag uɗat deɗppaib uɗina, ehanittak amu aoglag. Amge Sabat deɗppa amunu aib uɗippig,” awa aum.

Luk 13:14 Referans Kwoze

Eksodas 20:9

Mettid ohppa na deɗ eblaih laippu ele uɗat henana, na nahip uɗat oh hekkut,

Matyu 12:2

Aon laegeg, ɗo gumak danab-Parasia ag amu anidna, ag Jesus amegppa appig. “Antte, nahipad ippunittak awak danab ag ɗo nug danab laa Sabat deɗppa ee dattanu ii aoma ippunigtte amu, ag Sabatnu ɗo amu tippalna, ee aon latteb,” aon appig.

Luk 6:7

Ɗo gumak danab-Parasia amu ɗo mehuqak danab ele ag appa daana, Jesus Nug aɗi heeb anidkkulagnu meidppig. Nug Sabat deɗppa danab eppeg mauhak ele ehanitteb, elele dayeb amu, ag Jesus hettoɗiak abenppa mekkulagnu oolag dayom.

Luk 8:41

Jesus uɗie amu, danab laa onig Jairus, nug Juda dilag nai doyak lagnu ikki danab laa, nug uɗia Jesus baegppa laippun gateg qaun o, gomela, iɗu wanppa ma, Jesus Nug laugppa gokkunu unuqom.

Mak 5:22

Ag anam daaegeg amu, Juda dilag nai doyak lagnu ikki danab laa onig Jairus nug uɗia, Jesus antta, nug Jesus gumitta ukka, Nug baegppa laippun gateg qaun o, gomela, iɗu wanppa ma,

Rom 10:2

Da Juda ahilagnu doye aute aottem amunu, da miag atiak iikku attem. Ag am Kayaknu kobol dim lamidkkulagnu ag yag-nab-bak dootteb, amge ag doyak ena iitta ele amu hetteb.

Aposel 18:17

Galio nug lamatte amu ag ahan hettoɗiak aben guguittakppa Sostenes, nug am Juda dilag nai doyak lagnu ikki danab amu, ag nug aɗan makkuɗppig. Juda ag anam heppig, amge Galio nug amunu ii dabmeum.

Aposel 18:8

Pol nug appa daye, Juda dilag nai doyak lagnu ikki danab onig Krispus, amu nug baekkudppa ele ag oh Jesusnu oolagppa genab dooppig. Korint kuɗum laa ele ag Pol nai mehuqe, ag oolagppa genab doona, layattak aoppig.

Aposel 13:15

Juda dilag nai doyak lagnu ikki danab ag ɗo nai yaak amu propet dilag yaak ele ebqewona, dimppa ag Pol, Barnabas ele dilah nai meeg ukke oɗ matan appig. “O lainti, nai laa danab ah ɠagattag aqaglahnu dayeb amu, aria mehuqpeɗ dooglag,” aon appig.

Luk 6:11

Aria, danab ag Jesus meidna daappig ele, ag anam anidna, ag Jesusnu oppoɗilag be amelag kokoɗ eppe, akka akka mattinna appig. “Ig Jesus nuhigppa attem hekkunig?” aon appig.

Esekiel 20:12

Da ag tituanatti, ag dahilnu tituanak daaegeg, da ag amu dabmettalagnu at daakkunu da ag dahil Sabat deɗ ag mattami. Da ag da, Yawe, da hei, ag dahilnu tituanak daatteb dooglagnu Sabat deɗ, at daakkunu ag mattami.

Lewitikas 23:3

Deɗ eblaih laippu oh amu ag uɗat hekkulagnu daatte, amge deɗ eblaih aɗit ele amuam sabat deɗ, am hik awaknu deɗ. Deɗ amuppa ag Kayak noobppa qagmena dup nona Nug binag mekkulagnu deɗ. Deɗ amu, aben ag adeppa adeppa daatteb amu, deɗ amuam sabat; am Yawe binag awaknu deɗ.

Eksodas 23:12

Ahilkad donki, ahilkad makau okkai ebehi ele, ahilkad begbeg maɗi nid, amu wan laihnu danab ele amu, ag oh hik aon, ɠagattag bau aoglagnu, mettid ohppa amu, ag deɗ eblaih laippu ele uɗat hekkulag, amge deɗ eblaih aɗitppa amu, ag uɗat aib heppig!

Duteronomi 5:13

Mettid ohppa na deɗ eblaih laippu ele uɗat henana, na nahip uɗat oh hekkut,

Esekiel 34:21

Ag sipsip ɠagattag ele ag laa ɠagattag elele iitta duttunadna ehalattegeg laih watteb, qeqeɗilagppa ele laa gai-iitta yaalattegeg, uma gona daatteb.