Luk 12:48 - Nobonob Baibel

⁴⁸ amge maɗi nid nug nuhig danab okkainu dabmak ii dootte, amge nug bu aokkunu kobol heum amu, geha nuhig danab okkai nug nakokib makkuɗkku. Danab ag keeke kuɗum aoppig amu, ag eɗun keeke kuɗum nob mekkulag. Am danab laa nug eppegppa keeke kuɗum mak daatte amu, geha laa ag nug keeke huanak nob madakkunu onigppa ekkulag,” awa aum.

Luk 12:48 Referans Kwoze

Jems 3:1

O lailad, danab kuɗum laa ele ag oolagppanu ippunittak danab bekkulagnu aib dabmeppig. Aɗinu? Ag dootteb, dimppa Kayak Nug epeɗiak ɠagattag ippunittak danab ihinigppa haaha, Nug epeɗiak nakok bodoettak Nug baekkudppa laala dilagppa hekku.

Lewitikas 5:17

Laa nug ii doyaya ib apiɗitta, Yawenu ɗoppa ⌊nuhig keekeppan⌋ keeke laa haknu aib daatte ele, nug amu tippalkku dayeb, nug aakku hipunin hekku. Anam amu, nug beɗuppa aab ele dayebeb, bu aokku.

Jon 15:22

Da uɗien, danab amu ag amelagppa nai laa ii mattilom amu, ag hipuninnu aab iitta daalob, amge gemu ag hipuninnu aab iitta daaglagnu ib laa iitta.

Matyu 13:12

Danab nug Kayaknu keeke awa, uɗat pehettak medatte amu, Kayak Nug amu laa ele medakku. Metteb, nug happiak ele daakku, amge danab nug Kayaknu keeke awa, uɗat pehettak ii medatte amu, Kayak nug nuhig keeke awom amu eɗua aɗidkku.

1 Timoti 1:13

Anukka da Kayaknu dabittak nai mattimi. Da danab nuhikkud eheɗ hadattami; da ele beɗuppa tak danab daami, amge Kayak Nug dahilnu oo gai-iitta doya oo meɗa ehaniɗom. Aɗinu? Da Jesusnu oolppa genab ii doyeye, da ool ele ii maittette, da eheɗ hemi.

Aposel 17:30

Anukka danab ag elele ii doonna, ag keeke eppelagppa hena, binag meppig amunu, ahilagnu Kayak Nug dabmak okkai ii awom. Amge gemu amu, keeke amunu Kayak Nug danab oh wan ohppa daatteb amelagppa haknunab nai inam atte. ‘Ag oolag eɗueg!’ awa atte.

1 Timoti 1:11

Kobol ag hetteb ele amu, kobol amu oh am Nai Ena binag amahlak oppiaawak ele, Kayak Nug da amu mehuqkkulnu meiɗom ele amu, ag Nai Ena ele laippu ii daatteb. Nai Ena binag amahlak oppiaawak ele, amuam Kayak nuhigppan uɗiom daatte. Kayak Nug anuqaknab, Nug binag okkai ele daatte.

Luk 16:2

Anam aeg amu nug uɗat gumak danab nuhig onigppa e uɗie, amegppa aum. ‘Na keeke heme amu, nai amu da doomi amunu, na gona, dahil keeke oh na aɗattem amu uɗug laappa ye! Aɗinu? Na baula uɗat gumak danab daakkutnu am elele iitta,’ awa aum.

1 Timoti 6:20

O Timoti, Kayak Nug uɗat na mettom amu na atognona, dabmettanna he! Na nai Kayaknu doyakppanu ii bette, amu doyak hambuppuak, doyak amunu amu wanppan danab ag, “Doyak genab,” atteb amge anam iitta, nai amu ele amu, na keeke aɗit amu aib dim lamidme.

Taitus 1:3

Amu Nug haen tituanom ele amu elele antta, Nug he, nai mehuqakppa nuhig nai amu miag atiom. Kayak, Nug ig eɗua awikkom ele amu, Nug da ele nai amu mehuqkkulnu uɗat meɗom.

Namba 15:27

Amge laippu laa nug ii doyaya hipunin ha amu, nug meeme balat laa, maɗ laippu awak ele, nug doɗ amu awa, ib etta hipunin haknu ofa haɗ!

Duteronomi 25:2

Amu epeɗiak danab nug laa eheɗ heum ele bu qaknu akku dayeb, epeɗiak danab nug anam haknunab aum amu, nug heeb, eheɗ hak danab nug noobppa niiebeb, nug mataɗak gane eheɗ heumnu aokkun daatte amu, nug anam mettaglagnu ab, ag anam hekkulag.

Luk 12:41

Jesus anam awa a aria Pita nug Jesus oɗ mettom. “Naɗi, na keeke danab ag dootteb ii dootteb ele ouaqatna ippunittak nai mattime ele amu, na ihinignuib amete o iitta na danab oh dilag amete?” awa oɗ mettom.

Luk 12:49

Jesus Nug baula tuɗitta aum. “Da heppi, hipuninnu ɠagattag wan imuppa iitta mekkunu uɗimi. Nuhig ɠagattag aakku iitta melo am ena,

Matyu 23:14

((O gadon, ag ɗo gumak danab-Parasia amu ɗo mehuqak danab ele. Ag hambuppuak danab. Ag dabmeig! Ag ah qab hambuppualadna, ag laulkad yab aotteb. Ag yab awona, ahilag hipunin amu danab ah amelagppa lokkumkkulagnu ag unuqittak elab hetteb amunu, epeɗiak haenppa geha ag uug okkainab aoglag.))