Luk 12:42 - Nobonob Baibel

⁴² Pita nug anam oɗ mette, Jesus Nug nob ma aum. “Maɗi nid laa, nug doyak dabmak ena ele, nug oo metta ii uuak kobol ele dim lamidtte amu, nuhig okkai nug nuhikkud maɗi nid laa gumattatta, haenppa ee madakkunu elele daatte antta, nug amu hekkunu meum amu,

Luk 12:42 Referans Kwoze

Hibru 13:17

Ag tamaniak ooppa daatteb ele amu, ag ahilkad ikki danab waalagppa daanna, ahilag nai ele dim lamitteg! Ikki danab ag ehanadkkulagnu hena, hanhan ag atognoadnana uɗat hetteb amu, ikki danab amu ag amunu geha Kayak amegppa mehuqkkulag, amunu ikki danab ag uug doomnanu, ag maɗoɗppan gamag ahak dooglagnu amu, ag laa ag ag waalagppa daanna, ahilag nai dim lamitteg! Tamaniak danab ah ag uug doon ikki danab dilag nai dim lamidppeg, ikki danab ag uɗat ahilag hekkulagnu uug doon hekkulag dayeb amu, tamaniak danab ah ag kobol amuppa ehanittak ena ii aomna.

Hibru 13:7

Tamaniaknu ikki danab tatam tatam ag Kayak nai mattiegeg ag dooppig amu, ag ag daulagppa doaɗ! Ag daulagppa doobob, ag danab amu ag attem oin daanna, uɗat hena, attem mauhadppig, ag amu oh dabmena, ag ele ahilkad ooppa genab doyak bia doyeg!

2 Timoti 4:2

Na amunu dabmak aonna, nai nuhig mehuqe! Danab ag nahip nai dooglagtai o iitta iitai doomna, amge na haen oh Kristusnu nai mehuqe! Haen oh ag Kayaknu kobol dim lamidkkulagnu na ag toliadna, daulag batan, oolag ɠagattag ele aqe! Na amu henana amu, na oo maɗoɗ doon, ippunittak ele pehettaknab he!

1 Timoti 5:17

Ag Kristen danab, ag Kristen tamaniak ikki danab ag tamaniaknu uɗat ena hetteb ele amu, ag danab amunu ena elelenab doyeg! Amu Kristen tamaniak ikki danab, amu oolagppanu laala ag Kayak nai mehuqtteb, danab ah ele nai ippunadtteb ele amu, ag amu dilagnu amu ag anuqaknab doyeg!

1 Pita 4:10

Amu ag oh anen anen Kayaknu ɗo hamu mettak laa aoppig amunu, ag amuppa Kayak Nug ehanittak okkai hamu megakka, uɗat hekkunignu oo daatte bia lailkad ehanatteg!

Taitus 1:7

Kristen tamaniaknu gumak ikki danab amu, nug Kayaknu uɗat gumatte amunu, nug Kayaknu neekkakppa ooppa kaliak laa iitta ele daakkuoitte. Nug beɗuppa tak danab aib dayom, nug oppoɗi paha aib beum, nug le ɠagattag huana aib laum, nug la guittak nau mauhnoak mettaknu tiigppa dayak danab aib dayom, amu nug men doɗo kuɗum awaknu hik aib qeum.

Aposel 20:28

Amunu ag akka ahilagnu dabmenan daanna, amu Kayaknu danab ah, Kayak Ouɗi Nug ag gumak ikki danab ahilag daaglagnu otiattom ele amu, ag amu dilag ele oh dabmenan dayeg! Ag Kristen tamaniak, Kayak Nug nukka Nug tiigppa nuhig tamaniak amu daden meum ele amu, ag nuhig tamaniak amu tutukku gumatteg!

Matyu 20:8

Aria, uɗat haen iitta me, grep dad mameg nug uɗat amu gumak danab onigppa e uɗie, amegppa inam aum. ‘Na uɗat nid onilagppa eppe uɗippeg, ahilag uɗat nob daden matte! Madakkut, amge laa dim doppig, amu dilagppa digmena, daden madappe ukkeb, tatam doppigppa bate!’ awa aum.

Esekiel 34:3

Ag Israel dilag gumak danab ag sipsip huh aon latteb, ag sipsip uɗilag aon, ahilag lamen hadatteb, ag doɗ ena ena ele baalag otaɗadna latteb, amge ag sipsip ii atognoadtteb.

Aisaia 50:4

Naɗi Yawe Nug da oɗel ehanitte, da nai ena madikkulnu elele amunu, da nai enappa danab ah ag uug nau doon oitteb ele, da ag ehanadkkulnu elele daattem. Deɗ oh buttua Nug maɗeɗile, da ahattem. Nug da maɗeɗile ahai, Nug he, da daul hume, Nug aɗi atte amu, da dim lamidkkulnu dabmein aute awe daattem.

Prowerb 15:23

Danab nug laanu nai nob elele mette, nug oo gamag ahak dootte. Ao, nai elelenab haenppa mattiak am he, danab nai maditte ele nug oo gamag ahak okkai dootte.

Hibru 3:5

Moses nug am Kayaknu danab ah tamaniak ooppa maɗi nid dayaya, oo metta ii uuak kobol dim lamitta, dimppa keeke bekkunu amu Kayak oɗeppanu awa madittom.

1 Timoti 3:15

Amunu diig am, da paha na gumitte ii goppi amu, na nai imu ebqena, na Kayaknu tamaniak attem tolidppe ena oiglagnu dookkut. Tamaniak am Kayak bauklelnu keeke, tamaniak am doyak diig genabib ukku, biidod ele daatte.

Luk 7:13

Haen Jesus Nug ah amu antta, nuhignu oo bodoetta le me, Nug ah amu amegppa aum. “Na aib gaame,” awa aum.

Matyu 13:52

Ag, “Yo,” aon aeg amu, Nug ag amelagppa aum. “Anam amu ɗo mehuqak danab oh, ag Kayaknu ɗo maɗoɗ ooppa noppig ele amu, ag am lag okkai mameg bia daatteb. Nug keeke maknu oo nuhigppanu keeke alag, bau ele akke do madatte,” awa aum.

Jeremaia 23:4

Amu da Yawe, da geha gumak danab huu bau laa otiadppi, ag geha danab ah dahilad, ag sipsip bia amu, ag ag ena gumadkkulag. Ag ena gumadppeppeg, ag keeke laanu ii baɗamna. Keeke laa heeb, ag baɗak eheɗ nau ii doomna. Am geha ag oolagppa laippu laa ii padal mema; iitta,” awa atte.

Prowerb 27:18

Aun laa nug ad fig dabmetta atognotte, nug ad fig meu lakku; aun nug nuhig okkai dabmedatte, nug binag aokku.

Prowerb 31:15

Nug haɗa-ii-edette aha, nug baekkudppa dilag ee babaittowa: nug maɗi ah nuhikkud dilag ee ele bappaidtte.

Luk 7:19

aa goya Jesus inam oɗ mettaglahnu aum. “Danab laa uɗikkunu aeg doomut am na aakkute o iitta ig laate ameg mekkunig?” Nug anam amelahppa ana, nug he gopiɗ.

Luk 12:43

dimppa maɗi nid amunu okkai nug laih ukkakppanu eɗua uɗia, maɗi nid amu nug danab okkai nuhig anukka amegppa aumbia hette anidkku amu, nuhignu am ena.

Eksodas 36:4

Ag anam heegeg, danab uɗatnu doyak okkainab ele ag mettid haknu peh lag henana, keeke huanak anam anidna, ag uɗat ag heppig amu ag uun,

Prowerb 12:8

Danab ag laa nug doyak dabmak ena ele, ag nug binag metteb; amge danab nug dabmak kaliaknu kobol hette, laa nuhignu ena iinab dootteb.