Luk 12:37 - Nobonob Baibel

³⁷ Am danab okkai nug uɗia, nuhikkud maɗi nid ag ii niippeg anadkku, aria maɗi nid amu, ahilagnu am ena. Da genab ag amelagppa attem. Geha danab okkai nug nukka lamen tutu matagiɗ ele takkowa, nug ab, maɗi nid amu ag balalppa daappeg, nug nukka ag ee madakku.

Luk 12:37 Referans Kwoze

2 Pita 3:14

Amunu O lailad, ag keeke amu ameg mena daatteb amunu, ag oolagppa oppiak daaglagnu, ag danab oolagppa kaliak laa iitta ele daaglagnu, ag Kayak, Nug ele maɗoɗ daaglagnu, ag wagai menana dayeg!

Matyu 24:42

Amunu ag Danab Bekkalag da, da eɗuen nekkulnu dabmenan dayeg! Aɗinu? Deɗ adekkuppa ahilag Naɗi uɗikku amu, ag ii dootteb.

Pilipai 1:23

Da keeke amunu ool aɗit ele daattem. Amu da goppi, Kristus ele daagnih, amuam keeke enanagnab, da amunu ool hette.

1 Korint 2:9

Kayak naippa, nai inam daatte. “Kayak Nug keeke ena ena, danab ag nuhignu oolag mauhtte ele madakkunu babaittom amu, keeke amuam danab laa nug amegppa ii anttom, daugppa ele ii doyom, dabmakppa ele ii beum. Keeke enanagnab.”

Revelesen 14:13

Aria, da baag laa hab aabppanu doomi amu nug inam aum. “Na nai inam ye! Danab aun aɗi ag Naɗi onignu oolagppa genab dootteb amunu gemu, butti aɗi ele laa heeg, ag mauhtteb ele amu, ag itittak ena aoppig daatteb,” awa aum. Aria, Kayak Ouɗi Nug ele atte. “Ag ahilag uɗatnu hik aoglag. Aɗinu? Ag ahilag hak ena heppig ele amu, amunu nai am ag ele gokkulag,” awa atte.

2 Pita 1:11

Aria, ag kobol amu hekkulag amu, Kayak Nug ag diia, ag Nug ele laippu dayaknu ooppa elele doya aut auta awa heeb, ag ihinig Naɗi, Nug am ihinig Padal ii maknu ehanittak, Jesus Kristus, ag nuhig ɗo maɗoɗ hanhannu ooppa daaglag.

Jon 12:26

Amu laa nug da waalppa dayaya da oɗel dim lamidkku dayeb amu, nug da dim lamiɗkkuoitte. Am da adeppa daattem amu, dahil maɗi nid nug ele appa daakku. Am laa nug da waalppa dayaya da oɗel dim lamidkku amu, Mame Nug nug binag humakku,” awa aum.

Luk 21:36

Amunu ag hanhan tutukku dabmena daanna, keeke amu oh anidmananu amu, ag Danab Bekkalag da, da noolppa hippaidkkulagnu elele daaglagnu ele unuqitteg!” awa aum.

Aisaia 62:5

Amu danab bau laa nug ah makkun laa awa atognotte, amubia ag Juda danab ah ag wan ahilag atognokkulag. Yo, danab nug ah awa, oo huana gamag ahatte, amubia Kayak ahilag Nug ahilagnu oo enanag daakku.

Revelesen 7:17

Aɗinu? Sipsip Nag Nug gamagppa sia king ⌊anuqak⌋ guguittak daatte amu, Nug ahilag gumak danab ena dayaya, geha gumattebeb gona, moɗ laappa, le qeppuɗia bette ele, amuppa ag bauklel le aoglag. Amu Kayak nug geha amelag leb oh amelagppanu obikku,” awa aum.

Revelesen 3:21

Aun laa nug ban eɗidkku amu, da nug daakkunu elele appi, nug da ele dahil sia kingppa, anukka da ban eɗitti, gemu da Mamel ele nuhig sia kingppa daattep amubia daagnih.

Pilipai 1:21

Dabmak dahil amunu am inam. Da bau daakkul dayeb amu, da Kristus Nugib dim lamidkkulnu ool okkai daatte, o iitta da mauhkkul dayeb amu, geha da enanag, Kristus ele ouqeɗa daagnih.

Luk 17:8

Iitta. Nuhig okkai nug nug amegppa inam akku. ‘Na dahil ee bappaidna, matagiɗ takkana, na dahil ee yaan aon doppe, da tatam lawoya, le ele lappi, dimppa amu na ee lawona, le la!’ awa akku.

Luk 12:43

dimppa maɗi nid amunu okkai nug laih ukkakppanu eɗua uɗia, maɗi nid amu nug danab okkai nuhig anukka amegppa aumbia hette anidkku amu, nuhignu am ena.

Sepanaia 3:17

Yawe, ahilag Kayak, Nug ag oolagppa daatte; Nug am ban danab ɠagattag, Nug hanhan nuhikkud ehanatte, ag kekeɗ eɗadtteb. Yawe Nug ahilagnu enanagnab dookku. Nug ahilagnu oo mauhtte, amu amuppa ag maɗoɗ aoglag. Ge, Nug ahilagnu oo gamag ahebeb, ahi edakku,” aon akkulag.

Jeremaia 32:41

Da ena hadakkulnu ool gamag ahebeb, da genabnab meul ohppa ena hadappi, ag wan amuppa ee laa datta enanag bette, ag amubia wan imuppa enanag bekkulag.” Yawe Nug anam awa atte.

Luk 12:36

ag maɗi nid, ag ahilag danab okkai, nug danab ah ele dilah ewau matulak hobulppanu eɗua uɗia, od qeqaleb, od paha matulkkulagnu ameg men daatteb bia dayeg!

Luk 22:27

Nug anam awowa, Nug baula aum. “Wannu kobolppa amu, aun nug am anuqak? Laa nug balalppa dayaya ee latte, nug am anuqakte, o iitta maɗi nid nug laa balalppa daatteb ele, nug ag ee madatte amu, nug am anuqaktai? Iitta. Laa balalppa ee latte, danab amuam anuqak daatte, amge da amu ag oolagppa maɗi nid bia ag ehanatten daattem amunu, amuppa ag dootteb, danab nug anuqak daakku, nug maɗi nid bia dayaɗ!

Revelesen 16:15

Aakku, ouɗi nau ag gona, aben laa, Hibru naippa ag aben amunu Armagedon atteb, ag amuppa king qagmaadppig. Amu Naɗi Nug nuhig deɗ naɗinu inam atte. “Antteg! Da yabhok danab bia uɗittem amunu, danab laa nug beɗu miag dayeb, laa ag anidppeg, nug uɗa nemanu, danab nug maɗaɗ maama, nuhig lamen atognoawa daatte amu, nug itittak awom daatte,” awa atte.