Luk 12:19 - Nobonob Baibel

¹⁹ da dakka, da inam dabmekkul. “Da lagnu keekenu laa ii bahuhupa, dahil keeke ena ena daatte, maɗ kuɗum daakkunu elele. Aria, da hik awe dayeye, da ee, le ele oh lanakib lainne, gamag ahakppa daakkul,” ’ awa aum.

Luk 12:19 Referans Kwoze

Prowerb 27:1

Na aib na nakka binan mena, “Da genabnab butti uɗat okkai inamnab iikku hekkul,” ame; amunu diig am, butti aɗi bekku amu, na ii doottem.

1 Korint 15:32

Danab mauhppig ele, ag eɗun ii hippaidlob amu, haen da Epesus daaiyi laala da Jesusnu nai mehuqttem diig amunu iuppeg mauhkkulnu heppig amu, uug amu mawak am diig iittanab. Danab mauhppig ele, ag eɗun ii hippaidmana, nai amu genab daalo amu ig, “Haen elab iitta ig mauhkkunig amunu, ig ee le ele aot latu!” dabmeta doolom.

Aisaia 5:11

Amu danab ag le ɠagattag digdig lakkulagnu guittak doon, lakkulagnu buttuanab ahatteb amu, ahilagnu gadonnab gadon. Ge, laa ag tueb ukke tugmag mette ele, ag wain lanan, kaaka eheɗ aqadtte amu, ahilagnu gadonnab gadon.

Eklisiastis 11:9

O nid bau, na nid bau daattem, haen imuppa na oot gamag ahaɗ! Ao, na ootppa aɗi aɗi hena, gamag ahak dookkutnu anidttem ele amu, na amu hekkut. Na ootppa attem attem hekkutnu doottem, na amenppa attem attem hekkutnu anidttem amu, na amu dim lamidkkut; amge dabme! Kayak Nug na aɗi aɗi hekkut amu, Nug na amunu epeɗidkku.

Jems 5:5

Ag wanppa daanna, ag keeke ena ena oh aon, oolag gamag ahehe daan, ag akka ag keeke kuɗumnab akka ahilagnu aɗappig. Ag akka ag hena, epeɗiak okkai deɗppa ag nob nau okkai aoglag.

Pilipai 3:19

Ag akka ag beɗulagnuib dabmetteb, amu dabmak amuam ahilag kayak aakku daatte. Ag uɗa nak keeke digdignu oolag gamag ahehe, ag wanppanu keekenuib dabmetteb. Danab amunu ag geha padal mak aoglag.

Prowerb 18:11

Danab ah enulag ele ag ahilkad keekenu, “Imuam ihinig aab ɠagattag aɗ ele,” atteb; ag keeke amunu am aab okkainu aɗ naɗi itak dayeye, laa ag aɗ amu tena letana nokkulagnu elele iitta, ag anambia dootteb.

Sam 62:10

Na keeke lokkumakppa awaknu duttuna hak kobolppanu, “Da anam hekkulnu elele daattem amunu, amuppa da keeke ena kuɗum aokkulnu elele,” aib ootppa genab doon dabmeme. Ao, na dabmak hambuppuak aib aonna, yabhokppa keeke aokkutnu maittak aonna heme. Na ⌊ib enappa⌋ en kuɗum aokkuttai, amge na keeke amunu, “Anuqak keeke,” aib dabmeme.

Revelesen 18:7

Nug nukka nug binag amahlak oppiaawak ele metta, nug keeke ena ena digdig kuɗumnab hik qe aokkunu ha awom amunu, ag nug guittak, gayak ele melemel amuppaib metteg! Aɗinu? Nug ooppa, ‘Da kwin, da ah qab iitta amunu gayak baag laa dahilppa ii bema,’ dada nai atte.

1 Pita 4:3

Danab ag Kayak bekkod iitta, ag kobol nau digdig hetteb. Aria, ag gemu nai imu aotteb amu, ag ele anukka kobol anamib hedappig, amge gemu ag ii hetteb. Laa ele amu, ag baula aib heppig! Kobol amuam inam. Hipaɗu ahak kobol, oo hak nau kobol, le ɠagattag lawowa kaaka qak kobol, goɗak qiɗ nau ele hak kobol, le ɠagattag lana mauhnoak oiyak kobol, kayak hambuppuak binag mak kobol ele; Kayak Nug kobol amunu ooppa uuaknab dootte.

2 Timoti 3:4

Ag kadoi layag kekeɗ eppelagppa mak kobol, ahilag dabmak nau paha dim lamittak kobol, amu enaen mak kobol ele hekkulag. Geha ag beɗunu gamag ahak digdig kobol amunuib oolag mauhebeb, Kayaknu amu oolag ii mauhma.

Hosea 12:8

Israel ag enaen mena, akka binalag mena, ag atteb. “Ig am enunig okkai ele, ig keeke kuɗumnab aomut! Ig enunig naɗi ele, amge laa nug ig hipunin aɗitai hetat aomut akkunu elele iitta,” aon atteb. ⌊Amge amuam genab iitta.⌋

Aisaia 22:13

Amge antteg! Ag oo doyak kobol amu ii hemana. Iitta! Ag oo gamag ahak doon, ahi goɗak, hobul ee naɗi hena, sipsip aqan, makau baalag otaɗadnana, henan lanana, ag wain ele lakkulag. Lanana ag akkulag. “Doppeg, haen elab iitta ig mauhkkunig amunu, ig ee le ele aot latu!,” akkulag.

Aisaia 5:8

O gadonnab gadon, ag danab ag lag kuɗum, wan kuɗum ele aonna, ahilagnu qagmetteb. Ag anam hetteb, amu geha ag wan oh aoppeg, danab laa ag daaglagnu aben laa ii daama. Ag akka, ⌊Kayak anamnu ii aum bia,⌋ agib appa daaglag.

Prowerb 23:5

En okkai am paha paha iitta mekkunu elelenab; Aɗinu? Haen kuɗum ai igel nug hagagaɗa, paha paha gotte, paha amubia en okkai na eppenppanu gokku.

Job 14:1

Danab oh ag ah oolkadppanu dotteb ele, ag wanppa haen elab ii daatteb. Ao, ag uug kuɗumnab ele maon oitteb.

1 Timoti 6:17

Danab ah wannu haen imuppanu keeke kuɗum ele amu, Na tutukku imu ag amelagppa appe doyeg! Ag beɗuppa tak kobol aib heppig. Ag keeke oh paha nauhtteb ele, ag amunu oolagppa genab aib dooppig. Ag Kayak, Nug nukka aakkuib keeke ena ena kuɗum, ig oonig gamag ahakkunu megatte ele amu, ag nuhignu aakkuib oolagppa genab doyeg!

1 Timoti 5:6

Amge ah qab nug nukka beɗunu oo hakib dim lamidtte amu, nug aakku mauhak bia daatte.

Luk 21:34

Jesus Nug anam ana, Nug nai tuɗitta aum. “Keeke amu bekkun daatte amunu, ag daulag atieb, ag hanhan ee lanaknuib hik aqeb, le ɠagattag labeppeg, kaaka aqebeb, beɗu ena dayak amunu guattebeb hebeppeg, kobol amuib aha ag tonadmanu tutukku dabmeig! Kobol amu ag tonatteb, Naɗinu deɗ amu ag dab-ii-menana, pahaettak, doɗ pelemppa notte bia ag anadkku.

Luk 16:19

Jesus Nug ele aum. “Anukka enub danab laa dayom, am nug hanhan beɗuppa lamen perpel, aria linen lamen hakkab eleib mettom. Am nug hanhan ee ena enaib lattom.

Habakuk 1:16

Kakai eeɗak danab nug uhuippa kakai aotte amunu, nug en okkai ele daatte. Ao, nug ee ena enaib amuppa awa latte. Nug uhuippa anam awa lanana dootte amunu, nug uhuinu, ‘Dahil kayak,’ anan, uhui noobppa doɗ laa mana medatte. Ao, nug uhui diig laa ele nuhignu anam dootte amunu, nug kalu danab ile muttuɗig enanag bette ele awa, uhui noobppa amu ilatte.

Sam 49:18

Danab nug bau dayaya, nug enub awawa, nug enub amu ohnu gamag ahakkutai. Ao, nug anam dayebeb, wanppan danab ah ag anidna, ag onig okkai mettaglagtai.

1 Samuel 30:16

Isip danab nug anam a, ⌊Dawit nug amunu ena a,⌋ Isip nid bau nug Dawit ⌊nuhikkud ban danab 400 ele⌋ oh omalatte, ag laih Amalek daattebppa goppig. Nug ag diia ukke, ag Amalek anadppig; ag wan laih naɗi amuppa mauhnoak daan daaeg ukke, daanna ee lanana, le lanana, gamag ahak naɗi henan daappig. Aɗinu? Ag Pilistia dilag wanppa keeke kuɗum awon; Juda wanppa ele keeke kuɗum aoppig.

Prowerb 10:2

Na ib eheɗppa en okkai aokkut dayeb amu, en amu ii ehanidma; amge genab tutukku hak kobol am na ehanitteb, laa ag eheɗ hak ahilagppanu mauhtteb, amubia na ii mauhmana.

Eklisiastis 2:24

Da amu oh anitti ukke, keeke laa ele anidmi. Amuam danab nug ee, le ele lanana, nug aɗi uɗat Kayak nug mettom am haaha, uɗat amunu nug oo hak dookkunu am ena; kobol laa oh eɗittak. Kobol amuam Kayak eppegppanu ihinigppa uɗitte, da anam anidttem. Am kobol ena.

Aisaia 56:12

Ag akka akka nug amegppa mattin atteb. “Ahappeg! Ig gota, wain aotu! Ao, ig gota, bia aot lapput ukkeb, oonig didikku. Ig amu hetata oipput, butti am ele deɗ ena, gemu bia daakku, amge gemu bianab ii daama. Iitta! Buttinu oo gamag ahak am gemunu eɗidkku,” aon atteb.

Amos 6:13

Ag amu hetteb ele amu, ag aab Lo Deba eɗidna aoppignu gamalag ahatte. Ao, ag dada hena, ag aab Kamaim eɗidna aoppignu, ag, “Ig ikka, ihinig ɠagattagppa eɗadta aomut,” aon atteb.

Luk 12:18

Aria, nug anam ana, nug baula aum. ‘Da inam hekkul. Da ee maknu lag oh loppaɗena, ee mak lag okkai okkai hatten amu, da ee aeg qagmein, keeke ena dahil oh ele lag amuppa qagmeppi dayebeb,

Prowerb 14:24

Danab doyak dabmak ena ele, doyak dabmak ena ele amuam ahilag en, amu ahilag en amu, am ahilkad igippan haɗ bia daatte; amge danab ag Kayak dab-ii-mettan ii dim lamidtteb ele ag Kayak dab-ii-maama hak henana, ag kobol amuib tuɗidna hetteb.