Luk 12:17 - Nobonob Baibel

¹⁷ Nug ooppa nuhig dabmak inam dayom. ‘Da ee dahil huanak imunu attemtai hekkul? Da ee dahil oh qagmekkulnu amu, ee maknu lag elele iitta,’ awa aum.

Luk 12:17 Referans Kwoze

Matyu 5:42

Aria, danab nug keeke medakkutnu oɗ metteb amu, na mette! Amu aun nug nahip-ppanu lon aokkunu oɗ metteb amu, na medakkut.

Aisaia 58:7

Amu ele, ag danab ag ee iitta, enug daatteb amu, ag ee mattanna, laa lag keeke iitta, qati qati oitteb amu, ag amuppa daaglagnu aben matteg! Amu haen ag laa nug lamen iitta dayeb anidna, ag nug lamen metteg! Ag lailkadnab dilagnu aib daulag atiom! Ag keekenu tutu meppeg amu ehanadna matteg!” Yawe Nug anam atte.

1 Jon 3:16

Kristus Nug ihinignu mauhom, amuppa ig oo mauhak kobol doottem. Amubia ig ele ig lainkad dilagnu mauhkkunignu daatte.

Rom 12:13

Kayaknu danab ah oppiaawak ele laa ag keekenu tutu daappeg amu, ag ehanatteg! Laa dilagnu ag nug ehanittak heig!

Aposel 16:30

Na qa, eɗua aha, nug diiata dimittim wana, oɗ matom. “O danab naɗi aɗit, Kayak Nug da eɗua awiɗkkunu amu, da attem hekkuloitte?” awa aum.

Luk 19:17

‘Na maɗi nid ena, na uɗat enanag heme, na keeke nakoknab oo metta ii uuak kobolppa dabmettan autna aome amunu, gemu da na aab okkai 10 gumadkkutnu ɠagattag medattem,’ awa aum.

Luk 18:22

Nug anam a, Jesus Nug nai amu doya, amegppa aum. “Keeke laippu amuppaib na elele iitta. Na gona, na enun oh meppe, danab laala ag daden meppeg, na men doɗo amu oh aon, daɗek danab mattona, na hab attan enun okkai ele daakkut. Na anam hewona, na eɗun dona, da dim lamiɗe!” awa aum.

Luk 16:9

Jesus Nug anam ana, Nug baula aum. “Amunu da ag amelagppa attem. Ag wan imunu enub, men doɗo, ag amuppa ehanittak heig! Am dimppa men doɗo iitta meeb, aria ag lailkad ag ag ele laippu dayaknu oolagppa eleleib doon omaladppeg, ag hanhan dayaknu laulagppa gona daaglag.

1 Timoti 6:17

Danab ah wannu haen imuppanu keeke kuɗum ele amu, Na tutukku imu ag amelagppa appe doyeg! Ag beɗuppa tak kobol aib heppig. Ag keeke oh paha nauhtteb ele, ag amunu oolagppa genab aib dooppig. Ag Kayak, Nug nukka aakkuib keeke ena ena kuɗum, ig oonig gamag ahakkunu megatte ele amu, ag nuhignu aakkuib oolagppa genab doyeg!

Aposel 2:37

Ag nai mattie doona, nai amu ag oolagnab yom amunu, ag ahan, Pita, amu totol danab 11 ele ag amelagppa inam appig. “O ig lainkad, geha ig attemtai hekkunig?” aon appig.

Luk 16:3

Anam a amu uɗat gumak danab amu nug nukka nukka nai mattia aum. ‘Da attemtai hekkul? Danab okkai nug am dahil gumaknu uɗat amu eɗua aotte. Da wan oppatkkulnu amu, da ɠagattag elele iitta, laa amu da danab laa unuqadppi, ee meɗaglagnu am da uɗal nette,’ awa aum.

Luk 12:33

Ag ahilag keeke oh maadppeg, danab daden meppeg, men doɗo aona, daɗek danab ehanadna matteg! Ag anam hekkulag amu ag men doɗo inaknu hogot, alag ma nauhkkunu elele iitta ahilkadnu diiglag. Ag aakku ahilag en ii iitta memanu hab aabppa qagmekkulag. Appa amu yab danab laa nug ii daama, dittuɗ ele ag keeke laa ii heppeg nauhma.

Luk 12:29

Amu ag aɗi ee le ele lakkulagnu hik aib aqom. Ag keeke amubianu aib dabmak aqom.

Luk 12:22

Aria, Jesus Nug nuhikkud ippunittak awak danab amelagppa aum. “Anam daatte amunu, da ag amelagppa attem. Ag wanppan bau dayaknu dabmak aqadna, ‘Ig ee elete daagnig?,’ o iitta beɗulagnu, ‘Ig beɗunigppa takkaknu amu, ig lamen elete daagnig?’ aib appig.

Luk 11:41

amunu, ag danab daɗek ehanadppeg, ii nauhppeg, ag oolag oppiaawak ele daakku.

Luk 10:25

Aria, deɗ laa ɗo mehuqak danab doyak okkainab ele laippu laa aha, nug Jesus eheɗ aab anidkkunu oɗ ma aum. “Ippunittak danab, da attem heina da bauklel hanhannu aokkul?” awa aum.

Luk 3:11

Aon aeg amu nug eɗua ag amelagppa aum. “Danab aun laa nug lamen nakok elab aɗit ele daatte, nug lamen laa amu awa, danab lamen iitta ele medakku. Danab nug ee ele amu, nug ele anam hekku,” awa aum.

Eklisiastis 11:2

Na nug ehanittak nahip am ib kuɗumppa hee! Aɗinu? Na wanppa aɗi uug naunab digdig bekkunu daatteb amu, na ii doottem.

Matyu 16:7

Nug anam a amu, ippunittak awak danab ag akka akka appig. “Ig bret ii aomut amunu Nug anam aum,” aon appig.

Luk 12:16

Ana amu Jesus Nug keeke danab ag dootteb ii dootteb ele ouaqata ippuanatta, inam amelagppa aum. “Enub danab laa nug dad okkai nuhigppa ee meu huanak ele antta,

Luk 12:18

Aria, nug anam ana, nug baula aum. ‘Da inam hekkul. Da ee maknu lag oh loppaɗena, ee mak lag okkai okkai hatten amu, da ee aeg qagmein, keeke ena dahil oh ele lag amuppa qagmeppi dayebeb,