Luk 11:9 - Nobonob Baibel

⁹ Anam daakku amunu, da ag amelagppa attem. Ag Kayak unuqidppeg, Nug ag madakku. Ag mattina, ag anidkkulag. Ag od qeqalppeg, Kayak Nug ahilagnu od matulkku.

Luk 11:9 Referans Kwoze

Mak 11:24

Amunu ag keeke laa bekkunu unuqidnana, ag aottebnu oolagppa genab doonna, ag unuqidppig amubia ag aoglag.

Matyu 21:22

Amu ele ag oolagppa genab doonna unuqidkkulag amu, ag keeke aɗi aɗi aoglagnu unuqidna amu, ag aoglag,” awa aum.

Jon 15:16

Ag da ii tituaniɗppig. Iitta! Da ag tituanadmi. Anam amu, da ele ag gona, meu ii nauhtte ele okkulagnu, da uɗat amu ag mattami. Ag anam hekkulag dayeb amu, Mama Nug aɗi keeke ag da onilppa Nug oɗ medappeg amu, Nug ag madakku.

Jon 15:7

Ag dahilppa daaglag dayeb, dahil nai ele ahilagppa dayeb, ag oolag daatte amu, ag amunu oɗmak hena, ag aoglag.

Jon 14:13

Amu Mama Nug binag amahlak oppiaawak dahilppa aokkunu amu, ag aɗi keekenu da onilppa da oɗ meɗaglag amu, da hekkul.

1 Jon 3:22

amu ig Nug aɗi keeke laanu oɗ medattem dayeb, Nug ig megatte. Aɗinu? Ig haknunab nai nuhig doot dim lamidta, kobol Nug oo niitte, amu ele ig hettem.

Jems 1:5

Ag oolagppa danab laippu laa nug doyak dabmak ena ele elele iitta daatte dayeb amu, nug amunu Kayak unuqittaɗ! Nug unuqitteb, Kayak Nug doyak dabmak ena ele medakku. Kayak Nug keeke danab madatte amu, Nug elelenab madatta, Nug mettaknu nai ii hette.

Sam 118:5

Da uugppa daami, haen amuppa Yawe unuqitti, Yawe Nug oɗelppa awa, da ehaniɗe, qagaiettakppa ii daami.

Jeremaia 29:12

Da anam ehanadppi, ag eɗun dahilppa uɗin, ag da onil diin, unuqiɗkkulag. Ag unuqiɗppeg, da ahilag unuqittak dookkul.

Hibru 11:6

Danab laa nug ooppa genab ii dootte ele amu, Kayak Nug nuhignu oo ena dookkunu elele iitta. Aɗinu? Danab ag nuhigppa wakkulagnu oolag hette amu, ag Kayak Nug daatte, amu danab ag oolag unuqagppanu Nug mattin oitteb ele, Nug ag nob ena madatte oolagppa genab dooglagoitte. Ib laa iitta.

Jems 5:15

Amu ikki danab ag Kayaknu oolagppa genab doona unuqidppeg amu, Naɗi Nug oɗe danab amu heeb, eɗua bau mekku. Aria, oɗe danab amu nug hipunin hattom dayeb amu, Naɗi Nug hipunin nuhig uhuqa medakku.

Jeremaia 33:3

‘Juda danab ah, ag da unuqiɗppeg, da unuqittak ahilag nob matten, da keeke okkainab, ag ii dootteb ele, danab ah ag ahilag dabmakppa mattin anidkkulagnu elele iitta, da keeke okkainab amu ag ippunadkkul,’ ” awe attem.

Sam 34:10

Am laion bau ag haen laala enug aqadtte, amge aun aɗi ag Yawe anidna dim lamidkkulagnu Nug maditteb amu, ag keeke ena laanu tutu ii memana.

Hibru 4:16

Amunu uug haenppa Kayak Nug ihinignu oo gai-iitta doya oo mekka ehanikkunu, Nug ig ehanittak okkai hamu megakkunu amu, ig ii baɗatta, Kayak gumitta gotu!

Sam 50:15

Amu Kayak Nug atte. “Haen nau laa uɗieb amu, ag da unuqiɗppeg, da ag ehanadkkul. Ao, da ag ehanadppi, ag da binal mekkulag.” Kayak anam awa atte.

Sam 34:4

Da Yawe antten, dim lamidkkulnu mattie unuqitti, Nug doya, da ehaniɗom. Nug da ehaniɗe, keeke oh da amunu baɗami amu, keeke amunu laa dahilppa ii beum.

Jon 4:10

Ah anam a amu, Jesus oɗeppa awa aum. “Na Kayak Nug ɗo medakkunu hette doolom, amu na danab aun Nug nahipnu, ‘Na le aon doppe lai!’ aum ele, na Nug ele doolom amu, na Nug amegppa appe, Nug na le bauklel ele mettalo,” awa aum.

Sam 27:8

O Yawe, da ool unuqagppanab, na amuppa na dahilnu, “Na da aniɗna dim lamiɗkkutnu, da mattiɗe!” ame amunu, O Yawe, da na anitten dim lamidkkulnu mattidkkul.

Matyu 6:29

amge da ag amelagppa attem. Anukka Solomon nug bala nuhig oh meum, amge nuhig bala ena amu, am enanag bala haɗag amubia laa iitta.

2 Korint 6:2

Kayak Nug atte. “Haen da ii helom bia me da na ehanidkkulnu doyeye, da nahip unuqittak doyen ehanidmi. Ao, ehanitteb padal ii mak haenppa amu, da na ehanidmi,” awa aum. Doyeg! Gemu am Kayaknu ii helobia me ehanigtte haen. Gemu Kayak Nug eɗua awigkkunu dabmette.

Mak 13:37

Nai imuam ahilagib iitta. Da danab ah oh dilagnu ele attem. “Ag dabmenan dayeg!” awa aum.

Rom 2:7

Danab laala ag binag amahlak oppiaawak ele, bau hanhan dayak, binag ele mattinna, kobol tutukku hetteb amu, geha Kayak Nug danab amu bauklel hanhannu madakku.

Sam 27:4

Keeke laippu laa aakkuib da Yawe, da Nug meɗakkunu oɗ medakkulnu heinne daattem. Yo, keeke laippu aakkuib, da aokkulnunab ool daatte. Keeke amuam, da bau daattem haenppa, da Nug laugppa dayeye, da haen oh, anttak enanag nuhig andette daakkul. Ao, da Nug laugppa da Yawe antten dim lamidkkulnu Nug madikkul.

Daniel 9:3

Da amu doomi amunu, da Naɗi Kayak dabmein, da ee ohnu kud mein dayeye, da lamen heɗiag ele takken, da uhuɗppa dayeye, da Naɗi Kayak oo doyak ele unuqidmi.

Matyu 21:31

Am nid aɗit amu oolahppa aun nug mameg oɗe dim lamittom?” awa aum. A amu ag appig, “Nid tatamnu,” aon appig. Ag anam aeg, am Jesus amelagppa aum. “Da genab ag amelagppa attem. Takis awak danab, amu ib baag ah ele ag Kayaknu ɗo maɗoɗ ooppa noaknu ib nakok paha neegna anidtteb; ag mana mettak danab okkai, Juda dilag ikki danab ele, ahilag neekka anttak eɗittak.

Aisaia 45:19

Da aben lokkumak ele, da aguppa dayeye, nai ii mattimi. Wan amuppa gatatu daatte amu, da gatatu amu ooppa daye, nai ii mattimi. Da Jakop buɗub ag aben danab ah ii daattebppa da aniɗna dim lamiɗkkulagnu mattiɗkkulagnu ii ami. Da, Yawe, da genab madittem. Da kobol tutukku aakkuib ippunadttem,” Yawe Nug anam atte.

Revelesen 2:24

Amge ag laala ag Taiataira daatteb ele, ag ah amu nuhig nai dab-ii-medatteb, ag Satannu dabmak, danab laala ag amunu, ‘Dabmak amuam unuqagnab daatte,’ aon atteb ele amu, ag amu ele ii dim lamidtteb amunu da ag amelagppa inam attem. Da ag keeke uugnab laa ii madapa.

Solomonnu Ahi 5:6

Da aɗen, od matulen, laa dahilnu oo mauhtte ele mettami; amge nug appa ii dayom, nug ukka malom. Da nug baag baula dookkulnu ool huana dayom. Da nug anidkkulnu mattimi, amge da nug ii anidmi. Da onigppa emi, amge nug da oɗelppa nakok laa ii awom.

Luk 11:10

Aun nug Kayak unuqidtte, nug aotte. Aun nug maditte, nug anidtte. Aun nug od qeqaltte, Kayak Nug od matultte.