Luk 11:48 - Nobonob Baibel

⁴⁸ Ag kobol amuppa ag mamelkad aɗi anukka heppig, ag amunu oolag ena dayeye danab ah ippunadtteb. Ag mamelkad aɗi ag Kayaknu propet aqaeg mauhppig. Ag gemu daatteb amu, ⌊ag mamelkad aɗi bia, ag ele oolag ena iitta amunu, ag ahilag uɗat tuɗidna,⌋ ag propet dilag matmat bappaidtteb.

Luk 11:48 Referans Kwoze

Jems 5:10

O lailad, eheɗ hettak doya, oo bodoettak dayaya maokkunu kobol, ag amunu antte oo maittak kobol laa anidkkulagnu anukka propet ag Naɗi onigppa nai mehuqttappig ag daulagppa doaɗ!

Matyu 23:31

Nai amuppa ag danab ag propet aqaeg mauhppig ele, ag ag buɗulkad daatteb danab ah ippunadtteb.

2 Stori 36:16

Anam maatte goppig, amge Juda danab ag Kayaknu nai awa ukkak danab nai aon goppig ele, ag nai amunu ena iinab doon, ag Yawenu danab amu aon aon aqanna, ag Yawenu propet ele aon aon aqaegeg, Yawe Nug amunu oppoɗi bak doya, bu madakkunu dabmak awe, laa heeb bu ii aomnanu ib laa ii dayom.

Esekiel 18:19

Anam, amge ag oɗmak hetteb. ‘Aɗinu danab amu bekka nug mameg hipunin heum, beɗuppa aab ele amu, aɗinu bekka nug beɗuppa aab ele iitta?’ aon atteb. Ag anam oɗmak hetteb, amge bekka nug nai doya mala hettoɗia epeɗia elele mettak kobol dim lamitta heum. Nug kobol genab tutukku ele dim lamittom. Nug dahil ɗo nai dim lamidkkunu dabmak awawa oiyom amunu, nug genab bau daakku; nug ii mauhma.

Job 15:6

Am nahip nai, da iitta, nahip nai nug na bu aokkutnu daattem ippunigtte. Ge, nahip mattiak am na eheɗ hettem ippunigtte.

Josua 24:22

Ag anam aeg amu, Josua ag amelagppa aum. “Ag Yawe waappa daan, Nug oɗe dim lamidkkulagnu appig amunu, ag anam ii hena, ag amunu aab ele daan, uug naunab dooglag,” awa aum. Nug anam a amu, ag Josuanu nai nob mena appig. “Yo, ig amu ii heta amu, ig beɗunigppa aab ele, uug naunab doognig,” aon appig.

Sam 64:8

Kayak Nug ag aɗi appig, Nug amunu ag hatteb nauhkkulag. Ge, laa ag aɗi beebeb anidna, ag nau hak danab dilagnu, “Am keeke hamunab,” doon, ikkilag matuɗkkulag.

Matyu 23:27

O gadonnab gadon, ɗo gumak danab-Parasia am ɗo mehuqak danab ele. Ag hambuppuak danab. Ag dabmeig! Ag am boumaknu moɗ bia daatteb. Laa ag moɗ amuppa gau hakkab laaidtteb amunu, dimittim am anttak nuhig ena, amge ooppa amu danab mauhak beɗulag ebehilag, keeke digdig oh dubuttid ele daatteb. Ag amubia daatteb.

Luk 11:47

O gadonnab gadon, ag dabmeig! Aɗinu? Ag mamelkad aɗi ag anukka Kayaknu propet aqaeg mauhppig, amge ag gemu daatteb, ag propet anam mauhppig dilag boumak aben bappaidtteb.

Luk 11:49

Amu Kayak nuhig doyak enappa amunu Nug matu aum. ‘Da am dahil totol danab am propet ele maadppi, ahilagppa goppeg, ag danab amu laala eheɗ hattaglag, amu ag laala aqappeg mauhkkulag!’ awa aum.

Rom 1:32

Ag Kayaknu ɗo tutukku, amuam danab ag kobol nau amu hetteb ele, ag mauhkkulagnu atte amu ag dootteb, amge ag kobol nau amu hekkulagnu oolag he, ag amu hetteb. Danab amu ag anam aakku hetteb, amge amu aakkuib iitta. Iitta. Ag ele danab laa kobol nau amu hetteb binalag metteb.