Luk 11:46 - Nobonob Baibel

⁴⁶ A amu Jesus Nug aum. “O gadonnab gadon ag ɗo mehuqak danab doyak amu okkainab ele, ag dabmeig! Ag keeke uug ele danab ah qaɗelkadppa meegeg, ag maoglagnu uɗat okkai hetteb, amge ag akka ag eppelag doɗo laa uug amu maoglagnu nakok ii meeg otte.

Luk 11:46 Referans Kwoze

Luk 11:52

O gadonnab gadon, ag ɗo mehuqak danab doyak okkainab ele, ag dabmeig! Ag doyak awaknu ki amu maoeg ukkom. Od ag akka matulna ii noppig, amu ag danab ah ag nokkulagnu hetteb ele amu, ag nomananu, ag ib oo neppig,” awa aum.

Galesia 6:13

Danab amu ag gaɗa otaɗak aoppig, amge ag ɗo tutukku dim ii lamidtteb. Danab amu ag ɗo tutukku ii dim lamidtteb, amge ag lailkad amelagppa ag akka ag onilag humaglagnu ag amunu ii dabmenana, ag ag Galesia daatteb eeɗatteg, ag gaɗalag otaɗkkulagnu hetteb. Ag ahilagppa hena, ag beɗulag amuppa ag onilag okkai aoglagnu hetteb.

Aisaia 10:1

⌊Danab okkai⌋ ag ɗo nau qabatteb ele amu, ahilagnu gadonnab gadon. Ao, laa ag ɗo laala, ɗo amuppa ag danab ah laa eheɗ hadatteb amu, laa ag ɗo anam bappaidna metteb ele, ahilagnu am gadonnab gadon.

Luk 11:45

Jesus Nug anam a amu ɗo mehuqak danab doyak amu okkainab ele laa nug oɗeppa awa aum. “Ippunittak danab, na nai ame amu, na nai amuppa ig nai dittiakppa yaaigttem,” awa aum.

Aisaia 58:6

Da kobol anamnuib amu, da ool ii hette. Kud ma dayaknu da ool hette ele am inam. Danab nug eheɗ laa ii heum, amge nug hippalak daatte amu, ag danab laa baegppanu sen uhuqeg, hamu daatte, amubia ag uhuqppeg, hamu dayaɗ! Amu doɗnu duugppan tuqai makau aɗit duultippa qakkak daatte, danab ag muɗi amu uhuqtteb, ag amubia danab ah uhuqatteg! Amu ag danab ag laa eppelagppa daan, uug dootteb amu, ag ehanadna, danab ag doɗnu duugppan tuqai qiialatteg netteb, ag amubia uugppanu uhuqatteg!

Matyu 22:35

Amu ag oolagppa laippu laa, nug ɗo mehuqak danab doyak amu okkainab ele, nug Jesus oɗ mettom.