Luk 11:44 - Nobonob Baibel

⁴⁴ O gadonnab gadon, ag dabmeig! Ag am boumaknu moɗ laa, moɗ amuppa moɗ laa iikku daattenu at laa ii daatte amu, danab ii doonna qaɗeppa oitteb, ag amubia daatteb,” awa aum.

Luk 11:44 Referans Kwoze

Aposel 23:3

Nug Pol mataɗkkulagnu a amu, Pol nug amegppa aum. “Na am gilil dubuttid tak, amuppa gau hakkab hamu attanttan laaidppig, na amubia daattem! Geha Kayak Nug na oidkku! Na ɗo aɗi atte amuppa epeɗilkkutnu uɗime, amge na danab imu amelagppa, ‘Ag nug oig!’ ame, amuppa na ɗo tappae neum,” awa aum.

Sam 5:9

Aɗinu? Kekeɗ dahil ag nai genab mattiglagnu elele iitta. Ao, ag oolag unuqagppa laa hadappeg nauhkkulagnuib oolag ahak daatte. Mattiak ahilag am uɗig wak nau, mauhak moɗ ooppan bia. Ge, ag nai maditteb, amge nai amuam nai hambuppuak.

Hosea 9:8

Propet ag Yawenu ehanittakppa, Israel dilag aɗi uɗitte anittak danab daatteb. Ag anam daatteb me, Israel danab ah ag propet ippulag ohppa pelem metteb. Ao, ahilag Kayaknu mettid lag, amuppa ele, danab ah ag propet dilagnu kekeɗ metteb.

Namba 19:16

Peh dimittim amu, aun laa nug appa qep elabppa qe mauhak gaɗa aɗatte, o iitta nug laa hamu mauhom gaɗa aɗatte, o iitta mauhak ebehi laa aɗatte, o iitta mauhaknu moɗ amu, nug deɗ eblaih aɗit ele nug da ele ouqa dayaknu elele iitta daakku.

Matyu 13:32

Mastet aeg nug am ee laa aeg bia iitta. Nug aeg nakoknab, amge nug ba okkai mewowa, dad ooppanu ee laa oh eɗatta, ad ma dayeye, ai ag uɗin, nug eppegppa teɗ hena daatteb,” awa aum.

Esekiel 39:15

Danab amu hekkulagnu otiadkkulag, ag am wanppa oinna, ag adekkuppa danab ebehi anidna, ag ebehi amu heqo laihppa at qappaglag. Ag anam qabappeg dayebeb, danab ebehilkad boumtteb ele ag maɗi ahilag henana, at amu anidna, ag ebehi amu aon gona, oolnu noak onig Haman Gog, appa boumkkulag.