Luk 11:39 - Nobonob Baibel

³⁹ Anam heum amge Jesus Nug amegppa aum. “Ag ɗo gumak danab-Parasia ag kap, tappiɗ ele gaɗaib ihatteb, amge ooppa baubau awaknu hik qak, nau hak kobol ele ambak daattep.

Luk 11:39 Referans Kwoze

Jems 4:8

Ag Kayak gumidna wappeg amu, Nug ele ag gumatta dokku. Danab nug eppeg leppa ihe, dubuttid iitta daatte bia amu, ag hipunin danab ag heppeg, ag ahilag oiyak am dubuttid iitta ele dayaɗ! Ag danab ag dabmak laippu iitta, ag heppeg, ag oolag oppiak dayaɗ!

Taitus 1:15

Am danab ag oolag dubuttid iitta ele amu, ahilagnu keeke oh am oppiaawak ele daatte, amge danab ag dubuttid ele, ag oolagppa genab ii dootteb ele amu, ahilagnu keeke oh am oppiaawak iitta. Ahilag dabmakppa, ahilag ooppan oiyak ippunittaknu ulum eleppa dubuttid aakku teum daatte.

Aposel 5:3

Nug anam a amu Pita nug aum. “Ananias, aɗinu Satan na ootppa ambe, na Kayak Ouɗi amegppa hambuppuak nai mattinna, ‘Da wan mei, laa nug daden me, men doɗo aomi amu oh iikku,’ ame, amge na laih nahip daakkunu piɗe mee dayeye, laihib aon uɗime?

Matyu 15:19

Kobol eheɗ imu oh dabmakppanu bette; dabmak eheɗ, danab qe mauhak kobol, ewau pakkua gappai hak kobol, gappai hak kobol digdig laa, yabhok kobol, nai genab iitta anak kobol, baeg qak kobol ele,

Matyu 7:15

Ag propet hambuppuak dilag dabmeig! Propet hambuppuak ag, ‘Da Kayak ippu ippunadttem,’ aon atteb, amge amuam nai hambuppuak. Propet hambuppuak ag wulp sipsip emala lakkunu, sipsip gaɗa awa ma, sipsip oolagppa oitte, ag amubia oitteb.

Prowerb 30:12

Laa amu, ag akka, ag ahilagnu, ag oolagppa oppiak ele daatteb dabmetteb; amge ag ihak iitta, ag dubuttid nau ele.

Genesis 6:5

Amu Noanu haenppa Yawe nug danab dilag kobol, amu dabmak ele nauib daye anttom.

Galesia 1:14

Da lailad oolagppa, danab bau kuɗum da ele huu laippu amu da ag eɗatte, da Juda dilag kobolnab dim lamidmi. Da alalad aɗi dilag kobol amu, da amu oh ɠagattagnab dim lamidkkulnu hemi.

Jon 12:6

Judas nug anam awa aum, amge nug daɗek danab dilag dabma ii aum. Iitta. Nug ippunittak awak dilag men doɗonu kunup gumama yab aottom.

Luk 16:15

amge Nug ag amelagppa aum. “Ag amu danab dilag neekkakppa genab tutukku hak danab daaglagnu, ag amunuib oolag daatte, amge Kayak Nug ag oolag diig dootte. Danab ag aɗi keekenu enanag dootteb ele, Kayak Nug amunu ooppa uuaknab dootte.

Luk 7:13

Haen Jesus Nug ah amu antta, nuhignu oo bodoetta le me, Nug ah amu amegppa aum. “Na aib gaame,” awa aum.

Sepanaia 3:3

Israel dilag ehanittak anuqak danab amu, ag danab ah dilagnu laion doɗ laa qa lakkunu oiyaya gaatte, amubia ag danab ah dilagppa hetteb. Ao, Israel ag ahilkad okkai danab ag doɗ wulp, ag tueb meeb, ag doɗ laa anidna, qena lalobnu oitteb bia hetteb. Doɗ laion, o doɗ wulp ag aɗi doɗ laa tueb qena lae neppig, butti buttua huppu nakok laa ii daatte, amubia hetteb.

Esekiel 22:27

Doɗ wulp ag doɗ laa qena latteb, amubia Israel dilag okkai ag danab ah eheɗ hatteg nauhtteb. Ag men doɗo, wan keeke, ahilag iitta, amge ag aoglagnu danab aqaeg mauheg, ahilag keeke aotteb.

Esekiel 22:25

Amu laion laa nug gaya, doɗ laa qa latte, amubia Israel dilag anuqak danab ag dabmak laippu mena, ag danab ah heeg nauheg, ag danab ah dilag en keeke, keeke awaknu men doɗo okkai ele, ag keeke amu oh yab aona, ag danab kuɗum ele aqaeg, waalkad ag ah qab daatteb.

Jeremaia 4:14

O Jerusalem danab ah, Juda danab ah ele, ag oolag dubuttid ele amunu, ag padal ii memananu, ag ehanittak aoglagnu, ag dubuttid amu oppieg! Ag nau hekkulagnu dabmak aɗan daatteb; amu haen gane laa ele ukkeb, ag dabmak amu uuglag.

Prowerb 26:25

Ge, danab amu nug nai enanag madikkutai; amge diig amunu na nuhignu aib ootppa genab doome. Aɗinu? Nug ooppa kobol nau kuɗumnab, Kayak Nug kobol amunu ooppa uuaknab dootte amu, nug amu hekkunu dabmette.

Sam 22:13

Am laion gaanna, oɗelag aahena, doɗ laa banelag gotteb, amubia kekeɗ dahil ag anam henana, da banel uɗitteb.

2 Stori 25:2

Amasaia nug Yawenu neekkakppa kobol genab tutukku ele dim lamittom, amge nug meu ohppa ii heum.

2 Timoti 3:5

Ag Kayaknu kobol amu gaɗalagppaib, danab amelagnuib hekkulag, amge Kayak kobolnu ɠagattag amu, ag dimettaglag. Na danab amu dilagnu qe mena oiye!

Jon 13:2

Nug nuhikkud ippunittak awak danab ele ee lanan daanna, Satan nug matu Judas Iskariot, Saimon bekka, nug Jesus kekeɗ eppelagppa mekkunu dabmak metta malom amu,

Prowerb 26:23

Wa, hinai, nippud, kap keeke, gau laittak ele am anttaknu enanag, amge ooppa aɗi daatte danab ah ii ippunadtte; amubia, danab laa nug ooppa nau daatte ele, nug nai ena madikku, amge nug danab ena iitta.

Luk 7:19

aa goya Jesus inam oɗ mettaglahnu aum. “Danab laa uɗikkunu aeg doomut am na aakkute o iitta ig laate ameg mekkunig?” Nug anam amelahppa ana, nug he gopiɗ.