Luk 11:36 - Nobonob Baibel

³⁶ Am na beɗun oh amahlak ele dayeb, na beɗun laih laa gatatu iitta, amu aria na beɗun laih oh ag amahlak ele. Amuam lamnu amahlak amahalidtte amubia,” awa aum.

Luk 11:36 Referans Kwoze

Prowerb 20:27

Yawe Nug danab oo unuqag anidtte. Ge, Nug nuhig dabmak oh atognoak anidtte.

Prowerb 6:23

Aɗinu? Haknunab anak ihinihppan imu, ag am lam laa bia. Ao, ihinih ippunittak imuam amahlak laa. Amu anak ihinih na tolitta, daut batebeb, na aokkut amu, amuam na bauklel daakkutnu ippu aakku.

2 Pita 3:18

Amge ihinig Naɗi Jesus Kristus, Nug am ihinig Padal ii maknu ehanittak daatte, ag nuhig ehanittak okkai hamu mettak, amu nuhig doyak ena ele, amu waappa ena daanna, amuppa okkai mekkulagnu uɗat heig! Ig Nug binag naɗi gemu, haen oh ele metu! Genab.

Kolosi 3:16

Kristusnu nai enanag meu ele ag oolagppa daakkuoitte! Ag akka akka doyak dabmak ena eleppa nug ippunidnana, nug ehanittak ele heig! Ag oolagppa Kayak amegppa, “Ena hen mekkame” anana, ag sam, mettidnu ahi, amu Kayak binag maknu ahi ele etteg!

Prowerb 1:5

danab nug oiyak ehanittaknu nai tutu, aria keeke danab ag dootteb ii dootteb ele ouaqata ippuanattak nai ele dookkunu, diig amu ohnu amu, oiyak ehanittaknu nai tutu imu am amunu daatte. Aria, danab nug doyak dabmak ena ele, nug daug huma doya, nug nuhig doyak dabmak ena ele nai imuppanu tuɗitta awaɗ! Ge, danab nug oo maittak awaknu ehah ele amu, nug ele nai imuppa ulum awaɗ!

Jems 1:25

Amge ɗo elelenab, ɗo amuam ig hipuninppanu uhuqigtte amu, danab laa nug ɗo amu diig neekka aut autanab awa, tutukku dim lamitta, nug ɗo amu ele daug ii atitte, nug dim lamidtte amu, Kayak nug danab amu itittak ena medakku.

Hibru 5:14

Amge ee ɠagattag am danab kalulag ele, ahilagnu daatte. Danab anam amu, ahilag dabmak am okkai meum, ag dabmak elele aon oitteb amunu, ag kobol ena, nau ele epeɗin dooglagnu elele.

Epesus 4:14

Amu nai ittag, hambuppuak danab dilag, amu ele heeb, ig uub nug ulah kaɗag haenppa duban he, ukka qa, uɗia qa hette amubia ii hemata. Nid nakok ag amubia hetteb amu ig baula, ag bia ii daamta.

Matyu 13:52

Ag, “Yo,” aon aeg amu, Nug ag amelagppa aum. “Anam amu ɗo mehuqak danab oh, ag Kayaknu ɗo maɗoɗ ooppa noppig ele amu, ag am lag okkai mameg bia daatteb. Nug keeke maknu oo nuhigppanu keeke alag, bau ele akke do madatte,” awa aum.

Hosea 6:3

Ig Yawenu doyaknu wagai metu! Ao, ig Yawe doognignu wagai metu! Ig anam hekkunig amu, aam nug genab buttua hanhan bette, genab amubia, Yawe Nug uɗia, ig ehanigkku. Ge, gu oug haen iitta metteppa hanhan nette, amubia Nug genab uɗia, ig ehanigkku.” Israel ag anam akkulag.

Aisaia 42:16

Da geha dahilad danab ah, ag amelag gaɗuak bia daatteb amu, da ag omaladppi, ib ag anukka ii dooppig ele amuppa gokkunig. Yo, da ag omaladppi, ib ag anukka ii anidppig ele, ig amuppa gokkunig. Da heppi, gatatu ag tonattom daatte amu, gatatu amu oppiak ele dayeb, ag amahlak aoglag. Da heppi, aben qe ta qe nak ele, am uɗem tutukku daakku. Genab, da anam aakku ehanadkkulnu hekkul; da ag iinab uuadpa.

Aisaia 8:20

Gona, ag Kayaknu dabmak, nuhig ɗo naippa, nuhig nai laappa ele, ag amuppa anidna doyeg! Aun aɗi ag nai maditteb ele, ag Kayak nai bia ii maditteb dayeb, ag ahilagppa amahlak laa iitta.

Matyu 5:15

Danab ag ele lam amotna, tappiɗ waappa ii metteb. Iitta. Ag lam maknu balal attan meeg, amahlak nuhig danab lakka daatteb, amu oh amahlak madatte.

Luk 11:35

Amunu aɗi dabmak na ootppa daatte, na dabmak amunu, ‘am amahlak’ doottem amu, dabmak amuam gatatu daatte daamanu na dabme!

Luk 11:37

Jesus Nug nai amu mattia male, ɗo gumak danab-Parasia laa nug laugppa ee lakkulahnu onigppa e, Jesus Nug ukka, lakka ta, Nug balalppa dayom.