Luk 11:35 - Nobonob Baibel

³⁵ Amunu aɗi dabmak na ootppa daatte, na dabmak amunu, ‘am amahlak’ doottem amu, dabmak amuam gatatu daatte daamanu na dabme!

Luk 11:35 Referans Kwoze

Prowerb 16:25

Am danab laa ib laa andatta, nug nukka nuhig dabmakppa, “Ib imuam ib tutukku,” atte; amge ib amunu gog tak am mauhak.

2 Pita 1:9

Amge danab laa nug kobol digdig amu iitta ele amu, nug keeke uma daatte ii anidtte; nug am ameg gaɗuom daatte. Nug hipunin anukka heum ele amu, Kayak uhuqa mettom daug atiom.

Revelesen 3:17

Na nai inam madittem. ‘Da enul ele. Da keeke kuɗum ele daattem. Da keeke laanu tutu mak iitta.’ Amge iitta. Na uug naunabppa daattem; na danab ag nahipnu oolag dookkunu elelenab daattem; na daɗek daattem; na amen gaɗuak daattem; amu na bam iitta ele daattem. Na nakka na anam daattem, amge na amu ii doottem,

Rom 1:22

Amu ag hibguitta hena, inam appig. “Ig am doyak dabmak ena ele,” appig, amge ag danab nug Kayak dab-ii-maama ii dim lamidtte elenu kobol dim lamitte,

2 Pita 2:18

Danab amu ag akka ag beɗulag human, keeke okkai heppignu hambuppun maditteb. Ag beɗulagppan kobol naunu mattiegeg, danab laa kobol tutukku digmena dim lamidtteb ele amu, ag kobol nau amunu ittag aqebeb dim lamidkkulagnu dabmetteb.

Prowerb 26:12

Danab nug Kayak dab-ii-maama ii dim lamidtte amu, amuam nau, amge laa nug nuhignu nug baolia, ena bekkunu dabmak aɗa oikkunu elele; amge danab nug nukka nuhignu, “Da doyak dabmak ena ele aɗe oittem,” anam dabmette amu, amuam kobol naunab, laa nug nuhignu nug baolia, ena bekkunu dabmak aɗa oikkunu am uug ele.

Matyu 6:22

Na amen am, na beɗun laih laih oh amahlak madatte. Na amen ena dayeb amu, na beɗun laih laih oh am amahlak ele daaglag,

Luk 11:34

Na amen amu na beɗun laih laih oh amahlak madatte. Na amen nug ena dayeb amu, na beɗun laih laih laa oh amu amahlak ele daaglag, amge na amen am nau dayeb, na beɗun laih laih laa oh amu gatatu manak ooppa daaglag.

Luk 11:36

Am na beɗun oh amahlak ele dayeb, na beɗun laih laa gatatu iitta, amu aria na beɗun laih oh ag amahlak ele. Amuam lamnu amahlak amahalidtte amubia,” awa aum.