Luk 11:32 - Nobonob Baibel

³² Haen Kayak Nug danab ah epeɗiadkku amu Niniwe danab ah ag ahan, danab ah haen gemunu dilag eheɗ hak amu miag atiglag. Aɗinu? Niniwe danab ag Kayak nai Jona oɗeppa doona, ag oolag eɗuom, amge gemu laa Jona eɗittak am iikku daatte,” awa aum.

Luk 11:32 Referans Kwoze

Hibru 7:26

Mana mettak ikki danab anam nug ig ehanigkkunu daakkunu am enanag. Nug am oppiaawak, ooppa kaliak laa iitta. Nug oppiak ele, hipunin danab bia ele iitta. Nug onig attannab tak daatte.

Luk 11:31

Am dimppa haen Kayak Nug danab ah epeɗiadkku, haen amuppa wan laappan kwin, wan amuam yau uɗitteppanu daatte, nug aha, danab ah haen gemunu dilag eheɗ hak amu miag atikku. Aɗinu? Nug wan batakppanu, amge nug Solomonnu doyak dabmak ena ele, nug amu dookkunu Solomon gumitta uɗiom. Nug anam uɗiom, amge gemu laa Solomon eɗittak am iikku daatte.

Jona 4:9

Nug anam aum, amge Kayak Nug Jona amegppa inam aum. “Na muɗi bunaɗom, na amunu oot nauhtte am enate?” A amu Jona nug aum. “Da ool nauhtte am ena. Da ool nauhe, guittak bia doottem amunu, da mauhkkul am ena,” awa aum.

Jona 3:5

Jona nug anam mattieye, Niniwe danab ah ag doon, ag Kayak Nug genab anam hekkunu oolagppa genab doona, ag ee ohnu kud mena daaglagnu ɗo mena, ag lamen heɗiag ele beɗulagppa tagappig. Danab hamu ukkak, danab okkai ele, ag ohnab anamib heppig.

Jona 3:4

Amu Jona nug aab okkai ooppa digma oiyaya, deɗ amuppa nug digma huana ewawa, danab amelagppa inam aum. “Deɗ 40 maleb, Yawe heeb, Niniwe padal mekku,” awa aum.

Matyu 12:39

Aeg am Nug nob ma aum. “Ag danab nau. Ag Kayak uuna, kobol laala dim lamadtteb ele. Ag da Kayak dabmettaknu kobol danab haknu elele iitta heppi anidkkulagnu atteb, amge da laa ii hepa. Propet Jona, nuhigppa aɗi beum aakkuib ag ippunadkkul.

Matyu 12:41

Haen Kayak Nug danab ah epeɗiadkku amu Niniwe danab ah ag ahan, danab ah haen gemunu dilag eheɗ hak amu miag atiglag. Aɗinu? Niniwe danab ag Kayak nai Jona oɗeppa doona, ag oolag eɗuom, amge gemu laa Jona eɗittak am iikku daatte.