Luk 11:29 - Nobonob Baibel

²⁹ Danab ah kuɗum ag uɗin Jesus gukkuidna qagmeegeg, Jesus Nug ag amelagppa inam aum. “Danab ah haen gemu imunu ag danab ah nau. Ag Kayak dabmettaknu kobol danab haknu elele iitta laa anidkkulagnu oɗmak hetteb, amge da laa ii hepa. Propet Jona nuhigppa aɗi beum aakkuib ag ippunadkkul.

Luk 11:29 Referans Kwoze

Luk 11:16

Ag anam aeg amu, danab laala ag Jesus ma anttak mettanna, ag Nug Kayak dabmettaknu kobol danab haknu elele iitta laa heeb anidkkulagnu oɗ medappig,

1 Korint 1:22

Am Juda danab ag laa heeb, Kayak dabmettaknu kobol danab haknu elele iitta anidkkulagnu dabmak aoegeg, Grik danab ag laa ippuanatteb, ag doyak dabmak ena ele aoglagnu oolag hette,

Luk 12:1

Haen danab ah ameg tausen kuɗum ag qagmena qataiettan, laala ag akka akka nug baeg tappan daaegeg amu, Jesus Nug tatam nuhikkud ippunittak awak danab amelagppa aum. “Ag ɗo gumak danab-Parasia dilag yisnu dabmeig! Da ahilag hambuppuak kobolnu attem.

Jon 8:44

Ag mamelag am Satan; ag nug bekkod daatteb amunu, ag mamelag oo niitte amu, ag dim lamidkkulagnu wagai metteb. Nug wannu digmak haenppanu danab aqe mauhtteb. Ag mamelag nug doyak diig genabib ii dim lamidtte. Aɗinu? Doyak diig genabib amu nuhigppa ii daatte. Nug hambuppuak nai mattiaya amu, nug nuhig diig aakkuib dim lamidtte. Aɗinu? Nug nai hambuppuak maditte, nug nai hambuppuak mamegnab ele daatte.

Jon 6:30

Jesus Nug anam aum amunu ag appig. “Na Kayak dabmettaknu kobol danab haknu elele iitta aɗi laa heppe, ig anidta, nahipnu oonigppa genab doognigte? Na amu laa attem hekkut?

Jon 2:18

Anam daye amu, Juda okkai ag amu anidna, ag Jesus amegppa appig. “Na Kayak dabmettaknu kobol danab haknu elele iitta aɗi laa heppe, ig anidta, na heme imu hekkutnu ehah ele daattem amu, ig doognig?” aon appig.

Luk 11:50

Anam amunu, wan imunu digmakppanu propet aqe mauhak digmak Abel, nug mauhe uɗie, Sekaraia, ag nug qaɗab, Kayak laug ele gamagppa qeeg mauhom, nuhig mauhak batak amu, qe mauhak hipunin amu oh danab ah haen geha imunu ag qaɗelagppa daakku. Da genab ag amelagppa attem. Keeke imu oh am danab ah gemu daatteb ele dilagppa bekku.

Luk 9:41

Anam a amu Jesus oɗeppa awa aum. “Ag oolagppa genab doyak iitta. Ag eheɗ haknu ag tiilagppa daatte. Da ag ele haen elab daamut, amge ag dahilnu oolagppa genab ii dootteb amunu, da ool uug ele. Ag haen ganeb ag dahilnu oolagppa genab dooglag? Na nid nahip omalna do!” awa aum.

Mak 8:38

Aria, danab laa nug danab Kayak uuna, kobol eheɗ laala dim lamadtteb ele, ag hipunin kuɗum laa hetteb ele amu, nug ag oolagppa oiyaya, nug dahilnu, dahil nainu ele uɗa neeb, dimppa Danab Bekkalag da, da Kayaknu binag amahlak oppiaawak ele, amu nuhikkud engel oppiaawak ele eɗut uɗit, haen amuppa danab amunu da ele uɗal nekku,” awa aum.

Matyu 3:7

Layattette amu, ɗo gumak danab-Parasia, ɗo gumak danab-Sadyusi ele ag layattak aoglagnu kuɗum ukkaeg, Jon nug ag anatta, nug ag amelagppa inam aum. “Ag am danab nau, mat nau bia. Aun nug nau aomnanu nai ag amelagppa mattie, ag Kayaknu oppoɗi bak uɗitte ele ii aqamanu uɗippig?

Esekiel 24:24

⌊Yawe Nug da amelppa anam ana, Nug nai laa Israel dilag, Babilon appa daatteb ele, ahilagnu imu ele ag amelagppa aum.⌋ “Esekiel nug am ag dabmak aoglagnu at daakku. Nug kobol laa iikku hette amu, ag ele anamib hekkulag. Am keeke amu oh beeb amu, ag dooglag, da am Naɗi Yawe,” awa aum.

Jona 1:1

Yawe Nug Amitai bekka Jona amegppa inam aum.