Luk 11:2 - Nobonob Baibel

² A amu Jesus amelagppa aum. “Haen ag unuqidna inam aig! ‘Mame, na heppe, ig danab oh ig na onin am oppiaawak daatte dootu!! Na heppe, ɗo maɗoɗ nahip wan imuppa daakkunu unuqidttem.

Luk 11:2 Referans Kwoze

Eklisiastis 5:2

Na paha paha digmen, aib nai mattime; na ootppa paha Kayak noobppa keeke laa madikkutnu aib heme. Aɗinu? Kayak Nug hab aabppa daatte; na wanppa daattem amunu, na nai huana aib mattime.

2 Stori 20:6

nug inam aum. “O Yawe, ig mamenkad aɗi dilag Kayak, na hab attan daattem. Na wan anen anen dilag okkai daattem. Ɠagattag oh na eppenppa daatte. Na ebehin ele. Auntai laa nug na eɗidkkunu elele iitta.

Revelesen 15:4

O Naɗi, na aakkuib oppiaawak daattem amunu, aun laa ag nahipnu ebehi oh bodoetta le mak ii doon, na binan amahlak oppiaawak ele ii mekkulag? Atu atu danab oh uɗin, na noomppaib dup nona binan mekkulag. Nahip genab tutukku hak kobol am miag atia beum amunu, ag hekkulag,” aon appig.

Sam 11:4

Yawe Nug nuhig mettid lag nuhignu tituanak daatte, Nug amuppa daatte. Ao, Yawe Nug hab attan sia king nuhigppa gumak haaha daatte. Nug keeke oh dabmetta autanab aotte. Nug wanppan danab ah ohnab epeɗiadtte.

Revelesen 20:4

Amu da sia king laala anadmi. Kayak Nug laala ag hettoɗiakppa danab ah epeɗiadkkulagnu uɗat mattom ele amu, ag sia king laala amuppa daappig. Daaegeg amu da laala ag Jesusnu oolagppa genab doonna, Nug onignu madippig, ag Kayak nai ɠagattag aɗappig amunu ag baalag otaɗppig ele amu, da ag dottolag anadmi. Danab amu ag doɗ dakkuɗ dottog noobppa ii dup nona binag meppig; ag uɗalkadppa eppelkadppa ele nuhig epponak keeke ii aoppig. Danab amu ag eɗun hippaidna bauklel aona, Kristus ele gumak uɗat maɗ 1,000 henan daappig.

Pilipai 4:20

Kayak, ig Mamenig amu, binag amahlak oppiaawak ele nuhigppa hanhan alet ele dayaɗ! Genab.

Pilipai 1:2

Kayak ig Mamenig, amu ihinig Naɗi Jesus Kristus ele, ahilah ehanittak okkai hamu mettak, amu ahilah maɗoɗ ele ahilagppa hanhan daaglahnu oonih daatte.

Epesus 1:2

Am ig Mamenig Kayak, amu Naɗi Jesus Kristus ele, ahilah ehanittak okkai hamu mettak, amu ahilah maɗoɗ ele ahilagppa daaglahnu ool daatte.

2 Korint 1:2

Ig Mamenig Kayak amu Naɗi Jesus Kristus ele, ahilah ehanittak okkai hamu mettak, amu ahilah maɗoɗ ele ahilagppa daaglahnu oonih daatte.

1 Korint 1:3

Amu ig Mamenig Kayak, amu ihinig Naɗi Jesus Kristus ele, ahilah ehanittak okkai hamu mettak, amu ahilah maɗoɗ ele ahilagppa daaglahnu oonih daatte.

Aisaia 63:16

Anam, amge o Yawe, na am ig Mamenig. Abraham nug ig ii dooiglo. Ge, Israel nug ihinignu, “Imu, ag am da buɗulad iitta,” alotai. Amge O Yawe, na am ig Mamenig. Na nakka aakkuib, na anukkanu uɗie, gemu ele, na qagaiettakppanu eɗua uhuqaknu ehanittak ihinig daattem.

Sam 57:11

O Kayak, na heppe, danab ah oh ag na ohnab eɗattak daattem anidkkulagnu oɗ medattem. Yo, danab ah aben ohppa ag binag amahlak oppiaawak ele nahip anidkkulagnu unuqidttem.

Revelesen 19:6

Nug anam a amu, da keeke laa danab ah kuɗum baalag bia, am le okkai buɗuɗuppa noawa oqotti otte amubia, amu hakkaɗ okkai qa aɗeɗe neene, oqotti otte, da amubia dooiyi amu ag enana appig. “Naɗi Kayak Nukka Ɠagattag Oh Ele ihinig Nug King daatte amunu, ig Nug binag metu!

Revelesen 11:15

Aria, engel ebqak 7 nug trampet nuhig iwale amu hab aab appa da laa baalag okkaippa inam aeg doomi. “Wan ohppan gumak uɗat aakku eɗua, ihinig Naɗi, amu laa Nug danab ah dilag Padal ii maknu ehanittak daakkunu tituanom, am Kristus, Nug ele eppelahppa daatte. Naɗi Nug hanhan uɗat amu hekku,” aon appig.

1 Tesalonaika 1:1

Da Pol, Silas, Timoti ele ig nai imu Tesalonaika tamaniak, ag Mame Kayak, am ihinig Naɗi Jesus Kristus ele ouqak daatteb amu, ig ahilagnu iikku yaattem. Kayaknu ehanittak okkai hamu mettak, amu nuhig maɗoɗ ele ahilagppa daaglahnu oonig daatte.

2 Tesalonaika 2:16

Aria, ihinig Naɗi Jesus Kristus Nugnab, amu ig Mamenig Kayak, Nug ihinignu oo mauhom, Nug nuhig ehanittak okkai hamu mettakppa oo ɠagattag qak hanhannu, ena baknu dabmak aɗa oiyak enanag ele mekkom amu, aɗit amu aa hepeɗ,

Kolosi 1:2

i uɗug imu ag danab ah Kolosi daatteb, i laintad, ag Kayaknu danab ah oppiaawak ele, ag Kristusnu daaglagnu oo metta ii uuak kobol dim lamidtteb, i ahilagnu yaattep. Ig Mamenig Kayak, nuhig ehanittak okkai hamu mettak, amu nuhig maɗoɗ ele ahilagppa daaglahnu oonih daatte.

Rom 8:15

Anam amunu, haen ag Kayak Ouɗi aoppig, ag ouɗi laa, ouɗi amu nug he, nuhikkud ag begbeg maɗi nid ahilkad okkai baɗadna oitteb bia oitteb, ag ouɗi laa amubia ii aoppig. Iitta. Ag Kayak Ouɗi aoppig amu, Nug he, ag Kayak bekkod daatteb. Kayak Ouɗi Nug he, ig “Mame, Mame,” aot attem.

Matyu 10:32

Danab laa nug dahilnu daatte danab ah amelagppa akku dayeb amu, geha da, da ele danab amunu, ‘Nug dahilnu daatte,’ hab aabppa da Mamel amegppa akkul.

Matyu 5:16

Amubia ag dahilad daatteb ele, laala ag ahilag kobol ena anidna, ag ag Mamelag, hab attan daatte amu, Nug binag mekkulagnu, ag ahilag amahlak danab amelagppa amahalaɗ!

Matyu 3:2

Nug nai mehuqaqa inam aum. “Kayaknu ɗo maɗoɗ aakku miag doum daatte amunu, ag oolag eɗuaɗ!” awa aum.

Habakuk 2:14

Aɗinu? Le yuppa ambak daatte, amubia wan atu ohppan danab ah ag Yawenu binag amahlak oppiaawak ele anidna dooglag.

Hosea 14:2

Ag eɗun, Yawe waappa daaglagnu wana, ag nai inam aig! “Mana mettak ou daakkunu, ig oɗenigppa na binan mekkunignu, ig na ihinig hipunin oh uhuqna megakkutnu oɗ medattem. Ao, na oo bodoette enanag maɗoɗ ele hak kobol dim lamidna awigkkutnu unuqidttem.

Daniel 7:27

Anam beeb, Kayak Nug king daakkunu ehah, ɠagattag, aria onig, ɠagattag ele wan atu oh hab waappa wanppa daatteb, wan atu amu ohppanu aɗitta awa, nuhikkud danab ah oppiaawak ele madakku. Danab amu ag am Kayak Attannab Laa Oh Eɗattaknu danab. Kayak Nug, nuhig wan atu oh gumattak am iitta ii mema. Hanhan daakku. Wan atu ohnu danab okkai, ag Nug noobppa dup nona binag mena, oɗe dim lamidkkulag,” awa aum.

Daniel 7:18

Ɗo maɗoɗ waɗele amu ag bena, anam daaglag, amge Kayak Attannab Laa Oh Eɗattak Nug heeb, ɗo maɗoɗ amu oh am nuhig danab ah oppiaawak ele dilag daakku. Am anamib dayebeb ukkeb ukkeb, anamib daakku. Laa nug ɗo maɗoɗ amu eppelagppanu aɗatta ii aoma.”

Daniel 2:44

Baeg wan tabatte, wan aab aɗuppa ewom, aen ele qataqak am king laala ag laippu daaglagnu hekkulag, amge laippunab ii daamna ippunigtte, haen ag amu henan daappeg, haen amuppa Kayak hab attan daatte, Nug ɗo maɗoɗ laa daakkunu heeb, ɗo maɗoɗ amuam hanhan daakku. Ɗo maɗoɗ laa wan atu gumaglagnu ahan, ɗo maɗoɗ amu eɗidna ii aomna. Ɗo maɗoɗ amuam ɗo maɗoɗ oh heeb, iitta mekkulag, amge ɗo maɗoɗ amuam hanhan daakku.

Daniel 2:28

amge Kayak, hab attan daatte, Nug keeke uug ele he, miag atitte. Nug anam hette amunu, Nug na, King Nebukatnesar, Nug na dimppa aɗi bekku aakku ippunittom. Na niiak abenppa tul niinna, tuleglegppa keeke digdig anidme am iikku.

Esekiel 36:23

Ag Israel ag heeg, da onil wan laalappa danab ah dilag neekkakppa hamu bia dayom, gemu ele daatte. Anam amunu da heppi, danab oh ag da onil okkai, oppiaawak daatte dooglag. Ag Israel ag heeg, da onil danab amu dilag neekkakppa nauhak dayom, gemu ele daatte, amge da Yawe, da ag Israel, da ahilagppa da am oppiaawak daattem ippunadppi, wanppan wan ohppan danab ag da oppiaawak daattem anidna, ag dooglag, da am Yawe.’ ” Naɗi Yawe Nug anam atte.

Sam 108:5

O Kayak, na heppe, danab ah oh ag na ohnab eɗattak daattem anidkkulagnu oɗ medattem. Yo, danab ah aben ohppa ag nahip binag amahlak oppiaawak ele anidkkulagnu unuqidttem.

Sam 103:20

Engel ag, ag Yawe humitteg! Ao, ag engel aun aɗi ag ɠagattag ele, ag Nug aɗi keeke hekkulagnu atte dooglagnu daulag human daan hetteb ele amu, ag Nug binag meig!

2 King 19:19

Ag kayak hambuppuak amu dilagnu anam heppig amunu, O Yawe, ihinig Kayak, na wan atu ohppan danab ah ag na, O Yawe, na nakka, na Kayak daattem dooglagnu, na ig Asiria dilag king eppegppanu awigppe, ig ena daagnignu od medattem.” Hesekaia nug anam unuqittom.

1 King 8:43

amu Yawe, geha wan laihnu danab ah ag ig nahipad danab ah Israel, ig na dooittutut, amu ig nahipnu ebehinig oh bodoetta le mette, amubia ag na dooidkkulagnu, ag nahipnu ebehilag oh bodoetta le mekkunu, geha wan laihnu danab ag lag imu, da hemi amu, lag amuam na laut, na onin aguppa daatte ele dooglagnu, na dayak aben nahip, amuam hab aab, na appa daanna, na wan laihnu danabnu unuqittak doon, nug na aɗi hekkutnu oɗ medatte amu, na amu hekkutnu oɗ medattem.

Lewitikas 22:23

Am makau okkai ebehi ele dawaite, o sipsipte, am baeg elab o tutu, nug eɗittak daatte, o nug okkai elele ii mak amu, doɗ amubia amu, laa nug ena heme anaknu ofa hekkunu, nug doɗ amu awa, mana, Yawe medakkunu elele. Amge laa nug nai genab ana qakkaknu ofa doɗ amubiappa ii hekkuoitte.

Lewitikas 10:3

Aria, Moses, Aron amegppa aum. “Yawe Nug anukka imunu inam aum. ‘Laa ag da gukkiɗna uɗitteb amu, ag da oppiaawak daattem doon, gumiɗna dokkulagoitte. Am danab ah oh, ag da binal okkai ele daattem doon oiglagoitte’ awa aum.” Moses nug anam a, Aron nug bakkum dayom.

Galesia 1:4

Kristus Nug Kayak, ig Mamenig, Nug oo dayom amu dim lamitta, Nug ihinig hipunin uhuqa megakkunu, Nug nukka bau dayak nuhig uua, ad emaitakppa mauhom. Nug anam heumnu diig am, Nug ig kobol nau, gemu wannu haen imuppa daatte, amu waappa ii daamtanu heum.

Rom 1:7

Amu da Pol, da ag Rom danab, Kayak ahilagnu oo mauhe, ag nuhikkud danab ah oppiaawak ele daaglagnu onilagppa eum ele amu, da ahilagnu yaattem. Kayak, ig Mamenig, amu ihinig Naɗi Jesus Kristus ele, ahilah ehanittak okkai hamu mettak, amu ahilah maɗoɗ ele ahilagppa daaglahnu ool daatte.

Luk 11:1

Haen laa Jesus Nug aben laappa unuqittatta dayom. Unuqitta male, nuhig ippunittak awak danab laa amegppa aum. “Naɗi, Layattak Jon nug anukka nuhikkud ippunittak awak danab ippuanattom bia, na ig unuqidkkunignu ippunikke!” awa aum.