Luk 10:42 - Nobonob Baibel

⁴² amge keeke laippuib am okkai daatte, am Maria nug keeke ena amu tituanom. Keeke ena nuhig amu ig aɗidta ii aomta,” awa aum.

Luk 10:42 Referans Kwoze

Sam 27:4

Keeke laippu laa aakkuib da Yawe, da Nug meɗakkunu oɗ medakkulnu heinne daattem. Yo, keeke laippu aakkuib, da aokkulnunab ool daatte. Keeke amuam, da bau daattem haenppa, da Nug laugppa dayeye, da haen oh, anttak enanag nuhig andette daakkul. Ao, da Nug laugppa da Yawe antten dim lamidkkulnu Nug madikkul.

Jon 4:14

amge laa nug le da medattem ele imu, nug amu lakku amu, nug baula le baag ii diima. Iitta. Le da medakkul ele imu am, le moɗ bia nug ooppa baaba daakku. Anam haen oh qeppuɗia baaba, nug bauklel hanhannu medakku,” awa aum.

Jon 5:24

Da genabnab genab ag amelagppa attem. Laa nug nai dahil doya, Laa Nug da meiɗe uɗimi, nuhignu ele ooppa genab dootte amu, nug bauklel hanhannu ele; nug padal maknu epeɗiak ii anidma. Iitta. Nug aakku mauhaknu ib uua, gemu nug bauklel hanhannu ibppa daatte.

Sam 73:25

Hab attan appa amu, da laa ele daagnihnu ool ii hette; na aakkuib. Wanppa ele, da laa ele daagnihnu ool ii daatte; na aakkuib.

Luk 18:22

Nug anam a, Jesus Nug nai amu doya, amegppa aum. “Keeke laippu amuppaib na elele iitta. Na gona, na enun oh meppe, danab laala ag daden meppeg, na men doɗo amu oh aon, daɗek danab mattona, na hab attan enun okkai ele daakkut. Na anam hewona, na eɗun dona, da dim lamiɗe!” awa aum.

Jon 17:3

Bauklel hanhannu, amuam danab ag na Kayak, na nakkaib am Kayak genab, amu da, na bekkat, na da meiɗe uɗimi amu, ag i oh dooitkkulagnu daatte.

Sam 17:15

Amu da, da genab tutukku hak kobolppa na anidkkul. Haen da niiak abenppanu ahen, na anitten amu, da elelenab dookkul.

Mak 8:36

Danab nug wanppanu keeke oh aokku dayeb, amge nug bauklel hanhannu ii aokku, wanppan keeke oh awom amu, keeke amu nug attem ehanidkku?

Sam 142:5

O Yawe, na ehaniɗkkutnu unuqitte aute aottem. Da attem. “Yawe, na aakkuib am padal mak eɗitteb ena dayaknu ehanittak dahil daattem. Keeke ena oh da eppelppa daakkunu elele amu, na nakka keeke amu oh abenlag aon dayeye, na da ele daattep amunu, da ena, elele daattem!” awe attem.

Duteronomi 30:19

Anam amu, gemu da ib aɗit ippuanatti, ag laa tituankkulagnu daatteb. Ag laa tituankkulag dayeb amu, ag bau daanna, Kayaknu itittak ena aoglag. Ag ib laa tituankkulag dayeb amu, ag eheɗ laa awaknu anak waappa daan mauhkkulag. Anam daatte amunu, da geha da hab, wan ele aa da nai amu Israel, ag amelagppa matti dooppig, aa amu dooya malapiɗ, dimppa aa da genab ag Israel danab ah, da ag amelagppa ami akkulahnu babaittak daaglahnu oɗ matattem. Amge ag Israel amu, ag bekkalkad, aɗelkad aɗi ele, ag bau daaglagnu amu, ag bau dayak tituaneg!

Sam 119:30

Da doyak diig genabib dim lamidkkulnu ippu aakkuib tituanmi. Da nahip ɗo waappa daakkulnu ool okkai daye, amuib hekkulnu dabmak ɠagattag aomi.

Luk 8:18

Ag nai dahil dootteb ele, ag nai amu dabmenan dayeg! Danab nug Kayaknu keeke awa, uɗat pehettak medatte amu, Kayak Nug amu laa ele medakku. Metteb, nug happiak ele daakku, amge danab nug Kayaknu keeke awa, uɗat pehettak ii medatte, nug ‘Da iikku aomi, dahilib daakku,’ atte amu, Kayak nug nuhig keeke awom amu eɗua aɗidkku,” awa aum.

Luk 12:20

Nug dabmak nuhigppa anam aum, amge Kayak Nug amegppa aum. ‘Na am Kayak dab-ii-maama ii dim lamittak danab! Gemu tuqan imuppanab amu, na mauhkkut. Anam am, keeke oh na bappaidme daatte amu, aun nug aokku,’ awa aum?”

Sam 119:111

Nahip ɗo am dahil en hanhannu daatte. Nahip ɗo am gamag ahak da meɗatte.

1 Korint 13:3

Am da keeke dahilad oh daɗek danab madakkul dayeb, amu da Kayaknu uɗat huan heina, da dakka da binal mekkulnu da beɗul imu kakidttem dayeb, amge da laa dilagnu oo mauhak ii doottem dayeb amu, keeke amu oh da ehaniɗkkunu elele iitta.

Luk 12:33

Ag ahilag keeke oh maadppeg, danab daden meppeg, men doɗo aona, daɗek danab ehanadna matteg! Ag anam hekkulag amu ag men doɗo inaknu hogot, alag ma nauhkkunu elele iitta ahilkadnu diiglag. Ag aakku ahilag en ii iitta memanu hab aabppa qagmekkulag. Appa amu yab danab laa nug ii daama, dittuɗ ele ag keeke laa ii heppeg nauhma.

Eklisiastis 12:13

Keeke oh amu, ig aakku doomut; amu keeke amu ohnu gogppa tak am inam. Na Kayaknu ebehin oh bodoetta le maɗ! Ao, na nuhig haknunab anak dim lamitte! Aɗinu? Amuam keeke anuqak, Kayak Nug danab hekkulagnu mattom. Keeke laa iitta.

Luk 16:25

Awa a amu Abraham nug aum. ‘Nagppi, keeke laippu imu na dautppa dokku. Anukka haen na wanppa bau daanna, na keeke ena oh aome, amu Lasarus nug am keeke oh nau awom. Amge gemu aben imuppa nug am oo ena dayeye, ge na amu guittak nau doottem.

Josua 24:22

Ag anam aeg amu, Josua ag amelagppa aum. “Ag Yawe waappa daan, Nug oɗe dim lamidkkulagnu appig amunu, ag anam ii hena, ag amunu aab ele daan, uug naunab dooglag,” awa aum. Nug anam a amu, ag Josuanu nai nob mena appig. “Yo, ig amu ii heta amu, ig beɗunigppa aab ele, uug naunab doognig,” aon appig.

Josua 24:15

Anam, amge ag Yawe waappa daan, Nug oɗe dim lamidkkulagnu oolag ii daatte dayeb, ag gemu aun dim lamidkkulagnu amu dabmak aweg! Ag mamelkad aɗi Mesopatemia daanna, kayak laala waalagpa daan, oɗe dim lamidppig, amute, o iitta, Amo danab, wan ag amuppa gemu daatteb ele, ahilag kayak waalagppa daan binalag mekkulagtai. Ag amu hekkulagtai, amge da, da baeladppa ele amu, ig Yawe waappa daatta, Nug oɗe dim lamidkkunig,” awa aum.

Sam 119:173

Da nahip oo yaak nai ɗo bia oh dim lamidkkulnu amu, da ib amu tituanmi amunu, na ehaniɗkkutnu babaittak daakkunu oɗ medattem.

Galesia 5:6

Danab nug Kristus Jesus ele ouqak daattep amu, nuhigppa gaɗa otaɗak kobol, o iitta gaɗa ii otaɗak kobol, aɗit amu oh am keeke hamu. Nuhigppa keeke laippuib am okkai daatte. Amuam danab nug ooppa genab doya, laa dilagnu oo mauhtte.

Luk 16:2

Anam aeg amu nug uɗat gumak danab nuhig onigppa e uɗie, amegppa aum. ‘Na keeke heme amu, nai amu da doomi amunu, na gona, dahil keeke oh na aɗattem amu uɗug laappa ye! Aɗinu? Na baula uɗat gumak danab daakkutnu am elele iitta,’ awa aum.

Luk 10:39

Marta nug makkeg amu onig Maria. Jesus Nug lakka te, Maria nug Naɗi gumitta doa, baegppa heɗep na dayaya, Jesus nai mattiom ele amu, nug doyom.

Luk 11:1

Haen laa Jesus Nug aben laappa unuqittatta dayom. Unuqitta male, nuhig ippunittak awak danab laa amegppa aum. “Naɗi, Layattak Jon nug anukka nuhikkud ippunittak awak danab ippuanattom bia, na ig unuqidkkunignu ippunikke!” awa aum.

Jon 6:27

Ag ee aon lappeg, beɗulag ɠagattag qeeb, wan imuppaib ena daaglagnu aib anuqak dooppig. Iitta. Ag Kayak nai aon dabmenan, bauklel hanhannu aoglagnu anuqak doyeg! Mama Kayak Nug da ag amu madakkulnu ɠagattag meɗom amunu amu, Danab Bekkalag da, da ag madakkulnu elele,” awa aum.

Jon 11:1

Aria, danab laa onig Lasarus, Betani ted, nug am oɗe ele. Amu Maria, Marta ele, aa am e makkeg amu, aa ele am aab amuppanu.

Jon 11:19

amunu, Juda kuɗum ag Marta, Maria ele, aa Lasarus mauhomnu oolah mekkunu ehanatkkulagnu gumatna goppig.

Jon 12:3

Ee lanana, Maria nug leppu muttuɗig enanag, uug nuhig 350 gram, nuhig daden okkai ele amu, nug amu awa, Jesus baeg gokkaɗ qettowa, ikki uɗugppa Nug baeg oppiom. Ag leppu amu bala laa onig nad, amuppaib heppig. Anam he, leppunu muttuɗig lag amu oh tona malom.