Luk 10:28 - Nobonob Baibel

²⁸ Awa a amu Jesus Nug amegppa aum. “Na tutukku ame, na anam henana, na bauklel hanhannu aokkut,” awa aum.

Luk 10:28 Referans Kwoze

Esekiel 20:11

Ag ukkaeg, da dahil ɗo iɗu iɗu matten ippunadmi. Da amu heminu diig am, danab nug amu dim lamidtte ele, nug amuppa bau daakku; padal ii mema.

Lewitikas 18:5

Ag dahil ɗo iɗu iɗu dim lamitteg! Aɗinu? Danab nug dahil ɗo anam dim lamidkku dayeb, amuppa nug bauklel daakku. Da am Yawe,” awa aum. ⌊Yawe Nug anam ana, Nug ɗo laala imu Moses mettom.⌋

Matyu 19:17

A amu Jesus Nug aum. “Na aɗinu da keeke enanu oɗ meɗattem? Laippu aakkuib Nug am ena amunu, na bauklel aokkutnu na ɗo nuhig dim lamidkkut,” awa aum.

Nehemaia 9:29

Na ag nau aomnanu dabmettak nai mattana, ag eɗun nahip ɗo waappa daaglagnu ag amelagppa ame, amge ag beɗuppa tak danab dilag kobol dim lamidna, ag nahip haknunab nai ii dim lamidppig. Ɗo nahip, danab nug dim lamidtte ele nug bau daakku amu, ag ɗo amu tippaladna, ii dim lamidna, hipunin heppig. Ag na oɗen dim lamidmananu dabmak ahilag ɠagattag eppe, ag na dimettana, ag dabmak eɗukkunu uun autna aona, ag nahip nai dooglagnu uun, ii dooppig.

Galesia 3:12

Ɗo dim lamitta genab tutukku baknu kobol diig am oonigppa genab doyak iitta. Iitta. Kayak naippa kobol amu diignu nai inam daatte. “Danab nug dahil ɗo anam dim lamidkku dayeb, amuppa nug bauklel daakku.” Amuppa ig ɗo nug am uɗatnu keeke anidttem.

Rom 10:4

Juda ag anam hetteb, amge Kristusnu uɗat okkaippa, ig oonigppa genab doottem ele amu, ig ib amuppa genab tutukku hak danab bemut daattem. Ig ɗoppa genab tutukku danab ah ii bettem. Uɗat amu Kristusnu uɗat okkaippa aakku iitta meum amunu, danab oh ag Kristusnu oolagppa genab dootteb aakkuib Kayak Nug ahilagnu amu, “Genab tutukku hak danab,” awa atte.

Rom 3:19

Anam amu, danab laippu laa nug, “Da am genab tutukku hak danab,” akkunu elele iittanab daakkunu, danab oh wan atu ohppanu ag Kayaknu epeɗiak waappa daaglagnu, ig ɗo nai nug aɗi atte amu, nug danab oh dilagnu atte doottem.

Luk 7:43

Awa a amu Saimon nug Jesus nai mattie doya, oɗeppa awa aum. “Dahil dabmakppa amu, danab okkai nug danab laa lon okkai uua, uhuqa mettom ele, nug am anam dookku,” awa aum. A amu Jesus eɗua amegppa aum. “Dabmak amu tutukku, na nob elenab meme,” awa aum.

Mak 12:34

Danab nug anam a amu, Jesus Nug nob nuhig am ena antta, nug amegppa aum. “Na Kayaknu ɗo maɗoɗ ooppa gokkutnu amu, na ib amu oɗeppa daattem!” awa aum. Awa a amu, laa ag haen amuppa digmak ag Jesus baula keeke laanu oɗ mettaglagnu baɗana, oɗ ii medattappig.

Esekiel 20:21

Da danab amu ag bekkalkad aɗelkad ele amelagppa amunu ami, amge ag ele dahil nai tappaeg neum. Danab nug dahil ɗo dim lamidtte amu, nug bau daakku, nug padal ii mema, amge ag dahil ɗo iɗu iɗu pehettak ii dabmettan, ii dim lamidppig. Ag ɗo da ag Sabat deɗppa dim lamidkkulagnu ami amu, ag amunu hamu bia doon, ii dim lamidppig. Ag amu heppig amunu, da oppoɗil be, bu madakkulnu ami. Ao, da ool nauhehe, da ahilag hak naunu atu taɗakppa nob madakkulnu ami.

Esekiel 20:13

Da amu oh hemi, amge Israel danab ah ag atu taɗakppa dahil nai tappaeg neum. Ag dahil ɗo iɗu iɗu uuna, ii dim lamidppig. Ɗo amunu amu, danab nug amu dim lamidtte ele, nug bau daakku, nug padal ii mema. Amge ag dahil nai, dahil ɗo amu ele ii dim lamidnana, ag ɗo da ag Sabat deɗppa dim lamidkkulagnu ami amu, ag amunu hamu bia doon, iinab dim lamitteg, dahil neekkakppa deɗ amu ena ii dayom. Ag amu heppig amunu, da atu taɗakppa eheɗ nau hadappi, padal mekkulagnu dabmein ami.

Duteronomi 6:24

Anam daye, Yawe, ihinig Kayak, Nug ig nuhig ɗo imu oh dim lamidkkunignu, ig nuhignu ebehinig oh bodoetta le mekkunu, Nug ig ɗo mekkom. Ig amu hekkunig dayeb amu, Nug heeb, ig bau daat, ig gemu ena daattem bia haen oh ena daagnig.

Prowerb 19:16

Aun laa nug Yawenu ippunittak nai doya dim lamidtte ele, nug nukka nug bauklel nuhig dabma auta aotte; amge aun nug Yawe oɗe ii dim lamidtte, nug mauhkku.

Rom 7:10

Ɗo da bauklel meɗakkunu dayom amu, da ɗo amuppa bauklel ii aomi; ɗo nug ⌊hipunin ib mette he,⌋ da mauhmi.