Luk 10:15 - Nobonob Baibel

¹⁵ Amu Kaperneam na onin okkai, laa oh eɗattak aokkutte? Iitta! Na padal mekkut,” awa aum.

Luk 10:15 Referans Kwoze

Matyu 4:13

Nug ukkom, amge Nug Nasaret ukka daakkunu uua Nug ukka, aab onig Kaperneam, appa ukka dayom. Kaperneam am le ameg Galili ihippa laih Seblon, Naptali buɗulti daadppigppa dayom.

2 Pita 2:4

Kayak Nug engel hipunin heppig ele amu he, ag iite padal meppig? Yo, Nug geɗatta he, aben eheɗppa noppig. Nug aben gatatu ele amuppa qakkalattom daatteb. Amu ag epeɗiak haen ameg men daatteb.

Luk 13:28

⌊Amu ag ooppa nokkulagnu elele iitta amu,⌋ haen ag Abraham, Aisak, Jakop amu propet oh ag Kayaknu ɗo maɗoɗ ooppa daappeg anadnana, ag am geɗattak dimittim daatteb doonna, ag gaanna, aelkad ele emalkkulag.

Matyu 11:23

Aria aab Kaperneam, na onin okkai, laa oh eɗattak aokkutte? Iitta! Na padal mekkut. Danab laa nug Sodom dilagppa kobol danab hekkunu elele iitta da ahilagppa hemi amubia helo amu, Sodom ag gemu daalob.

Matyu 10:28

Laa ag beɗulag aakkuib qekkulagnu elele, ag dottolag qekkulagnu elele iitta amu, ag amu dilag aib baɗappig. Iitta. Laa nug beɗulag, dottolag ele oh heeb, padal mak abenppa padal mekkulahnu elele amu, ag nuhignu baɗeg!

Obadaia 1:4

Ag ai igel hagagaɗa attannab tette bia attannab tekkulagtai. Ge, ag teɗ ahilag hoɗoppai oolagppa appa bappaidkkulagtai. Anam amge ag amu heloblob, da, Yawe, da heppi, ag nena qena, nauhna autna aoglag.” Yawe Nug anam awa atte.

Esekiel 32:27

Iitta aɗi dilag daup laa oh ag nena qena, ahilag banppan keeke ele oh moɗppa noppig niitteb, laa ag ahilag qep akkan, ikkilkad waappa meppig amu, Mesek daup, Tubal daup ele ag ag ele appa iite niitteb. Danab amu ag wanppa bau daanna heeg, danab ah kuɗum ag eheɗ nau baɗappig amunu, ahilag nob nau ahilagppa dayeye, ag aakku banppa mauhna, mauhak abenppa aakku niitteb.

Esekiel 32:20

Amu Isipnu amu, ag laa qep elabppa mauhppig bia, ag ele mauhkkulag. Qep elab ag aqakkunu amu, qep elab amu mameg nug qep elab amu nug gaɗappan eeɗa awe, nug eppegppa aakku daatte. Kekeɗ ag gona, Isip danab ah huanaknab aakku aqadppeg, padal mekkulag.

Esekiel 32:18

“Danab bekka, na Isip danab ah bodok iitta dilagnu, wanppan wan laala ɠagattagnab ele dilagnu ele mahinna, na nahip naippa omaladppe, laa ele appa notteb amu, ag ag ele mauhak abenppa noig!

Esekiel 31:18

O Isip dilag king, na ele ad elabnab, Iden appanu ad oh eɗattak daattem. Na danab nug dagom onig ɠagattag okkai naɗi ele bia daattem, amge da heppi, na ele nena qekkut. Iden appa ad oh nena qekkulag, amubia na ele nena qekkut. Nena qena, mauhak abenppa daakkut. Na iitta aɗi danab laa oh qep elabppa mauhppig amu, na amu dilag moɗppa na ele niikkut. Amu oh am Paro, nuhikkud daup huanaknab ele dilag bekku.” Naɗi Yawe Nug anam atte.

Esekiel 26:20

haen amuppa da heppi, ag Tair danab ah ag danab ah mauhak abenppa goppig daatteb ele daaglag. Danab ah amu laala ag anukkanab mauhna, goppig appa daatteb. Da heppi, ag Hadesppa, danab ag aab he nauhakppa daatteb bia, ag appa laa appa goppig daatteb ele daaglag. Ag Tairnu danab ah ag baula wanppa danab ah bau daanna oitteb oolagppa ii daamna.

Jeremaia 51:53

Babilon ag hab attan tena, appa aab aɗ ɠagattagnab ele hekkulag dayeblob, da heppi, keeke he nauhak danab laa ag gona, heppeg nauhlo.” Yawe Nug anam awa atte.

Aisaia 5:14

Diig amunu amu, mauhaknu aben nug oɗe aaheum daatte. Ge, mauhaknu aben nug nuhig oɗe okkainab, huanak aaha daatte. ⌊Mauhaknu aben anam daatte⌋, amu Jerusalemnu danab okkai aɗi, amu Juda danab ah laa kuɗumnab ele, ag mauhak abenppa nokkulag. Ao, Juda danab ah ag gemu gamalag ahehe, hobul henana, muttub qetteb ele amu, ag am geha mauhak abenppa nokkulag.

Duteronomi 1:28

Ig attem heta, wan amu ooppa nota aognig? Ihinkad lokkumakppa atu italak danab ag nai aeg, ig oonigppa gai-iitta doottem. Ag atteb, ‘Danab wan amuppan ag am elab, ag ahilag ɠagattag amu ig eɗikkak. Aab okkai ahilkad am okkai okkai, aab amunu aɗ amu attannab tak. Appa danab okkai okkainab daatteb. Danab okkai okkai amu ag am Anak buɗubppan!’ ” Ag anam aakku appig.

Genesis 11:4

Anam daye amu, ag appig. “Ahappeg, ig ihinig aab okkai hetu! Aab ooppa ig lag attan ta ukkak hepput, koɗokko ta, hab yaɗ! Ig anam heta, ig oninig humapput, attan tekku. Ig matatuta, laih laih ii gomata. Ig iguppaib daagnig,” aon appig.

Luk 16:23

Nug mauhe, nug ukka, Hadesppa guittak naɗi ele dayom. Anam dayaya, nug neekke attan ukke, Abraham umanab dayeye, Lasarus nug ele daaeheh anatom.