Luk 1:68 - Nobonob Baibel

⁶⁸ “Ig Naɗi, Israel dilag Kayak, Nug binag metu. Aɗinu? Nug uɗia, Israel danab nuhikkud qagaiettakppanu eɗua uhuqak ha mattom.

Luk 1:68 Referans Kwoze

Sam 106:48

Ag Yawe, Nug ig Israel, ihinig Kayak, Nug gemu daatte, butti aɗi ele hanhan anam daakku amu, ag Nug binag meig! Danab ah oh ag, “Genab, anam dayaɗ!” aig! Ag Yawe binag meig!

Luk 7:16

Danab ah oh ag amu anidna, ag Kayaknu ebehilkad oh bodoetta le me, ag Kayak binag mena appig. “Propet naɗi laa ig oonigppa uɗiom. Kayak Nug ig ehanigkkunu uɗiom,” aon appig.

Sam 41:13

Ig Yawe, Israel dilag Kayak, ig hanhan alet binag metu. Genab, anam dayaɗ! Genab, anam dayaɗ!

Sam 111:9

Nug nuhikkud danab ah qagaiettakppanu eɗua uhuqak ha mattom. Ao, Nug nuhig nug tituana nai qakkak nai, Nug nai amu hanhan daakkunu meum. Yawe Nug oppiaawak daatte. Danab ah ag nuhignu ebehilag oh bodoetta le mette.

Eksodas 4:31

Nug anam he, ag oolagppa genab dooppig. Amu haen ag Yawe Nug ahilagnu dabmak awawa dayom doon, Nug ele Isip ag kobol eheɗ iɗu iɗu ahilagppa heppig anttom ele doon amu, ag dup nona, Yawe binag meppig.

1 King 1:48

Nug Yawe noobppa dup noa binag ma, nug inam aum. ‘Ig Yawe, Israel dilag Kayak, ig Nug binag metu! Gemu Nug he, nid dahil imu nug da abenalppa king be, nug dahil sia kingppa dayeye, da anidmi!’ ” awa aum.

Epesus 1:3

Ig Kristusnu daattem amunu, Kayak Nug ig hab aabppanu itittak ena oh mekkom. Anam amunu, ig Nug, Nug am ihinig Naɗi Jesus Kristus Mameg amu, ig Nug binag metu!

Luk 2:38

Haen amuppaib nug ele uɗia, Kayak amegppa, “Ena heme,” aum. Anana, nug nid amunu nai mehuqa, danab oh ag qagaiettakppanu eɗua uhuqak, ag ehanittak amu Jerusalem appa uɗikkunu ameg meppig ele, nug ag Jesusnu amelagppa aum.

1 Pita 1:3

Ig Kayak, Nug am ihinig Naɗi Jesus Kristus Mameg amu, ig Nug binag metu! Aɗinu? Nug ihinignu oo gai-iitta doya oo mekka ehanikkom. Jesus Kristus mauha, eɗua hibaittom, amuppa ig bau menuak mekkom. Nug ig amu mekkom amunu, ig Kayak noobppa bauklel ele daagnignu genab dootta, amunu dabmak aɗat oittem.

Epesus 1:7

Kayak Nug nuhig doyak dabmak ena ele oh, nuhig diignu doyak tutukku oh eleppa Nug dabmekka, Nug nuhig ehanittak okkai hamu mettak naɗinab megakka, Nug Jesus Kristus tiigppa Nug ig hipuninnu qagaiettakppanu eɗua uhuqak ha mekka, ⌊amuppanu laih amu⌋ ig hipuninnu uhuqak aomut.

1 Stori 29:20

Dawit nug anam unuqitta, nug eɗua danab qagmeppig ele amelagppa aum. “Ag Yawe, ahilag Kayak, ag Nug binag meig!” awa aum. Nug anam a, danab oh ag Yawe, ag mamelkad aɗi dilag Kayak, ag Nug binag meppig. Ag amu hewona, ag Nug noobppa, Dawit noobppa ele gatelag qaun ona, gomelna autna aona, ag iɗulag wanppa mena daappig.

1 Stori 29:10

Amu Dawit nug amu antta, nug danab qagmeppig noolagppa Yawe binag metta inam aum. “O Yawe, ig na binan humattem. Na ig memetanig Israelnu Kayak, na hanhan alet daattem.

Genesis 14:20

Ao, Nug na ehanitte, na kekeɗ eɗadme amunu, ig Nug onig humatu!” awa aum. Awa a amu, Abram nug keeke oh awom, nug amunu obatak eblaih tanig ele ooppanu obatak laippu Melkisedek mettom.

Genesis 9:26

Awowa, nug nai laa ele aum. “Ig Yawe, Semnu Kayak, ig Nug onig humagnignu ool daatte. Amu Kanan nug Semnu begbeg maɗi nid daakkunu ool daatte.

Luk 19:44

geha ag ag Juda, ag buɗulkad ele tappaladna oɗoɗadna autna aoglag. Aab okkainu aɗ, lag ele menppa heppig amu kekeɗ ag loppaɗppeg, men laa nug laa qaɗeppa iinab daama. Kayak Nug ag Juda ehanadkkunu heum, amge ag amu ii dabmeppig amunu, kekeɗ ahilagnu ag anam hekkulag,” awa aum.

Genesis 24:27

“Ig Yawe onig humagnig. Nug am danab okkai dahil Abrahamnu Kayak. Nug Abrahamnu oo mauhaknab kobol, amu Nug oo metta ii uuak kobol ele nuhignu dim lamidtte. Nug da ele ehaniɗom amunu, da Abrahamnu tiig laippu laugppa tutukku uɗimi,” awa aum.

1 Samuel 25:32

Abigel nug anam a amu, Dawit nug nob ma, amegppa inam aum. “Yawe, Nug am Israel dilag Kayak, gemu Nug na meitte uɗin, da uɗal teme amunu, ig Nug onig attan humagnig.

1 King 8:15

Nug itittak ena mattowa, nug inam aum. “Ig Yawe, Nug ig Israel, ihinig Kayak, ig Nug binag metu! Nug da mamel Dawit amegppa Nug oɗeppanab nai ana qakkom amu, nug nai amu tutukku dim lamitta he, meu oum.

Sam 130:8

Yawe Nug nukka, Nug Israel danab ah, ahilkad hipuninnu qagaiettakppanu eɗua uhuqak ha madakku.

Luk 24:21

Amge ig nuhignu amu, ig genab Nug am Israel dilag qagaiettakppanu eɗua uhuqaknu ehanittak daakkunu dabmak aɗat daamut. Amu oh tuɗittak amu, ag anam heeg uɗie, gemu am deɗ ewam iikku.

Hibru 9:12

Kristus Nug meeme tiilkad, amu makau nakkud tiilkad ele awa, Oo Gunnab eleppa ii noum. Iitta! Nug nukka Nug tiig awa, haen laippu aakkuib Oo Gunnab Ele, Nug amuppa noa, Nug tiigppa Nug qagaiettakppanu eɗua uhuqak hanhannu ha mekkom.