Luk 1:50 - Nobonob Baibel

⁵⁰ Buɗub buɗub doobob, Nug danab ag nuhignu ebehilag oh bodoetta le mette, Nug amu dilagnu oo gai-iitta doya oo metta ehanadtte.

Luk 1:50 Referans Kwoze

Eksodas 20:6

amge danab ah ag oolag da meɗan, dahilnu oolag mauhtte, dahil ɗo ele dim lamidtteb amu, da ahilagnu oo mauhaknab doyeye, da ag buɗulkad menuattak huu laippu bia 1,000 dimppa bekkulag amu, dahil oo mauhak amu, ahilagppa ele daakku.

Genesis 17:7

Da na, na buɗunad ele dilag Kayak daakkulnu, da heppi, nug tituana nai qakkak nai dahil, nai amu nahip-ppa, na buɗunad gemunu, dimppanu ele dilag haen oh daakku.

Sam 145:19

Danab ag Yawenu dabmenana, nuhignu ebehilag oh bodoetta le mette ele amu, Yawe Nug danab amu aɗi keekenu oolag hette am madatte. Ao, Yawe Nug danab amunu unuqittak doya, nug ehanatte, padal ii metteb.

Sam 118:4

Ge, laa oh ag Yawenu ebehilag oh bodoetta le mette ele ag, “Nuhig oo mauhaknab kobol hanhan alet daatte,” aig!

Sam 103:11

Aɗinu? Nug danab ag nuhignu ebehilag oh bodoetta le mette ele, Nug amu dilagnu oo mauhaknab dootte. Oo mauhaknab kobol nuhig am okkai; am lomppanu wanppa noak, okkainab amubia daatte.

Sam 31:19

⌊O Yawe⌋ na danab ah ag nahipnu ebehilag oh bodoetta le mette ele, na amu dilagppa keeke ena ena ehanadkkutnu hena, bappaidna aɗattem. Yo, na danab ah ag padal mak eɗidna ena daaglagnu nahip-ppa uɗitteb ele, na amu dilagppa danab ah oh noolagppa kobol ena ena hettem.

Sam 115:13

Yawe Nug, Nug laa ag nuhignu ebehilag oh bodoetta le mette, ag ele itadkku. Ao, Nug ag binalag okkai ele, o binalag okkai iitta amu, Nug ag oh itadkku.

Revelesen 19:5

Ag anam aeg, sia king ⌊anuqak⌋, amuppanu amu baag laa ewa aum. “Ag Kayaknu maɗi nid, ag Kayaknu ebehilkad oh bodoetta le mette amu, ag okkai okkai, naunau ele ag oh ag ihinig Kayak binag meig!” awa aum.

Sam 147:11

Yawe Nug hosnu ɠagattag, o danabnu ɠagattag, Nug amunu gamag ahak ii dootte. Iitta. Nug laa ag nuhignu ebehilag oh bodoetta le mette ele, Nug amu dilagnu enanagnab dootte. Ao, laa ag Nug ahilagnu oo mauhaknab dootteb, ag nuhig kobol dabmenan daanna, ag amuppa ehanittak aon, gogppa tekkulagnu ameg metteb ele amu, Nug amu dilagnu enanagnab dootte.

Sam 85:9

Genab, binag amahlak oppiaawak ele nuhig ihinig wan imuppa daakkunu, Nug danab ah ag nuhignu ebehilag oh bodoetta le mette ele padal ii memananu ehanadtte.

2 King 17:39

Iitta. Ag da, Yawe, ahilag Kayak, ag da noolppaib dup nona binal mekkulag. Ag anam heppeg, aria geha da ag ehanadppi, kekeɗ ahilkad laippu laa ag ag ii eɗadmana,” awa aum.