Luk 1:38 - Nobonob Baibel

³⁸ Anam a amu, Maria nug aum. “Da amu Naɗinu maɗi ah. Na ame bia amu, Nug dahilppa anam haɗ!” awa aum. Awa a amu, engel nug eɗua ukkom.

Luk 1:38 Referans Kwoze

Sam 119:38

Danab ag nahipnu ebehilag oh bodoetta le mette ele, na ag ena hadakkutnu nai qagattem. Amu na nahip nai qakkak dahilnu heme amu, na nai amu dim lamidna, na da, nahip maɗi nid, na dahilppa ena anam hekkutnu oɗ medattem.

Sam 116:16

O Yawe, imuam genabnab, da am nahip maɗi nid laa. Ao, da am nahip maɗi nid. Da am ah laa nahip uɗat heum ele amu, da nug bekka. Na da keeke nau hippaliɗeg daami, na amuppan uhuqiɗe, ena daattem.

Luk 1:37

Antte! Kayak Nug keeke oh hekkunu elele,” awa aum.

Luk 1:39

Engel ukke haen amuppa Maria nug aha, paha Juda wanppa qauko qauko daattebppa, appa aab laappa ukkom.

Luk 1:48

Aɗinu? Da am nuhig maɗi ah, keeke hamu bia, amge Nug dahilnu oo doyom! Kayak Ebehi Oh Ele Nug keeke naɗinab dahilppa heum amunu gemu, butti aɗi ele buɗub buɗub doobob, danab ah amu ag akkulag. ‘Kayak Nug itittak ena okkai nug mettom,’ aon akkulag. Nug onig am Oppiaawak Ele.

Galesia 4:22

Kayak naippa yaak laa Abrahamnu amu inam daatte. Abraham nug bekoɗ aɗit; begbeg maɗi ah nug laa menue, amu Sarah, nug am begbeg maɗi ah iitta, nug nid laa menuom.