Luk 1:35 - Nobonob Baibel

³⁵ Anam a amu, engel nug oɗeppa awa aum. “Geha Kayak Ouɗi nahip-ppa uɗieb, Kayak Attannab Laa Oh Eɗattak, nuhig ɠagattag na tonidkku amunu, na nid oppiaawak ele menukkut amu, ag nuhignu, ‘Kayak Bekka,’ aona akkulag.

Luk 1:35 Referans Kwoze

Matyu 1:18

Anam amu, Jesus Kristus, nuhig menuaknu nai am inam. Josep nug Maria aokkunu baeg aɗaeg daye ukkom, amge aa ewau matulak ii aopiɗppa Maria nug Kayak Ouɗinu ɠagattagppa oo ele dayom.

Jon 1:49

Jesus anam a amu, Nataniel oɗeppa awa aum. “Ippunittak danab, na am Kayak Bekka, na Israel dilag king,” awa aum.

Jon 1:34

Da Jesusnu amu beum anidmi, amu da nuhignu da iikku attem, Nug am Kayak Bekka.” Jon anam aum.

Rom 1:4

Nug doa, ad emaitakppa mauhe, Kayak Ouɗi Nug nuhig ɠagattagppa he, Nug eɗua hibaittom, amu amuppa Kayak Ouɗi Nug he, Jesus Nug am Kayak Bekka miag atia malom; Nug am Jesus Kristus, ihinig Naɗi.

Matyu 1:20

Josep nug amunu dabmak awewe, tuqan tulppa Naɗinu engel nug gumitta neum. Na amu nug aum. “Josep, Dawit bekka, na Maria ah nahip daakkunu, na nug aokkutnu aib baɗame. Doye! Kayak Ouɗi Nug nukka nid amu mettom.

Mak 1:24

“Jesus, Nasaret ted, na ig attem heigkkutnu uɗime? Na heppe, ig nauhkkunignu uɗimete? Da na dooidttem; Laa Kayaknu Oppiaawak Ele, amuam na aakkuib,” awa aum.

Matyu 27:54

Amu ban daup 100 dilag ikki nug, amu daup laa ag nug ele daanna Jesus guman daappig, ag mim ne, keeke laala oh ele beeg anidna, baɗak eheɗ nau doon appig. “Genab, danab imu Nug Kayak Bekka!” aon appig.

Hibru 4:15

Ele amu ihinig mana mettak ikki danab, Nug am danab laa ihinignu oo ii dookkunu laa iitta. Hipunin haknu eeɗak kobol oh ihinigppa bette amu, amu ele nuhigppa beum, amge Nug hipunin laa iinab heum amunu, keeke nuhigppa beum bia ihinigppa beebe, ig gai-iitta bia daautut amu, Nug ihinignu oo doyak dookkunu elelenab daatte.

Luk 1:27

Nug nai awa, ah makkun laa danab aokkunu tituanppig ele gumitta ukkom. Danab ah aokkun dayom am onig Josep; nug Dawit buɗub. Ah makkun am onig Maria.

Galesia 2:20

Da Kristus ele oh ad emaitakppa aihlop bia mauhmi amunu da gemu bau ii daattem. Iitta. Kristus Nug da oolppa bau daatte. Anam daatte amunu, dahil oiyak wan imuppa oh amu da Kayak Bekkanu oolppa genab doyeye oittem. Nug dahilnu oo mauhe amu dahilnu ele mauhom.

Aposel 8:36

Aa anam heyaya goya goya, le laa anidya, danab amu nug Pilip amegppa aum. “Antte! Le iikku. Aɗi keeke laa da layattak ii aopanu da qakkiɗtte?” awa aum.

Job 25:4

Kayak Nug okkainab anam daatte amunu, ig danab ah oh, ig oonigppanu laa nug Kayaknu neekkakppa, nug genab tutukku hak danab daakkunu elelete? Ge, laa ah ooppanu doum ele, nug Kayaknu neekkakppa ooppa oppiak ele daakkunu elelete?

Jon 20:31

Amge yaak imu daatte amu, ⌊ag ebqetteb ele,⌋ ag ebqenana, ag Jesus, Nug am Kristus, Kayak Bekka daatte, ag amu doona, oolagppa genab dooglagnu daatte. Amu yaak imu daatte amu, yaak amuam ag Jesusnu ooppa genab doyakppa ag bauklel hanhannu aotteb oolagppa genab dooglagnu ele daatte.

Mak 1:1

Kayak Bekka Jesus Kristusnu Nai Ena am inam niitte.

Sam 2:7

Amu king amu, Yawe tituana, Sion appa meum ele, nug atte. “Da ɗo laa Yawe meum daatte amu, da amunu appi dooglag. Nug da amelppa inam aum. ‘Na am da Bekkal; gemu amu, da na Mamen bemi daattem.

Job 14:4

Danab laa nug heeb, keeke dubuttid ele eɗua, oppiak ele daakkun elelete? Iitta!

Epesus 2:3

Ig oh anamib anukka daamut, amu haen amuppa ig dabmak geha iikkunu aakkuib dim lamidmut. Ig beɗunig, amu ihinig dabmak ena iitta ele, aa aɗi apiɗ ig hettamut amunu, ig danab laa oh ele amuppa Kayaknu oppoɗi bak ig iqakkunu elele daattamut.

Matyu 14:33

Ulah toette, uub attan daappig ele ag Jesus noobppa dup nona binag mena appig. “Genab na am Kayak Bekka,” aon appig.

Matyu 4:3

Enug qeeqe amu, eheɗ haknu oo eeɗak danab nuhigppa beum. Ba amu nug aum. “Na Kayak Bekka daattem dayeb amu na appe, men imu eɗua bret baɗ!” awa aum.

Sam 51:5

Antte! Anai menuiɗom, haen amuppa da hipunin danab daami. Ge, anai ooppa nid bekkulnu meul oum, haen amuppa da hipunin danab daami.

Job 15:16

Nug ig danab, ihinig kobol am uɗig wak ele, ig hipunin hettem amu, Nug ihinignu ig eheɗ laa ii hematanu, ig oppiak ele daagnignu ooppa genab iinab dooma. Ge, ig danab, ig laa le baag diie, le huana latte, ig amubia eheɗ huana hettem.

Luk 1:34

Anam a amu, Maria engel amegppa aum. “Keeke amuam attemutai bekku? Da danab ii awen, ah makkun daattem,” awa aum.

Luk 1:36

Doye, na tiin laippu Elisabet nug kaino meum, amge nug oo ele. Nug nid danab menukku. Anukka nug nid menuaknu elele iitta, amge gemu nug oo ele dayeye, nuhig kalam eblaih laippu ele daatte.