Luk 1:30 - Nobonob Baibel

³⁰ Anam a amu engel nug amegppa aum. “Maria, na aib baɗame. Kayak nahipnu oo ena daatte.

Luk 1:30 Referans Kwoze

Luk 1:13

Oo baɗom amge engel nug Sekaraia amegppa aum. “Na aib baɗame. Unuqittak nahip amu, Kayak Nug aakku doyom. Na waat Elisabet nug geha nid danab menueb, na nid onig Jon ataɗkkut.

Rom 8:31

Amunu ig Kayak keeke heum ele, amu ohnu ig aɗi aot akkunig? Ig inam aot akkunig. “Kayak Nug ig ehanigtte dayeb amu, laa nug ig kekeɗ mekka eɗigkku? Iitta!” aot akkunig.

Matyu 14:27

Huanak eppig, amge Jesus Nug pahanab amelagppa aum. “Ag ɠagattag dayeg! Ag aib baɗappig. Imu daib,” awa aum.

Luk 12:32

O lailad, ag aib baɗappig. Da Mamel Nug nuhig ɗo maɗoɗ ag madakkunu oo daatte.

Aisaia 41:10

Da ag ele daattem amunu, ag aib baɗappig. Ao, da ahilag Kayak daattem amunu, ag oolag uug nau aib qeum. Da ɠagattag aqatten ehanadkkul. Ao, da hanhan genab tutukku kobol dim lamitten heinne, da eppel naɗiap-ppa ag nena qemananu aɗualadppi, ag ɠagattag aon daaglag.

Matyu 28:5

Am engel nug ah aɗit amelahppa aum. “A aib baɗapiɗ! Da doottem, aa Jesus, ad emaitakppa atulppig amu, aa Nug madittep.

Aisaia 41:14

O ag Jakop buɗub, ag ahilag ɠagattag am maɗuai bia, amge ag aib baɗappig. Ao, ag Israel danab ah ag ahilag ebqak am kuɗum iitta, amge ag aib baɗappig. Da Yawe, da ag ehanadkkul.” Yawe, Nug am ag Israel, ahilag qagaiettakppanu eɗua uhuqaknu ehanittak, Nug ele ag Israel, ahilag Kayak Oppiaawak Ele amu, Nug anam atte.

Aposel 27:24

nug aum. ‘Pol na aib baɗame! Na am gona, Sisarnu hettoɗiakppa nug noobppa hippaidkkut. Am doye! Danab oh na ele uubppa daatteb amu, Kayak Nug unuqittak nahip doyom amunu, geha ag ele ii mauhmana,’ awa aum. Nug anam awa, da amelppa aum

Hibru 13:6

Diig amunu ig ⌊anen anen⌋ ig oonigppa baɗak iitta ele akkunig. “Naɗi Nug da ehaniɗtte amunu, da ii baɗapa. Ao, ⌊Naɗi Nug ag ii paɗatteb hekkulag dayeb amu⌋, danab ag dahilppa aɗi eheɗ laa hekkulagnu elele daaglag? Laa iitta.”

Genesis 6:8

Amge Noa nug Yawe noobppa ena dayom.