Luk 1:25 - Nobonob Baibel

²⁵ “Naɗi Nug dahilnu oo doye ehaniɗa, uɗa nak dahil danab oh amelagppa oppiom,” awa aum.

Luk 1:25 Referans Kwoze

Aisaia 4:1

Haen amuppa geha ah eblaih aɗit ele ag danab laippu laa aɗaglag. Ag aɗan, ag inam amegppa akkulag. “⌊Ig igakka nug gumat daagnignu elele.⌋ Ig igakka, anen anen ee ihinig latata, amu ig igakka anen anen lamen ihinig ele takkagnig. Amge ig am danab laa ii aomut amunu, ig uɗa nak nau guittak ele doottem. Anam amunu, uɗa nak nau guittak ele amu iitta mekkunu amu, na ig gamunig daakkutnu oɗ medattem,” aon akkulag.

Hibru 11:11

Sarah nug am ah mattoi, nug kaino ma, nid aokkunu haen nuhig iitta meum, amge Kayak Nug nug nid menukkunu nai qakka a, Sarah nug Kayaknu ooppa genab doyom amunu Kayak he, Sarah nug nid menukkunu elele dayom

Luk 1:13

Oo baɗom amge engel nug Sekaraia amegppa aum. “Na aib baɗame. Unuqittak nahip amu, Kayak Nug aakku doyom. Na waat Elisabet nug geha nid danab menueb, na nid onig Jon ataɗkkut.

1 Samuel 1:6

Yawe Nug he, Hana nug nid aokkunu elele iitta amunu, Elkana wau laa Penina, nug Hana awa awa qedatta, nug Hana nid aokkunu elele iittanu uug nau dookkunu, nug amunu ge iitta mattieye, Hana nug genab oo uug ele dayom.

Genesis 25:21

Aisak wau Rebeka nug nid iitta, nug ah mattoi amunu, Aisak nug Yawe amegppa amunu unuqitte, Yawe Nug he, Rebeka nug oo ele oiyom.

Ikki Danab 11:37

amge tatam amu, na da uuiɗppe, da qaukoppa teppi, appa, da lailad ele ig kalam aɗit anam oitta mahignig. Aɗinu? Da danab laa ii aopa,” awa aum.

Aisaia 25:8

Naɗi Yawe Nug geha mauhak amu heeb iitta meeb, geha mauhak amu ahilagppa ii bema; hanhan anamib daakku. Nug geha danab ah oh amelag leb amu oppieb, iitta mekku. Amu Nug geha danab ah nuhikkud wan ohppa uɗa nak nau guittak ele ahilagppa daatte amu heeb, iitta mekku. Yawe Nug anam mattiom daatte amunu, am anam bekku.

Luk 1:24

Ukka dayeye, dimppa nug wau Elisabet oo ele daya, nug kalam tanig ele lakka lokkuma dayaya nug aum.

2 Samuel 6:23

Amu Saul aɗeg Mikal nug haen amu ii nak nug nid laa ii menuom, amu dimppa ele ii menuewe ukke, mauhom.