Luk 1:15 - Nobonob Baibel

¹⁵ Nug Naɗi noobppa onig am binag ele daakku. Nug wain amu kaaka qaknu le laa oh ele ii lama. Nug anig ooppa dayebeb amu Kayak Ouɗi am nug ooppa ambekku.

Luk 1:15 Referans Kwoze

Jeremaia 1:5

“Jeremaia, da na anin ooppa heidmi, amge haen da na ii heidmi, haen amuppa da na tituanidmi. Ao, na anin nug na ii menuittom, haen amuppa da na uɗat laa hekkutnu otidmi. Da na otidmi, na propet daanna, dahil nai wan atu ohppa mehuqkkutnu na oninppa emi,” awa aum.

Epesus 5:18

Danab nug wain lawowa kaaka qette amu, nug hipaɗu ahak kobol hette amunu, ag diig amunu wain lana, kaaka aib aqom. Iitta. Ag amu uuppeg, Kayak Ouɗi Nug ahilagppa ambak daya, ahilag oiyak oh gumaɗ!

Galesia 1:15

Amge Kayak, Nug anai da ii menuiɗom haenppa da tituaniɗa, nuhig ehanittak okkai hamu megatte, amuppa Nug da onilppa eum amu, haen amuppa Nug nukka dahilnu dabma,

Aposel 2:4

Anam he amu, danab oolagppa genab dooppig ele, danab amu ag oh Kayak Ouɗi ag oolagppa ambe, ag ahan, nai digdigppa nai madippig. Amu Kayak Ouɗi Nug he, ag oɗelagppa anam nai madippig.

Luk 7:33

Aɗinu? Layattak Jon nug uɗia, nug ee digdig ii laum, wain ele ii laum amunu ag, ‘Nug beɗuppa ouɗi nau ele,’ aon atteb.

Josua 4:14

Deɗ amuppa ag Jodan le mataɗeg amu, Yawe Nug he, Israel laa oh ag Josua nug onig, binag okkai ele dooppig. Nug bau dayom, haen amu oh ag nuhignu, “Nug am danab okkai, binag ele,” doon oidppig. Ag Mosesnu, nug onig okkai, binag ele doon oidppig, amubia ag Josuanu doodppig.

Luk 7:28

Jesus Nug anam awowa, Nug nai tuɗitta aum. “Da ag amelagppa attem. Danab oh ah oolkadppanu doppig elenu laa nug Jon ii eɗittom, amge danab laa nug Kayaknu ɗo maɗoɗ ooppa danab nakokib daatte, nuhig itittak ena amu Jonnu eɗidtte,” awa aum.

1 Stori 17:8

Na adeppa adeppa gome amu, da ele oh gomuɗ. Amu ele da hei, na kekeɗ nahip oh eɗatte, gemu ag na waatppa daatteb. Aria, gemu amu, da heppi, na onin okkainab, danab onilag okkai okkai laa oh eɗattak, wanppa daan oippig, oitteb ele amu, na onin okkainab, ag onilag bia daakku.

Josua 3:7

Amu Yawe Nug Josua amegppa aum. “Da gemu aɗi hekkul amu, Israel danab ah ag amu anidna, ag da Moses ele daamuɗ bia, da gemu na ele daattep doon oolag maidkkunu amu, da amu heppi ba heeb, ag na danab binan okkai ele digmen anidkkulag.

Sekaraia 9:15

Yawe Nukka Ɠagattag Oh Ele Nug nuhikkud danab ah dilag guppiɗ daakku. Nug ehanatteb, ag ahilkad kekeɗ men katapulppa mena aqan eɗadkkulag. Danab wain lanan etteb, amubia Yawenu danab ag kekeɗ eɗadna ekkulag. Yawenu danab ag ahilkad kekeɗ tiilag huana gokkaɗkkulag. Mana mettak danab nug doɗ mana, Kayak medakkunu haaha, doɗ tiig qaɗab daugppa gokkaɗtte, kekeɗ tiilag amubia gokkaɗkkulag.

Sam 22:9

Amu ag anam aakku atteb, amge Yawe, na da ehaniɗe, da anil menuiɗom. Ao, da qapik daami amu, na da ehaniɗe, uug okkai laa dahilppa ii be, amuppa na da nahipnu oolppa genab dookkulnu ippuniɗme.

1 Stori 29:12

Danab ag en okkai, binalag okkai ele amu, ag keeke amu na eppenppa aoppig oitteb. Na keeke oh ikki daattem. Na eppenppa ɠagattag, binag okkai awak ele daattep. Danab oh binag okkai, ɠagattag ele mattaknu amu, amuam na eppenppa aɗattem.

Genesis 48:19

Josep anam aum, amge Jakop nug nai nuhignu dab-ii-metta, nug aum. “O bekkal, nug nid danab naanaeg amu, da doottem. Geha nug buɗub ele elab bekku, amge nug dimugppa amu, nug buɗub ag laanu buɗub eɗadna, appatna elabnab bekkulag,” awa aum.

Genesis 12:2

Amu da heppi, na buɗunad ag appatna, huu okkainab, ɠagattag ele daaglag. Da na itittak ena ele medakkul. Na onin okkai humappi, na laala itittak ena madakkut.

Jon 5:35

Jon nug amu lam amahaltte bia, nug amahlak ag mattom. Matte, ag haen tutu amunu oolag ena daye, gamag ahak dooglagnu ena dooppig.

Lewitikas 10:9

“Na, amu na buɗunadppa ele ag iinab wain, o le ɠagattag laa lawona, mettid haknu peh lag danab ah appa qagmetteb ele, ag lag amu ooppa nokkulagoitte. Ag anam lawona, mettid haknu peh lag ooppa ii nokkulag dayeb amu, ag ii mauhmana. Ɗo imu buɗub buɗub doobob, ahilagnu hanhan daakkunu daatte.

Jeremaia 35:6

Da anam ami, amge ag appig. “Ig wain ii lattem. Aɗinu? Anukka ig mamenig laa, nug am Rekap bekka Jonadap, nug haknunab nai imu ig mekkom. ‘Ag amu, ag buɗulkad ele ag wain aib lappig!

Luk 1:14

Geha na oot enanagnab dayeb, maɗoɗppan gamag ahak ele dooppe, danab ah kuɗum ele nug doumnu gamalag ahakku.