Lewitikas 9:4 - Nobonob Baibel

⁴ ag laippu dayaknu ofa haknu makau okkai ebehi ele laa, amu sipsip dawai laa ele aon, doɗ amu oh diiadna Yawe toppa wana, ag plaua, olip goɗenppa kaboliak ele, ee aegnu ofa haknu ele aon wakkulag. Am Yawe Nug ag noolagppa gemu tula dokku amunu appe, ag mana mettak amu oh akkan, Yawe toppa waig!” awa aum.

Lewitikas 9:4 Referans Kwoze

Eksodas 29:43

da aben amuppa, da Israel danab ele qagmekkunig. Binag amahlak oppiaawak ele dahil aguppa daakku amunu, aben amuam dahilnu tituana mettak anam daakku. Am aben hamu iitta.

Lewitikas 9:23

Aron anam he, Moses nug Aron ele aa mettid haknu peh lag danab ah appa qagmetteb ele, aa lag amu ooppa nopiɗ, amu haen aa eɗuya dimittim beya, danab ah itatteh, amu Yawenu binag amahlak oppiaawak ele am, danab ah oh dilagppa miag atiom.

Lewitikas 9:6

Daaegeg, Moses aum. “Yawenu binag amahlak oppiaawak ele miag atieb anidkkulagnu amu, Yawe Nug ag inam hekkulagnunab ag amelagppa aum,” awa aum.

Esekiel 43:2

Nug omaiɗa uɗie, da kaɗag uɗitteppanu neekki ukke, da Israel dilag Kayaknu binag amahlak oppiaawak ele appanu uɗieye anidmi. Amu da Kayak baag ele doomi, amu le okkai ui huana otte, amubia. Amu nuhig binag amahlak oppiaawak ele huana amahale, wan oh amahla auta autanab awom.

Namba 16:19

Amu Kora nug heehe, Israel danab ah oh ag Moses, Aron ele dimatan, ahilah nai ele tappaeg neum amu, nug he, danab ah ag mettid haknu peh lag danab ah appa qagmetteb ele, ag lag amu odppa daaegeg, Yawenu binag amahlak oppiaawak ele Israel danab ah oh noolagppa ne anidppig.

Namba 14:10

Josua, Kalep ele aa anam apiɗ, amge Israel danab ah laa oh ag Moses, Aron ele menppa makkuɗatkkulagnu madippig. Mattiegeg amu, Yawenu binag amahlak oppiaawak ele mettid haknu peh lag danab ah appa qagmetteb ele, amuppa tuale, Israel danab ah oh ag anidppig.

Lewitikas 2:1

Laa nug ee aegnu ofa Yawenu hekkunu haaha amu, mana mettak amuam nug plaua enanag, amuppa hekkuoitte. Nug olip goɗen gokkaɗeb noob, kalu danab ile muttuɗig enanag bette ele, am amu daugppa mekku.

Eksodas 24:16

Amu Yawenu binag amahlak oppiaawak ele qauko Sinaippa ne, Israel ag Yawenu binag amahlak oppiaawak ele amu aab ewak okkainab, keeke ewe iitta mette bia anidppig. Am lombig nug deɗ eblaih laippu ele anam qauko amu tona daye, aria deɗ eblaih aɗitppa, Yawe Nug lombig ooppa dayaya, Nug Moses ⌊nuhigppa tekkunu⌋ onigppa eum.

Eksodas 19:11

ag laatu buttua, ag da noolppa elele daaglagnu babaittak dayeg! Aɗinu? Deɗ amuppa da Yawe, da geha nein, Sinai qaukoppa daappi, danab ah ag da aniɗkkulag.

Eksodas 16:10

Moses nug Aron amegppa anam a, aakku Aron nug Israel oh amelagppa nai mattieye, haen amuppa ag neekkeg, atu taɗakppa ugekke, ag Yawenu binag amahlak oppiaawak ele lombigppa be anidppig.

Lewitikas 9:3

Anam henana amu, Israel danab ah appe, ag akka ahilagnu, ib etta hipunin haknu ofa hekkulagnu, ag meeme dawai laa aon, ag manaknu ofa haknu, ag makau gaiɗ, maɗ laippu awak ele, amu sipsip gaiɗ maɗ laippu awak ele, doɗ amu, aa oh am laippu laa beɗuppa eheɗ laa iitta ele amu, aria

Lewitikas 9:5

Moses nug Aron anam amegppa a, nug Israel danab ah ele ag keeke amu oh akkan, mettid haknu peh lag danab ah appa qagmetteb ele, ag lag amu odppa, Moses nug ag haknunab aum bia heppig. Israel dilag tamaniak oh ag uɗin, Yawe noobppa appa hippaidna daappig.

Lewitikas 3:1

Am laa nug laippu dayaknu ofa hekkunu haaha, nug makau awa dotte dayeb, nug makau dawai laa, o makau anig laa awa, mana mettak hekku. Amu nug doɗ awa, Yawe gumitta doa, nug medatte amu, nug laa beɗuppa eheɗ laa iitta ele awa dokku.

Esekiel 43:27

Aria, deɗ eblaih aɗit ele amu iitta meeb, deɗ eblaih ewamppa mana mettak danab ag digmena, qaɗab amuppa Israel dilag mana mettak digdig, laa am manaknu ofa, laa am laippu dayaknu ofa, ag amuppa manan, da meɗaglag. Ag anam heppeg, da ag Israel, da ag diiadkkul.” Naɗi Yawe Nug anam atte.