Lewitikas 9:2 - Nobonob Baibel

² Nug he, ag qagmeeg, Moses nug Aron amegppa aum. “Ib etta, hipunin haknu ofa nahipnu haknu, na makau gaiɗ laa, amu manaknu ofa nahipnu haknu, na sipsip dawai laa ele, doɗ aɗit amu oh aa beɗulahppa eheɗ laa iitta ele amu, na doɗ amu diiatna, Yawe gumidna wana, Nug mette!

Lewitikas 9:2 Referans Kwoze

Lewitikas 4:3

Laa amu hekku, nug mana mettak ikki danab daatte dayeb, nug Israel oh ag hipunin hekkulagnu elele daatteb bia hipunin hekku dayeb, nug Yawe toppa makau gaiɗ laa, ib etta hipunin haknu ofa daakkunu, beɗuppa eheɗ laa iitta ele amu awa, Yawe gumitta ukka, Nug medakuoitte.

Hibru 7:27

Jesus Nug am mana mettak ikki danab anukkanu, ag deɗ oh doɗ main, Kayak Nug hipunin ahilag tatam uhuqa mattowa, danab dilag ele uhuqa madakkunu medappig bia ii hette. Nug uɗat nuhig anam iitta. Kayak Nug danab ah dilag hipunin uhuqa madakkunu, Jesus Nug haen laippu aakkuib Nug nukka Nug beɗu oh Kayak mettom amunu Nug baula ii hema.

2 Korint 5:21

Kristus Nug eheɗ laa ii heum amge Kayak he, Nug ihinig mana mettak dayeye, Kayak Nug hipunin ihinig oh awa, laippu qagma Nug qaɗeppa me, Nug mawom. Anam amunu, gemu Kayak Nug Kristusnu uɗat okkaippa ig anikka, ihinignu, “Genab tutukku hak danab,” awa akkunu elele.

Lewitikas 8:18

Moses anam hewowa amu, nug sipsip dawai laa, manaknu ofa haknu awa, Yawe gumitta wana, Nug mette, Aron, nug bekkod ele ag eppelag igippa meppig.

Lewitikas 8:14

Moses nug amu ha mala, nug makau dawai, ib etta hipunin haknu ofa haknu awa, Yawe gumitta wana, Nug mette, Aron nug bekkod ele ag eppelag makau igippa meppig.

Eksodas 29:1

Yawe Nug nai amu anana, Nug nai tuɗitta aum. “Aron, nug bekkod ele, ag dahil mana mettak danab bena, dahil uɗat amu hekkulagnu amu, da gemu, da na Aron, bekkod ele dilagppa aɗi aɗi laa heppe, ag dahilnu tituana mettak daaglag amu, da amunu na amenppa appi dookkut. Am na inam hekkut. Na makau gaiɗ laippu aon, sipsip dawai aɗit beɗulah enaib ele anatna diiate!

Hibru 5:3

Amu mana mettak danab amu, nug ele hipunin hekkunu eeɗak aotte amunu, Kayak Nug danab amunu hipunin uhuqa medakkunu, danab laa oh dilag hipunin ele uhuqa madakkunu, mana mettak danab amu nug doɗ mana Kayak medakkuoitte.

Lewitikas 9:3

Anam henana amu, Israel danab ah appe, ag akka ahilagnu, ib etta hipunin haknu ofa hekkulagnu, ag meeme dawai laa aon, ag manaknu ofa haknu, ag makau gaiɗ, maɗ laippu awak ele, amu sipsip gaiɗ maɗ laippu awak ele, doɗ amu, aa oh am laippu laa beɗuppa eheɗ laa iitta ele amu, aria

Esekiel 29:1

⌊Nebukatnesar nug King Jehoiakin, amu ig laa ele awikka, Babilon wanppa diia ukka laih me dayak danab ah daagnignu uɗie daautut,⌋ maɗ eblaih waɗele ukke, maɗ eblaih laih ohppa, kalam eblaih laih elenu deɗ 12ppa Yawe Nug nuhig nai laa da meɗom. Nai amuam inam.

Lewitikas 1:3

Am laa ⌊nug ofa mameg,⌋ nug manaknu ofa hekkunu haaha, nug makau awa dotte dayeb, Yawe Nug mana mettak amunu ena doya aokkunu amu, ofa mameg nug makau dawai laa beɗuppa eheɗ laa iitta ele awa doa, nug Yawe gumitta ukka, mettid haknu peh lag danab ah appa qagmetteb ele, nug lag amu odppa, Yawe medakkuoitte.

Lewitikas 1:10

Am laa nug manaknu ofa hekkunu haaha, nug doɗ aɗppanu sipsipte, o meemete laa awa dotte amu, nug sipsip dawai laa, o meeme dawai laa, beɗuppa eheɗ laa iitta ele awa dokkuoitte.

Lewitikas 16:3

⌊Yawe Nug anam ana, Nug doya dim lamittaknu nai imu ele Moses mettom.⌋ “Aron nug aben Kayaknu tituanak daatte ele amuppa nokkunu amu, nug nai imu tutukkunab dim lamidkkuoitte. Tatam amu, nug ib etta hipunin haknu ofa hekkunu, nug makau gaiɗ laa awa, amu nug manaknu ofa hekkunu sipsip dawai ele awa dokkuoitte.

Lewitikas 16:5

Israel danab ah ag ib etta hipunin haknu ofa hekkulagnu, ag meeme dawai aɗit aon uɗin, ag sipsip dawai laa manaknu ofa haknu aon dokkulagoitte. Ag diin uɗippeg, mana mettak danab nug aokku.