Lewitikas 9:15 - Nobonob Baibel

¹⁵ Anam hewowa amu, Aron nug Israel danab ah dilag mana mettak awa, Yawe toppa waum. Nug meeme dawai, danab ah dilag amu awa, ib etta hipunin haknu ofa haaha, baag otaɗowa, nug mana Yawe mettom. Nug mana mettak amuam nukka nuhignu heum bia heum.

Lewitikas 9:15 Referans Kwoze

Hibru 5:3

Amu mana mettak danab amu, nug ele hipunin hekkunu eeɗak aotte amunu, Kayak Nug danab amunu hipunin uhuqa medakkunu, danab laa oh dilag hipunin ele uhuqa madakkunu, mana mettak danab amu nug doɗ mana Kayak medakkuoitte.

Hibru 2:17

Amunu, diig amunu, Nug Kayak noobppa oo gai-iitta doya oo metta ehanittak kobol, oo metta ii uuak kobol ele dim lamata mana mettak ikki danab daakkunu, amu Nug danab dilag hipuninnu eheɗ haknu nob nau Nug tiigppa iitta mekkunu heeb elele medakkunu elele daakkunu, Nug ib ohppa Nug laikkud bia bekkununab dayom.

Lewitikas 9:3

Anam henana amu, Israel danab ah appe, ag akka ahilagnu, ib etta hipunin haknu ofa hekkulagnu, ag meeme dawai laa aon, ag manaknu ofa haknu, ag makau gaiɗ, maɗ laippu awak ele, amu sipsip gaiɗ maɗ laippu awak ele, doɗ amu, aa oh am laippu laa beɗuppa eheɗ laa iitta ele amu, aria

Taitus 2:14

Kristus Nug ig ihinig nau hak ohnu qagaiettakppanu eɗua uhuqak hekkunu, ig nuhikkudnab danab ah oppiaawak ele daatta, kobol ena tutukku aakkuib hekkunignu dabmak aognignu amu, Nug ihinignu mauhom.

2 Korint 5:21

Kristus Nug eheɗ laa ii heum amge Kayak he, Nug ihinig mana mettak dayeye, Kayak Nug hipunin ihinig oh awa, laippu qagma Nug qaɗeppa me, Nug mawom. Anam amunu, gemu Kayak Nug Kristusnu uɗat okkaippa ig anikka, ihinignu, “Genab tutukku hak danab,” awa akkunu elele.

Aisaia 53:10

⌊Ag Yawenu maɗi nidnu anam ii helob⌋, amge ⌊ihinig hipunin uhuqkkunu ib laa iitta amunu,⌋ Yawe Nug nuhig maɗi nid nug amu maokkunu aum. Yo, ⌊ihinig hipunin uhuqkkunu ib laa iitta amunu,⌋ Yawe Nug ag nuhig maɗi nid guittak anam mettaglagnu ib babaittom. Yawe Nug he, nuhig maɗi nid nug eheɗ haknu ofa dayom amunu, Yawe Nug heeb, nuhig maɗi nid nug buɗub ele dayaya, buɗub anadkku. Nug dayaya heeb, Yawenu dabmak am ena ma, okkai mekku.

Lewitikas 9:14

Aria, nug gamagppan keeke, amuam oo, biig, gamag, keeke, amu baekkud ele, nug amu oh leppa ihowa, nug awa, manaknu ofa qaɗeppa mewowa, nug qaɗabppa mane ewom.

Lewitikas 10:16

Amu Moses nug ib etta hipunin haknu ofa haknu meeme dawai, nug amunu oɗ me amu, ag aab aɗuppa manappignu amegppa appig. Moses nug aeg doya, Aron bekoɗ daapiɗ ele, Eleasar, Itamar ele amu, nug amu dilahnu oo nauhom. Nug oɗ meum.

2 Stori 29:24

Ag amu heeg, mana mettak danab ag meeme amu baalag otaɗatteg mauheg, ag tiilag ib etta hipunin haknu ofa daakkunu qaɗabppa Yawe medappig. Mana mettak danab ag tiig amu Yawe medappig, amuppa ag heppeg, eheɗ haknu nob nau doɗ amu tiigppa iitta mekkunu Israel danab oh dilagnu elele medakkunu heppig. King nug mana mettak danab ag manaknu ofa, amu ib etta hipunin haknu ofa ele Israel oh dilagnu hekkulagnu aum amunu, ag amu heppig.