Lewitikas 9:12 - Nobonob Baibel

¹² Amu hewowa amu, Aron nug manaknu ofa hekkunu doɗ baag otaɗom. Nug bekkod ag tiig aon mettaeg, nug awa, qaɗab gigin waɗele ohppa tauɗ qettom.

Lewitikas 9:12 Referans Kwoze

Epesus 5:2

Ag nug oo mauhakppa, Kristus Nug ihinignu oo mauhe, Nug nukka Nug bau dayak nuhig ig ehanigkkunu uua, ihinignu mauhom bia oiyeg! Kristus Nug danab ag doɗ main Kayak muttuɗig ena dookkunu medatteb bia, nukka nuhigppa anam heum.

Lewitikas 9:9

Nug bekkod ag tiig aon doeg, nug eppeg doɗo laa me, tiig amuppa no, taula awa, qaɗabnu qeqeɗi waɗeleppa meum. Nug tiig laa oh amu qaɗab diigppa gokkaɗom.

Lewitikas 9:11

Nug maha amu oh qaɗabppa manattom, amge nug teppu, gaɗa ele haen tutu dayaknu aab kalak dimittim, appa manatte ewom.

Lewitikas 9:13

Nug amu ha male amu, ag manaknu ofanu doɗ maha qak, ikki ele oh hubhub aon mettaegeg, nug awa, qaɗabppa maatta mane eoppig.

Lewitikas 10:19

Moses nug anam a amu, Aron nug amegppa aum. “Gemu amu, da bekkalaɗ aa ahilah mana mettak aɗit oh, ib etta hipunin haknu ofa, amu manaknu ofa Yawe toppa hepiɗ. Aɗi keeke gemu dahilppa beum imu antte! Anam amunu, Yawe Nug da gemu ib etta hipunin haknu ofa hak imu teppu lappi, Nug amunu oo ena daakkute?” awa aum.

Lewitikas 9:16

Aria, nug aakku manaknu ofanu doɗ awa, Yawe toppa ukka, amu Yawe nug anam haknu aum, ib amu dim lamitta heum.