Lewitikas 8:36 - Nobonob Baibel

³⁶ Yawe Nug Moses oɗeppa ag anam hekkulagnunab ippuanattom amu, Aron, nug bekkod ele ag anamib heppig.

Lewitikas 8:36 Referans Kwoze

Duteronomi 12:32

Ag haknunab anak da attem imu oh tutukku dabmettan dim lamitteg! Ag nakok laa aib tuɗidppig, maha laa ele aib otaɗppeg neum.

1 Samuel 15:22

Saul nug anam aum, amge Samuel nug eɗua amegppa aum. “Yawe Nug manaknu ofa, amu mana mettak laala elenu oo hette, amge Nug danab ag Nug oɗe dim lamidkkulagnu amu, Nug amunu oo huanaknab hette. Yawe oɗe dim lamittaknu, am mana mettak eɗidtte. Ao, Yawenu nai doon dim lamittaknu, am sipsip dawai ittag mana, Kayak mettaknu eɗidtte.

Duteronomi 4:2

Haknunab anak da ag madattem amu, ag nai laa aon, nai da madittem imu ele aib tuɗidppig; ele amu, ag nai da madittem, ag nai amuppanu nai laa ele aib okkulppig. Iitta. Ag haknunab nai imu, da Yawe, ahilag Kayak, da nuhigppanu madattem amu, ag nai amu dim lamittak aakkuib hekkulag.

Eksodas 40:16

Yawe Nug anam aum, aria Moses nug nai amu doya, nug keeke oh Yawe haknunab aum, nug aumbianab aakku heum.

Eksodas 39:43

Amu ag keeke amu oh akkan uɗieg, Moses nug ag keeke oh Yawe nug amegppa haknunab aumbianab heppig anttom. Nug anam antta, nug ag itattom.

Lewitikas 8:35

Ag aib daulag atiom. Ag mettid haknu peh lag danab ah appa qagmetteb ele, ag lag amunu haɗap-ppa deɗ eblaih aɗit, amun tuqan ele, Nug ag aɗi hekkulagnu aum henan daaglagoitte. Ag ii mauhmananu, ag keeke oh Yawe Nug ag amuppa hekkulagnu aum amu, ag amu hekkulagoitte. Yawe Nug ag anam hekkulagnu da amelppa akkulnunab aum amunu, ag anam hekkulag.

Lewitikas 9:1

Baɗ awak dimppa, deɗ eblaih ewam amuppa, Moses nug Aron, nug bekkod, amu Israel dilag ikki danab ele onilagppa e uɗin, qagmeppig.

Lewitikas 8:9

Nug amu hewowa, nug igippan lamen Aron igippa ma, Yawe Nug Aron tituanom ippunadkkunu at laa golppa hak, amuam Yawenu tituanak daatte amu, nug amu lamen amu noobppa, Yawe Nug anam haknunab aum bianab meum.