Lewitikas 8:3 - Nobonob Baibel

³ dahil mettid haknu peh lag danab ah appa qagmetteb ele, lag amu od oɗeppa do! Diin dona amu, Israel danab ah ohnab appa qagmekkulagnunab appe doyeg!” awa aum.

Lewitikas 8:3 Referans Kwoze

Aposel 2:1

Aria, haen Juda dilag deɗ okkai onig Pentikos, deɗ amu uɗie, laa Jesusnu oolagppa genab dooppig, ag oh aben laippu appa qagmeppig.

2 Stori 30:13

Amu kalam aɗitppa danab ah huanak ag uɗin, Jerusalem appa gamag ahak ele Bret Yis Iitta Lanaknu Hobul Nakokppa daaglagnu qagmeppig.

Sam 22:25

Israel dilag tamaniak oolagppa da na binan mekkul. Ao, da geha genabnab haknu nai ana qakkak dahil dabmein, aun aɗi ag nahipnu ebehilag oh bodoetta le mette ele amu, da ag noolagppa nai amunu meu okkunu hekkul.

Nehemaia 8:1

ag ahan Jerusalem uɗin, ag aɗnu od onig Lenu Od, ag haɗap laa amu guguittak dayomppa qagmena daappig. Ag qagmen daanna, ag yaak danab Esra, nug Ɗo Nai Buk, Yawe Nug nai amu Israel danab ah dim lamidkkulagnunab Moses amegppa a, Moses nug bukppa yom amu, ag Esra nug Mosesnu buk amu awa uɗia, ebqeeb dooglagnu appig.

2 Stori 30:25

Juda danab ah, laa Israel wanppanu uɗippig, Lewi buɗubppan mana mettak danab, Lewi buɗubppan mana mettak danab iitta, wan laihnu danab ag Israel wanppanu, Juda wanppa ele uɗin daappig amu, ag oh ele anam daan, gamag ahak naɗi dooppig.

2 Stori 30:2

King Hesekaia, nuhikkud ehanittak anuqak danab, danab ah Jerusalem daappig ele, ag kalam aɗitppa Pasowanu Hobul hekkulagnu maittak aoppig.

2 Stori 5:6

Mana mettak danab, amu Lewi buɗubppan mana mettak danab iitta ele, ag gona teegeg, Solomon nug, amu Israel danab ag uɗin, nug talilidna daappig ele, ag King Solomon ele oh anuqna ukkaegeg, laa ag Kayaknu Tituanak Nainu Kunup maoppig ele ag dim lamadna uɗippig. Ag anam uɗinna, Solomon, danab ele ag sipsip, makau ele huanaknab, laa ebaqa, bukppa yaakkunu elele iitta manadna, Yawe medappig.

2 Stori 5:2

Amu Solomon nug Yawenu Tituanak Nainu Kunup kontrak inak ele, nug kunup amu Sion, Sion am Dawitnu aab amu, nug appanu awa, Yawenu mettid lag, amuppa mekkunu dabmeum amunu, nug Israel dilag ikki danab, Israel dilag huu okkai anen anen dilag danab okkai oh, amu Israel baekkudppan dilag okkai ele ag nai doon ahan, Jerusalem uɗiglagnu onilagppa eum.

1 Stori 15:3

Dawit nug anam ana he, Israel oh ag Yawenu Tituanak Nainu Kunup aon, Tituanak Nainu Kunup amu daakkun aben Dawit babaittomppa mekkulagnu Jerusalem uɗippig.

1 Stori 13:5

Ag oolag laippu dayom amunu, Dawit nug nai me ukke, Israel danab ah, Israel wan ohppan uɗippig. Yau uɗitteppanu Israel, Isip ele dilah tom am le onig Saiho, aria yawalti uɗitteppanu Israel dilag tom am Lebo Hamat, amu Israel danab ah ag wan oh tom aɗit amu gamalahppa daatte, ag appanu uɗippig. Ag Kayaknu Tituanak Nainu Kunup Kiriat Jearimnu aon uɗiglagnu uɗippig.

Namba 21:16

Anam aakku amu, Israel danab ag Arnon le uuidna, ahan gona, aben onig Ber, appa goppig. Le moɗ amuppa Yawe Nug Moses amegppa aum. “Danab ah diin qagmaadppe, geha da ag le madakkul,” awa aum.

Namba 20:8

“Ahan, nahip dudqak hokkat aoppe, na amap Aron ele oh, aa danab ah qagmatteɗ! Aa ag noolagppa na men ⌊umu⌋ amegppa appe, men nug nuhig le ana gokkaɗeb nekku. Ib amuppa amu, na heppe, le, danab, am ahilkad doɗ ele, ag oh lakkulagnu menppanu elele nekku,” awa aum.

Lewitikas 8:2

“Na gemu Aron, bekkod ele, amu ahilkad mana mettaknu uɗatnu bala ele, aria laittaknu goɗen, ib etta hipunin haknu ofa haknu makau dawai laippu, aria sipsip dawai aɗit, amu kaleg bret yis iitta ele amuppa daatte, amu ele, na amu oh diin,

Lewitikas 8:4

Yawe anam aum amunu, Moses nug Yawenu nai dim lamitta he, danab ah ohnab ag mettid haknu peh lag danab ah appa qagmetteb ele, ag lag amu odppa qagmeppig.

Namba 8:9

Amu na Lewi buɗubppan mana mettak danab iitta diin, dahil mettid haknu peh lag danab ah appa qagmetteb ele, ag peh amu odppa dona, maadppe daappeg, amu na heppe, Israel danab ah oh ele laippu tamanin dayeg!

Lewitikas 14:11

Diia wab, mana mettak danab nug danab laa Kayak ele ouqeya daaglahnu elele atte, mana mettak danab amu nug danab Kayak ele ouqeya daaglahnu bekkun daatte, aria keeke nug mana, Kayak mettaknu diia waum ele amu, nug amu oh akka, danab amu omala, mettid haknu peh lag danab ah appa qagmetteb ele, lag amu odppa, Yawe noobppa maadkku.