Lewitikas 8:2 - Nobonob Baibel

² “Na gemu Aron, bekkod ele, amu ahilkad mana mettaknu uɗatnu bala ele, aria laittaknu goɗen, ib etta hipunin haknu ofa haknu makau dawai laippu, aria sipsip dawai aɗit, amu kaleg bret yis iitta ele amuppa daatte, amu ele, na amu oh diin,

Lewitikas 8:2 Referans Kwoze

Hibru 7:27

Jesus Nug am mana mettak ikki danab anukkanu, ag deɗ oh doɗ main, Kayak Nug hipunin ahilag tatam uhuqa mattowa, danab dilag ele uhuqa madakkunu medappig bia ii hette. Nug uɗat nuhig anam iitta. Kayak Nug danab ah dilag hipunin uhuqa madakkunu, Jesus Nug haen laippu aakkuib Nug nukka Nug beɗu oh Kayak mettom amunu Nug baula ii hema.

Eksodas 39:41

Aria, keeke laa ag aon uɗippig am, lamen akkakppa hak, lamen amuam Yawenu tituanak daatteb, mana mettak danab Aron, nug bekkod ele, haen ag Yawenu mettid haknu peh lagppa Yawenu ɗo maɗoɗnu uɗat henana, mekkulagnu daatteb.

Eksodas 28:40

Am laa amu, danab ah ag Aron bekkod ele dilagnu, ag am dagom danab, binalag ele dooglagnu amu, ag amu dilag lamen nakok elab, imuagppan lamen, amu igippan lamen ele akkeg!

Eksodas 28:1

Aria, Yawe Nug nai amu tuɗitta inam aum. “⌊Dimppa na eɗun gona,⌋ na Israel oolagppanu na awan Aron, nug bekkod nid danab, ag am Nadap, Abihu, Eleasar am Itamar ele amu, ag dahil mana mettak danab daaglagnu otiadkkutnu, na ag onilagppa eppe, na gumidna uɗieg!

Lewitikas 6:10

Wagɗeb buttua mana mettak danab nug linen lamen gaɗappanu takka, nug amu qaɗeppan lamen linenppa hak ele takkowa, amu nug manaknu ofa hak, uhuɗ amu awa, qaɗab guguittak mekkuoitte.

Lewitikas 8:1

Amu Yawe Moses amegppa aum.

Lewitikas 8:3

dahil mettid haknu peh lag danab ah appa qagmetteb ele, lag amu od oɗeppa do! Diin dona amu, Israel danab ah ohnab appa qagmekkulagnunab appe doyeg!” awa aum.

Lewitikas 8:10

Aria, Moses nug laittaknu goɗen awa, mettid haknu peh lag, amu keeke oh ooppa daatte ele, nug amu oh goɗen gokkaɗakppa tituanak heum. Nug anam heehe, keeke amu oh Yawenu tituana mettak daappig.

Lewitikas 8:18

Moses anam hewowa amu, nug sipsip dawai laa, manaknu ofa haknu awa, Yawe gumitta wana, Nug mette, Aron, nug bekkod ele ag eppelag igippa meppig.

Lewitikas 8:22

Aakku Moses nug sipsip dawai laa amu awa, Yawe gumitta wana, Nug mettom. Sipsip dawai amuam baɗ awaknu epeɗiak. Aron, nug bekkod ele ag eppelag igippa meppig.