Lewitikas 7:8 - Nobonob Baibel

⁸ Am manaknu ofanu amu, doɗ amu gaɗa am mana mettak danab nug mana mettak amu hette ele, am nuhig daakku.

Lewitikas 7:8 Referans Kwoze

Rom 13:14

Ag amu oh aib heppig. Ag Naɗi Jesus Kristus ele ouqena, nuhig kobol ele aon oiyeg! Am ag beɗulagnu dabmak nau dim lamidkkulagnu aib dabmeppig.

Namba 19:5

Elieser nug neekkebeb amu, laa nug makau balat am maneb eokku. Nug gaɗa, teppu, oo, biig ele, tiig, keeke ele oh manatteb eokku.

Lewitikas 4:11

Mana mettak danab nug anam aakku hekku, amge nug aben dubuttid iitta ele, haen tutu dayaknu aab kalak dimittim, nug appa makau gaiɗ huppu laa oh akka gokku. Amuam, makau gaiɗ gaɗa, teppu, ikki, baekkud, gamagppan keeke, oo, biig, uɗuag, am keeke laa oh ele. Nug akka ukka, aben ag uhuɗ gokkaɗttebppa appa, nug aab aɗuppa maneb ewa, uhuɗ mekku.

Lewitikas 1:6

Amu ofa mameg nug doɗ gaɗa tola, teppu tuqeb, huppu huppu nekku.

Eksodas 29:14

Amge makau teppu, gaɗa, biig, biig ooppan biilag amu, na amu oh haen tutu dayaknu aab kalak dimittim aab aɗuppa manappe ewaɗ! Makau amuam ib etta hipunin haknu ofa.

Genesis 3:21

Dimppa Yawe Kayak Nug doɗ gaɗappa lamen ha mate takkaeh, Nug aum.

Lewitikas 7:7

Ib etta, hipunin haknu ofa, aria eheɗ haknu ofa ele amu, mana mettak aɗit amunu doɗ teppu am mana mettak danab aun nug doɗ amuppa, eheɗ haknu nob nau doɗ amu tiigppa iitta meeb elele medakkunu hette amu, teppu amuam nuhig.

Lewitikas 7:9

Am ee aegnu ofa oh, am manaknu tappiɗppa babaittakte, o aen mahappa manakte, amu oh am mana mettak danab aun nug awa uɗia, Yawe medatte, am nuhig aakku.

Duteronomi 18:8

Am Israel danab ah ag mana mettak hekkulagnu doɗ keeke aon dona, mana mettak heppig, am maha attem am mana mettak danab aoglagnu daatte, nug amu lakkunu elele. Amu nug anig mameg aɗi, ag men doɗo keeke meppeg, nuhigppa uɗikku dayeb amu, amu ele nuhig daakku.