Lewitikas 7:14 - Nobonob Baibel

¹⁴ Nug bret diig anen anen laib laib amu awa dokkuoitte. Nug akka ukka, Yawe, nuhig daakkunu hamu metteb amu, amuam geha mana mettak danab nug Yawe amegppa, ‘Ena heme,’ anaknu, Nug ele laippu dayaknu ofa amu haaha, doɗ mana Yawe medatte, nug doɗ amu tiig awa, qaɗab tauɗ qedatte ele amu, bret amuam nug, nuhig daakkuoitte.

Lewitikas 7:14 Referans Kwoze

Namba 18:19

Gemu digma ukkak, Israel ag mana mettak hena, ag amu aon, da, Yawe, ag da meɗatteb, mana mettak amu ag dahilnu tituanak daatteb ele amu, geha laih ahilag daakkunu ami ele amu, laih amuam da ag, ag bekkalkad, amu ag aɗelkad ele, ahilag hanhan daakkunu madattem. Nai imuam dahil nug tituana nai qakkak tuqa awak laa iitta ele, amu ag, ag buɗulkad ele, ahilagppa daakku, am iitta ii mema,” awa aum.

Namba 31:41

Moses nug mana mettak danab Eleasar keeke imu takis daden mak bia Yawenu daakkunu otia mettom. Amuam Yawe Nug Moses amegppa anam hekkununab aum bia heum.

Namba 31:29

Takis bia daden mak amu daup dilagppanu aona amu, mana mettak danab Eleasar mettaglag. Amuam da, Yawe, dahilnu laih aakku.

Lewitikas 6:26

Am mana mettak danab aun nug ib etta hipunin haknu ofa hekku amu, nug, ⌊mana mettak danab laa ele, ag⌋ mettid haknu peh lag danab ah appa qagmetteb ele, ag lag amunu haɗap-ppa appa daanna lakkulagoitte. Aben amuam Kayaknu tituanak daatte amunu, ag appa lakkulagoitte.

1 Korint 10:18

Israel buɗub, danab amu ag hetteb, ag amu dabmekkulag. Israel ag doɗ main Kayak medatteb amu, ag amunu laih lanana, ag qaɗabppanu laih amu iite aotteb?

Duteronomi 18:8

Am Israel danab ah ag mana mettak hekkulagnu doɗ keeke aon dona, mana mettak heppig, am maha attem am mana mettak danab aoglagnu daatte, nug amu lakkunu elele. Amu nug anig mameg aɗi, ag men doɗo keeke meppeg, nuhigppa uɗikku dayeb amu, amu ele nuhig daakku.