Lewitikas 7:1 - Nobonob Baibel

¹ Nai imuam eheɗ haknu ofa haknu ɗo iikku. Mana mettak amuam Yawenu tituanaknab daatte.

Lewitikas 7:1 Referans Kwoze

Lewitikas 6:25

“Na Aron, bekkod ele amelagppa nai imu appe doyeg!” awa aum. ⌊Nug anam a amu, Moses nug Aron, bekkod ele amelagppa inam aum.⌋ “Imuam ib etta hipunin haknu ofa dim lamitta haknu nai. Am ib etta hipunin haknu ofa haknu doɗ awa doak amu, ag doɗ amu aben ag manaknu ofa hekkulagnu baag otaɗtteb, ag aben amuppa, Yawe noobppa baag otaɗkkulagoitte. Mana mettak amuam Kayaknu tituanaknab daatte.

Lewitikas 6:17

Ag plaua amu mainna, ag yis ele ii kabolimnanu, ag dabmenan hekkulagoitte. ⌊Yawe atte,⌋ ‘Da Yawe, da danab ah ag ee aegnu ofa, da meɗaglagnu dahilppa aon uɗippeg, da mana mettak danab ag ahilag ee daakkunu maha amu ag mattami,’ awa atte. Mana mettak amuam aab aɗunu ofa. Amuam ib etta hipunin haknu ofa, amu eheɗ haknu ofa ele, aa Kayaknu tituanaknab daattep, amubia ee aegnu ofa maha Aron, bekkod dilag amu, amu ele amubia aakku.

Lewitikas 5:14

Amu Yawe Nug Moses amegppa aum. ⌊“Na Israel amelagppa nai imu appe doyeg!” awa aum. Nug anam a amu, Moses nug Israel amelagppa inam aum.⌋

Esekiel 46:20

Nug amu ippuniɗa, nug da amelppa aum. “Aben imuppa mana mettak danab ag eheɗ haknu ofanu teppu, amu ib etta hipunin haknu ofanu teppu ele, da ag mattami amu, ag imuppa battin, amu ag ee aegnu ofa laih da ag mattami ele, ag aben imuppa maiglag. Ag amu hekkulagnu diig am, ag keeke amu aon gona, Israel danab dilag haɗap-ppa danab ah daattebppa oippeg, appa danab laa nug keeke amu ii doyaya aɗeb, nug Kayaknu daakkunu tituana mettak daakku amunu, nug anam daamanu, ag imuppa hekkulag,” awa aum.

Esekiel 44:29

Mana mettak danab ag Israel danab ah dilag ee aegnu ofanu aeg, amu ib etta hipunin haknu ofanu teppu laa, amu eheɗ haknu ofanu teppu laa ele aon lakkulag. Ag amu lakkulag, amu aɗi keeke Israel ooppa Yawenuib nuhig pelemppa daatte ele amu, amuam ele mana mettak danab dilag aakku.

Esekiel 40:39

Oo amuppa amu balal waɗele daatteb; aɗit am oo laihppa daattep, aɗit laa am laih daattep. Amu ag balal amuppa manaknu ofanu doɗ teppu, ib etta hipunin haknu ofanu doɗ teppu, amu eheɗ haknu ofanu doɗ teppu ele meppig.

Namba 6:12

Ele amu, nug baula digma, haen gane tatam epeɗia, haen amuppa nug Nasarait daakkunu tituanom amu, nug baula anam hekkunu, nug Yawenu tituana mettak daakkunu, nug nukka nug tituankkuoitte. Nug anam hekkunu amu, nug hipunin uhuqaknu sipsip gaiɗ maɗ laippu awak ele laa awa ukka, eheɗ haknu ofa haɗ! Amu tatam haen nug Nasarait oiyom amu, haen amuam haen bau imunu ebqak ooppa ii daama. Iitta. Nug baula digmekku. Amunu diig am, haen nug Nasarait oiyom amu, haen amu gamagppa keeke laa ba he, nug Yawenu neekkakppa, nug ooppa dubuttid tak ele dayom.

Lewitikas 21:22

Nug amu ii hema me, nug Kayaknu mana mettak hak, laa Kayaknu tituanak daatteb, laa Kayaknu, tituanaknab daatteb amu, nug amu lakku.

Lewitikas 5:11

Laa nug uppuɗil beɗulag nakok aɗit, o uppuɗil beɗulag okkai nag aɗit awa, anam hekkunu elele iitta daakku dayeb amu, nug hipunin heumnu, nug 1 kilogram plaua enanag, ib etta hipunin haknu ofa haknu awa wakkuoitte. Amuam ib etta hipunin haknu ofa amunu, nug olip goɗen amuppa ii mekkuoitte, o kalu danab ile muttuɗig enanag bette ele amu daugppa ii mekkuoitte.

Lewitikas 5:8

Nug mana mettak danab toppa awa uɗikkuoitte. Nug awa uɗieb, mana mettak danab nug ai laippu laa ib etta hipunin haknu ofa hekkunu ai laa mana, Kayak medakku. Mana mettak danab nug baag itoɗikku, amge ii otaɗa aoma.

Lewitikas 5:7

Danab nug sipsip laa awa wakkunu elele iitta dayeb amu, nug uppuɗil beɗulag nakok aɗit, o uppuɗil beɗulag okkai nag aɗit, nug amuppa hipunin heumnu mana mettak haknu awa, Yawe toppa wakkuoitte. Ai laa am ib etta hipunin haknu ofa dayeb, laa am manaknu ofa daakku.

Lewitikas 5:15

“Aun nug Yawe ippunittomnu oo metta ii uuak kobol ii dim lamitta, nug ii doyaya ib apiɗitta, aɗi keeke laa, amu Yawenu tituanak daatte amu, nug Yawe medakkunu daatte ii medatte, nug hipunin aakku hette. Laa anam hekku amu, nug aakku hipunin heum daakku amunu, nug sipsip dawai laa eheɗ haknu ofa haknu awa, Yawe toppa wakkuoitte. Doɗ amu nug beɗuppa eheɗ laa iitta ele daakku, amu doɗ amu nug doɗ ena laa silwappa daden metteb, am nuhig noob am, amubia daakkuoitte. Silwa amunu uug am, mana mettak lagnu melemel bia dayaɗ! Amuam eheɗ haknu ofa aakku.

2 Stori 31:14

Ag amu heegeg, Imna bekka Kore, nug Lewi buɗubppan mana mettak danab iitta, ag oolagppanu, nug Yawenu mettid lagnu aɗ od kaɗag uɗitteppanu daattenu gumak okkai amu, nug Israel danab ah ɗo hamu mettaknu ofa aon uɗin, amu keeke Israel danab ah ag Yawenu daakkunu tituanna, Nug medappig ele aon uɗippig, nug amu oh gumaama, nug keeke amu oh mana mettak danab, amu Lewi buɗubppan mana mettak danab iitta, ag ele, nug ahilagnu otiatta mattom.