Lewitikas 6:26 - Nobonob Baibel

²⁶ Am mana mettak danab aun nug ib etta hipunin haknu ofa hekku amu, nug, ⌊mana mettak danab laa ele, ag⌋ mettid haknu peh lag danab ah appa qagmetteb ele, ag lag amunu haɗap-ppa appa daanna lakkulagoitte. Aben amuam Kayaknu tituanak daatte amunu, ag appa lakkulagoitte.

Lewitikas 6:26 Referans Kwoze

Hosea 4:8

Haen danab ah ag hipunin hetteb amu, ag hipunin heppignu mana mettak hetteb. Ag anam heegeg amu, mana mettak danab ag ahilag ee amuppanu aɗadna diitteb. Ag ee aɗadkkulagnu daatteb amunu, danab ag nau heeg, ag gamalag ahatte!

Esekiel 46:20

Nug amu ippuniɗa, nug da amelppa aum. “Aben imuppa mana mettak danab ag eheɗ haknu ofanu teppu, amu ib etta hipunin haknu ofanu teppu ele, da ag mattami amu, ag imuppa battin, amu ag ee aegnu ofa laih da ag mattami ele, ag aben imuppa maiglag. Ag amu hekkulagnu diig am, ag keeke amu aon gona, Israel danab dilag haɗap-ppa danab ah daattebppa oippeg, appa danab laa nug keeke amu ii doyaya aɗeb, nug Kayaknu daakkunu tituana mettak daakku amunu, nug anam daamanu, ag imuppa hekkulag,” awa aum.

Esekiel 42:13

Lag aɗit amu aakku anam daattep, amu danab nug melemel meum ele nug da amelppa aum. “Lag aɗit amu oh aa Kayaknu tituanak daattep. Lag aɗit amuppa mana mettak danab ag Yawe toppa gotteb ele, ag amuppa ofa Kayaknu tituanaknab daatteb lakkulag. Lag amunu oo oh am Kayaknu tituanak daatteb amunu, mana mettak danab ag mana mettaknu ee aeg, le, doɗ teppu ⌊ag lakkulagnu⌋ Kayaknu tituanaknab daatte amu, ag amu aguppa mekkulag. Mana mettak amuam ee aegnu ofa, ib etta hipunin haknu ofa, amu eheɗ haknu ofa ele.

Lewitikas 6:16

Plaua eppeg laippuppa appuom amu, plaua amu manak malak, plaua biig laih oh am Aron, bekkod ele dilagnu ee daakku. Plaua amuppa bret yis iitta hak dimppa, ag mettid haknu peh lag danab ah appa qagmetteb ele, lag amu haɗap-ppa, aben amuam Yawenu tituanak daatte amu, ag appa lakkulagnu daakkuoitte. Aben amuam Kayaknu tituanak daatte amunu, ag appa lakkulag.

Eksodas 40:33

Moses nug amu oh ha malowa, nug mettid haknu peh lagnu haɗapnu aɗ ⌊lamenppa hak⌋ mettid haknu peh lag amu, mana mettaknu qaɗab ele taliliat-tte ele amu, nug aɗ amu qappowa, nug haɗapnu od oɗenu lamen ele aihom. Moses nug amu oh ha male, qappak uɗat amu aakku iitta meum.

1 Korint 9:13

Ag imu iite dootteb? Danab ag Kayaknu mettid lakka uɗat hetteb ele, ag ahilag ee Kayaknu mettid lakkanu aotteb. Amu danab ag doɗ mana Kayak mettaknu uɗatnab hetteb ele, ag qaɗabppanu ee aotteb.

Lewitikas 6:17

Ag plaua amu mainna, ag yis ele ii kabolimnanu, ag dabmenan hekkulagoitte. ⌊Yawe atte,⌋ ‘Da Yawe, da danab ah ag ee aegnu ofa, da meɗaglagnu dahilppa aon uɗippeg, da mana mettak danab ag ahilag ee daakkunu maha amu ag mattami,’ awa atte. Mana mettak amuam aab aɗunu ofa. Amuam ib etta hipunin haknu ofa, amu eheɗ haknu ofa ele, aa Kayaknu tituanaknab daattep, amubia ee aegnu ofa maha Aron, bekkod dilag amu, amu ele amubia aakku.

Lewitikas 6:29

Mana mettak danab baegppan amu, amuppan danab oh ag mana mettak amu lakkulagnu elele. Amuam Kayaknu tituanaknab daatte.

Lewitikas 7:7

Ib etta, hipunin haknu ofa, aria eheɗ haknu ofa ele amu, mana mettak aɗit amunu doɗ teppu am mana mettak danab aun nug doɗ amuppa, eheɗ haknu nob nau doɗ amu tiigppa iitta meeb elele medakkunu hette amu, teppu amuam nuhig.