Lewitikas 6:22 - Nobonob Baibel

²² Mana mettak ikki danab bekka, nug mameg abenab aokkunu daatte, haen nug digma, mana mettak danab abenab awa daakku amu, nug deɗ nug goɗen laittakppa tituanak aotte, deɗ amuppa nug mana mettak amubianab ele hekkuoitte. Amuam oh Yawe tituana aum bia, nuhig daatte amunu, maneb iitta mekkuoitte.

Lewitikas 6:22 Referans Kwoze

Hibru 7:23

Aria, anukka mana mettak danab kuɗum ag daaeg uɗiom. Aɗinu? Ag am danab aakkuib, ag mauhadppig amunu, ag hanhan anamib daaglagnu elele iitta.

Aisaia 53:10

⌊Ag Yawenu maɗi nidnu anam ii helob⌋, amge ⌊ihinig hipunin uhuqkkunu ib laa iitta amunu,⌋ Yawe Nug nuhig maɗi nid nug amu maokkunu aum. Yo, ⌊ihinig hipunin uhuqkkunu ib laa iitta amunu,⌋ Yawe Nug ag nuhig maɗi nid guittak anam mettaglagnu ib babaittom. Yawe Nug he, nuhig maɗi nid nug eheɗ haknu ofa dayom amunu, Yawe Nug heeb, nuhig maɗi nid nug buɗub ele dayaya, buɗub anadkku. Nug dayaya heeb, Yawenu dabmak am ena ma, okkai mekku.

Duteronomi 10:6

Aakku Israel danab ah ag Jakan buɗub dilag le moɗppanu ahan, Mosera goppig. Am Aron nug Mosera appa mauhe, appa boumppig. Nug bekka Eleasar nug mameg abenabppa mana mettak ikki danab dayom.

Lewitikas 8:21

Amge Moses nug tatam gamagppan keeke, amuam oo, biig, uɗuag, keeke amubia, amu baekkud ele oh leppa ihalattowa, nug qaɗabppa sipsip dawai amu oh manaknu ofa ha manom. Amuam Yawe mettaknu aab aɗunu ofa aakku. Mana mettak amunu muttuɗignu, Yawe Nug ooppa ena dootte. Imu oh amu Yawe Nug Moses anam hekkununab aum bia heum.

Lewitikas 4:3

Laa amu hekku, nug mana mettak ikki danab daatte dayeb, nug Israel oh ag hipunin hekkulagnu elele daatteb bia hipunin hekku dayeb, nug Yawe toppa makau gaiɗ laa, ib etta hipunin haknu ofa daakkunu, beɗuppa eheɗ laa iitta ele amu awa, Yawe gumitta ukka, Nug medakuoitte.

Lewitikas 3:17

Ag ittagte, o tiigte amu iinab lakkulagoitte. Ɗo imu buɗub buɗub doobob, ahilagnu hanhan daakkunu daatte.” Moses nug anam aum.

Lewitikas 6:21

Ag plaua, olip goɗen ele kabolin autna aona, aen mahappa manona, ag panappeg naunau neeb, amu ee aegnu ofa daakkunu, ag aon, Yawe gumidna wana, Nug mettaglagoitte. Ag anam hekkulag amu, Yawe Nug mana mettak amunu muttuɗignu ooppa ena dookku.

Lewitikas 6:23

Mana mettak danab dilag ee aegnu ofa oh am anam maippeg, iittanab mekkuoitte. Maha nakoknab laa am lanaknu laa iinab daama,” awa aum.

Lewitikas 4:24

Nug eppeg meeme dawai amu igippa mewowa, aben manaknu ofa baag otaɗttebppa ele, appa Yawe noobppa baag otaɗkkuoitte. Amuam ib etta hipunin haknu ofa aakku.

Lewitikas 6:10

Wagɗeb buttua mana mettak danab nug linen lamen gaɗappanu takka, nug amu qaɗeppan lamen linenppa hak ele takkowa, amu nug manaknu ofa hak, uhuɗ amu awa, qaɗab guguittak mekkuoitte.

Lewitikas 6:11

Nug anam hewowa, nug bala meum uɗowa, nug bala hanhan mette ele amu ma, uhuɗ amu awa ukka, haen tutu dayaknu aab kalak dimittim, appa aben dubuttid iitta eleppa mekkuoitte.

Hosea 4:8

Haen danab ah ag hipunin hetteb amu, ag hipunin heppignu mana mettak hetteb. Ag anam heegeg amu, mana mettak danab ag ahilag ee amuppanu aɗadna diitteb. Ag ee aɗadkkulagnu daatteb amunu, danab ag nau heeg, ag gamalag ahatte!