Lewitikas 6:19 - Nobonob Baibel

¹⁹ Yawe Nug imu ele Moses amegppa a, ⌊nug Israel danab ah amelagppa mattiom⌋.

Lewitikas 6:19 Referans Kwoze

Eksodas 29:2

Na amu diin, na wit plaua enanag ele aon, na plaua laih laappa bret yis iitta hena, amu na plaua amu laih laappa na bret batappatak, yis iitta, goɗen ele kaboliak hena, amu na plaua amu laih laappa na bisket teppu iitta, yis iitta hena, goɗenppa laitte!

Lewitikas 6:18

Mana mettak danab ag Yawe mettaknu aab aɗunu ofa hadatteb ele, amu maha laa am ahilag daakkunu tituanak daatte amunu, Aron buɗubppan danab aun nug ee aegnu ofanu maha amu lakkun elele, gemu, buɗub buɗub doobob, hanhan ele. Aun laa, o aɗi keeke laa ee amu lauɗidtte amu, ee amu heeb, nug Yawenu tituanak ba daakku,” awa aum.

Lewitikas 6:20

“Deɗ Aron bekkod ele ag mana mettak danab daaglagnu goɗen gokkaɗakppa tituanak aoglag, deɗ amuppa ag mana mettak inam hekkulagoitte. Ag 1 kilogram plaua enanag, ee aegnu ofanu aon, Yawe toppa uɗiglag. Ag maha laih amu buttua mana mettak hewona, maha laih amu tueb mana mettak hekkulagoitte.

Lewitikas 6:9

“Na Aron bekkod ele amelagppa haknunab nai imu appe doyeg!” awa aum. ⌊Nug anam a amu, Moses nug Aron bekkod ele amelagppa inam aum.⌋ “Ag manaknu ofa uuppeg, qaɗabppa dayebeb, aab ewebeb ukka, wakkaɗkkuoitte.

Lewitikas 10:18

Am laa nug doɗ amu tiig awa, lag ooppa Oo Gun Eleppa ii noum amunu, da ag anam hekkulagnunab ami bia, ag doɗ teppu amu aben Kayaknu tituanak daatte imuppa lalob,” awa aum.

Namba 18:9

Ag mana mettak maha dahilnu tituanaknab daatte laih aab aɗuppa ii managlag, danab ah ag da meɗaglag ele amu, laih amuam ahilag daakku. Israel danab ah ag mana mettak attem attem aon, dahilnu tituanaknab dayebeb meɗaglag, amuam ee aegnu ofa, o iitta ib etta hipunin haknu ofa, o iitta eheɗ haknu ofa amu, ag mana mettak amu laa aon wakkulag dayeb, ag aɗi keeke laa maha laa ii manak ele amu, amuam na, na begapad ele, ahilag.

Namba 18:27

Israel danab laa aun nug ee aeg mumuɗaknu abenppanu ee aeg bau, o iitta, grep meu tappa leppu awaknu abenppanu wain bau Yawe mette aotte, amubia ag Lewi buɗub, Israel laa ag ag keeke madatteb, ag amu oolagppan maha laippu Yawe mettaglag, am anambia daakku.

Esekiel 42:13

Lag aɗit amu aakku anam daattep, amu danab nug melemel meum ele nug da amelppa aum. “Lag aɗit amu oh aa Kayaknu tituanak daattep. Lag aɗit amuppa mana mettak danab ag Yawe toppa gotteb ele, ag amuppa ofa Kayaknu tituanaknab daatteb lakkulag. Lag amunu oo oh am Kayaknu tituanak daatteb amunu, mana mettak danab ag mana mettaknu ee aeg, le, doɗ teppu ⌊ag lakkulagnu⌋ Kayaknu tituanaknab daatte amu, ag amu aguppa mekkulag. Mana mettak amuam ee aegnu ofa, ib etta hipunin haknu ofa, amu eheɗ haknu ofa ele.