Lewitikas 6:1 - Nobonob Baibel

¹ Yawe Nug Moses amegppa tuɗitta aum. “⌊Na Israel danab ah amelagppa nai imu appe doyeg!” awa aum. Nug anam a amu, Moses nug Israel amelagppa inam aum.⌋

Lewitikas 6:1 Referans Kwoze

Eksodas 22:7

Danab laa nug men doɗo nug layag gumakkun metteb gumebeb, aria yab danab laa nug men doɗo amu yab aweb, dimppa ag yab danab amu mattin anidppeg, yab danab nug men doɗo amu oh nob mekkunu, nug keeke awom bia, nug aɗit amubia mettaɗ!

Lewitikas 5:19

Amuam eheɗ haknu ofa aakku. Amu danab nug mana mettak amu hekkunu diig am, nug Yawenu keekeppanu ɗo laa tippalom amunu, nug beɗuppa aab ele. Nug Yawe, nuhigppa hipunin heum,” awa aum.

Lewitikas 6:2

“Laa nug Yawe ippunittomnu oo metta ii uuak kobol ii dim lamitta, hipunin imu laa qekkutai: Nug laa dilag keeke, nug atognotte ele, nug amunu hambuppuak laa hekkutai, o nug aɗi laa hekkunu ana nai qakkom, nug amunu hambubukkutai, o nug keeke laa yab aokkutai, o nug laanu keeke nai mattiak nauppa, o ib eheɗ laappa aokkutai.

Lewitikas 19:21

Amge danab nug aakku hipunin heum. Nug hipunin heum amunu, nug eheɗ haknu ofa hekkuoitte. Nug amu hekkunu, nug sipsip dawai laa mettid haknu peh lag danab ah appa qagmetteb ele, nug lag amu odppa Yawe medakkunu awa uɗikkuoitte.

Eksodas 20:15

Na yabhok aib heme.

Eksodas 22:1

“Am laa amu, danab laa nug danab laanu makau okkai ebehi ele, o sipsip yab awa, qeeb mauhkku dayeb, o nug heeb, danab laa daden mekku dayeb amu, aria ag heppeg, nug doɗ amu mameg nug makau okkai ebehi ele yab awomnu nob am makau tanig ele metta, o nug sipsip yab awomnu nob amu, nug sipsip waɗele doɗ mameg mettaɗ!

Lewitikas 7:33

Ag tuɗi naɗiap amu hanhan aoppeg, teppu amuam mana mettak danab, Aron buɗub aun nug laippu dayaknu ofappan tiig qaɗabppa tauɗowa, ittag ele mana Kayak medatte amu, teppu amuam nuhig daakkuoitte.

Luk 19:8

Aria Sakius aha hibaitta, Jesus amegppa aum. “Naɗi, gemu da dahil keeke oh gamagppanab oppaten, laih awe, daɗek danab madakkul. Amu da danab laa hambuppuitten, nuhig keeke yab aomi dayeb amu, da yab awak amu qaɗeppa ewam amubia laa ele nug medakkul,” awa aum.