Lewitikas 4:20 - Nobonob Baibel

²⁰ Nug ib etta hipunin haknu ofa, mana mettak ikki danab hipunin hewowa heum, amubia hekku. Mana mettak amuppa amu, mana mettak danab nug heeb, eheɗ haknu nob nau doɗ tiigppa iitta meeb elele medakku. Kayak Nug hipunin uhuqa madakku.

Lewitikas 4:20 Referans Kwoze

Namba 15:25

Mana mettak danab nug Israel dilag eheɗ haknu nob nau doɗ tiigppa iitta meeb elele medakkunu, nug mana mettak anam aakkude haɗ! Nug anam heeb amu, Yawe Nug hipunin ahilag uhuqa madakku. Nug hipunin ahilag uhuqa madakkunu diig laa am, ag hipunin ii doonna heppig. Am diig aɗit laa am, ag aab aɗunu ofa hena, ag ib etta hipunin haknu ofa ele heppig.

Lewitikas 12:8

Am ah laa nug sipsip laa awa dokkunu elele iitta dayeb amu, nug uppuɗil beɗulag nakok aɗit, o uppuɗil beɗulag okkai nag aɗit awa dokkuoitte. Laa amu manaknu ofa haknu, laa amu ib etta hipunin haknu ofa daakku. Ib amuppa, mana mettak danab nug doɗ amu mana, Yawe metta, nug heeb, ahnu eheɗ haknu nob nau doɗ amu tiigppa iitta meeb elele medakku, amu ah amu nug Yawenu neekkakppa oppiak daakku,” awa aum.

1 Jon 2:2

Nug ad emaitakppa mana mettak bia dayaya, ihinig eheɗ haknu nob nau Nug tiigppa iitta mekkunu he elele mettom. Amge Nug ihinignuib anam ii heum. Iitta. Nug danab ah wan atu ohppa daatteb ele amu, Nug amu dilagnu ele heum.

1 Jon 1:7

Amge Nug nukka amahlakppa daatte, amubia ig amahlakppa oittem dayeb amu, ig oh nug oo laippu ele nug doya dayakppa daattem, amu Nug Bekka Jesus, Nug tiig ihinig hipunin oh mihehe, ig oppiak daattem.

Hibru 9:14

amge gemu, ig Kayak bauklel ele waappa daat Nug oɗe dim lamidkkunignu ig Kristus tiigppa genab oppiaawak daagnignu elelenab. Aɗinu? Kristus Nug beɗuppa eheɗ laa iittanab, Nug Kayak Ouɗi hanhan daatte ele, nuhig ɠagattagppa, Nug nukka Nug beɗu, mana mettak bia, Kayak mettom amunu, Nug tiig ig beɗunigib ii ihom. Iitta! Ig Kayak bauklel waappa daat, nuhig uɗat hekkunignu Nug tiigppa ihinig hak nau, hak amuam danab mauhakppa omaladna gotteb amu, am hak nau amu oh uhuqa mekkak daatteb.

Hibru 2:17

Amunu, diig amunu, Nug Kayak noobppa oo gai-iitta doya oo metta ehanittak kobol, oo metta ii uuak kobol ele dim lamata mana mettak ikki danab daakkunu, amu Nug danab dilag hipuninnu eheɗ haknu nob nau Nug tiigppa iitta mekkunu heeb elele medakkunu elele daakkunu, Nug ib ohppa Nug laikkud bia bekkununab dayom.

Hibru 1:3

Aam lettod ye, amahlak amia ukke, danab ah anidtteb, amubia Kayak Bekka Nug Kayak binag amahlak oppiaawak ele he, danab ah anidtteb, amu Nug Mameg daatte, amubianab daatte. Nug keeke oh nuhig naippa ɠagattag aqadtte. Nug nuhig mauhakppa Nug danab dilag hipunin uhuqa mattaknu ib ooɗom. Nug ib amu ooɗowa, Nug eɗua hab aabppa ta, Nug Kayak, Nug dagom onig ɠagattag ele, Nug Nug eppeg naɗiap-ppa daatte.

Galesia 3:13

Ɗo ig eheɗ laa awaknu anak waappa daattemnu atte, amge Kristus Nug Kayak naippa yaak, “Danab oh ag ad attan aihadtteb ele, danab amu ag eheɗ laa awaknu anak waappa daatteb,” Nug nai amu attenu qagaiettak awa, amuppa Nug qagaiettak amuppanu eɗua uhuqak ha megakka, nob nau amu awa ehanikkom.

Rom 5:11

Amuib iitta, ihinig Naɗi Jesus Kristus Nug he, ig Kayak ele oonig laippu ele daattem amunu, uɗat nuhig amuppa gemu ig Kayaknu maɗoɗppan gamag ahak doottem.

Daniel 9:24

Kayak Nug nahipad danab ah Israel, ag daanna anidkkulagnu, nahip aab okkai Kayaknu tituanak daatte, Jerusalem, amu tonakkunu, Nug haen maha 70 ba gokkunu ɗo laa aakku meum. Haen maha 70 amu bekkunu diig anen anen am inam: Haen maha amuppa Kayak Nug heeb, danab ah ag nai tappe nak kobol uuglag. Nug heeb, ag tuɗidna hipunin ii hemana. Nug eheɗ haknu nob nau nuhig ehanittak okkaippa iitta mekkunu heeb elele medakku. Nug heeb, kobol genab tutukku hanhannu bekku. Nug heeb, nuhikkud danab ag tulegleg genabppa aɗi aɗi keeke anidppig, propet ag dimppa bekkunu nai madippig ele amu, keeke amu oh meu okku. Amu Nug heeb, aben laa tituanaknab daakku.

Namba 15:28

Mana mettak danab nug danab amunu eheɗ haknu nob nau doɗ tiigppa iitta meeb elele medakkunu Yawe noobppa, mana mettak anam aakkude haɗ! Am mana mettak danab nug eheɗ haknu nob nau doɗ tiigppa iitta meeb elele medakkunu doɗ anam mana, Yawe metteb amu, Yawe Nug danab amunu hipunin, nug doyaya ii heum ele amu, Nug hipunin amu uhuqa medakku.

Lewitikas 14:18

Am mana mettak danab nug goɗen laih daatte, nug danab o ah Kayak ele ouqeya daaglahnu bekkun daatte, nug nug igippa gokkaɗeb nokku. Mana mettak danab nug keeke amu oh hette amu, ib amuppa nug Yawe noobppa eheɗ haknu nob nau iitta mekkunu heeb elele medakku.

Lewitikas 6:7

Mana mettak amuppa amu, mana mettak danab nug heeb, eheɗ haknu nob nau doɗ tiigppa iitta meeb elele metteb, Yawe Nug hipunin amu ooppan aɗi hipunin heum ele, nug amu uhuqa medakku.” Moses nug anam aum.

Lewitikas 5:6

Nug nuhig hipunin miag uhuqowa, nug hipunin amu heum, amunu nug sipsip balatte, o meeme balatte laa awa, Yawe toppa wakkuoitte. Amuam nuhig ib etta hipunin haknu ofa aakku. Mana mettak amuppa amu, mana mettak danab nug heeb, eheɗ haknu nob nau doɗ tiigppa iitta meeb elele medakku.

Lewitikas 4:26

Am nug qaɗabppa, Yawe ele laippu dayaknu ofa hetteb bianab ha, meeme ittag oh maneb eokkuoitte. Mana mettak amuppa amu, mana mettak danab nug heeb, eheɗ haknu nob nau doɗ tiigppa iitta meeb elele metteb, Kayak Nug hipunin uhuqa medakku.

Lewitikas 1:4

Nug amu hewowa, nug eppeg doɗ makau dawai igippa meeb, Yawe Nug doɗ amunu, am danab amu ou daatte antta aokku. Yawe Nug antteb, haen mana mettak danab nug doɗ amuppa mana mettak hette amu, danab amunu eheɗ haknu nob nau doɗ amu tiigppa iitta meeb elele medakku.

Eksodas 32:30

Amu oh ba ukke, wagɗe deɗ amuppa Moses nug danab ah amelagppa aum. “Hipunin ag heppig am naunab, amge da geha qauko attan eɗue tein, da Yawe gumitte ukken, ag ahilag eheɗ haknu nob nau doɗ tiigppa iitta meeb elele medakkunu, da Nug oɗ medappi, Nug, ‘Yo,’ akkutai,” awa aum.

Lewitikas 4:8

Mana mettak danab nug makau gaiɗ amu, ib etta hipunin haknu ofa daatte, nug makau gaiɗ amu ittag ooppan keeke aɗak daatte oh, nug amu awa,

Lewitikas 4:21

Am mana mettak danab nug makau gaiɗ amunu huppu laala daatteb, amu oh haen tutu dayaknu aab kalak dimittim awa ukka, appa maneb eokkuoitte. Amu laa nug ib etta hipunin haknu ofa hekkunu, mana mettak ikki danab hipunin hewowa heumbianab hekkuoitte. Amuam ib etta hipunin haknu ofa, Israel dilag tamaniak oh dilag aakku.

Lewitikas 4:35

Aun laa nug beɗuppa aab ele nug ag Yawe ele oolag laippu dayaknu ofanu sipsip-ppa, mana mettak hetteb bianab, nug sipsip amu ittag oh aokkuoitte. Anam heeb, mana mettak danab nug ittag qaɗabppa, Yawe mettaknu aab aɗunu ofa daatte ele, nug amu qaɗeppa maneb eokku. Mana mettak amuppa amu, mana mettak danab nug heeb, eheɗ haknu nob nau doɗ tiigppa iitta meeb elele metteb, Kayak Nug hipunin uhuqa medakku.

Lewitikas 5:10

Aria, mana mettak danab nug ai laa amu awa, manaknu ofa haaha, amu haknu ɗo oh dim lamitta hekku. Mana mettak amuppa amu, mana mettak danab nug heeb, eheɗ haknu nob nau doɗ tiigppa iitta meeb elele metteb, Kayak Nug hipunin uhuqa medakku.

Lewitikas 5:13

Ib amuppa amu, mana mettak danab nug mana mettak amuppa heeb, danab aun nug aɗi hipunin laa amu oolagppa heum ele amu, hipunin amunu eheɗ haknu nob nau doɗ tiigppa iitta meeb elele metteb, Yawe Nug hipunin uhuqa medakku. Plaua laih oh amu, geha ee aegnu ofa hena hetteb, amubia mana mettak danabnu daakku.” Moses nug anam aum.

Lewitikas 5:16

Laa nug hipunin heum ele, nug mana mettak amu ii hak haenppa, nug aakku aɗi keeke Yawe medakkunu dayom ele amu metta, nug maha laa, 20 pesent atteb amu, nug laa amu ele tuɗitta medakkuoitte. Nug daden amu mana mettak danab metteb, mana mettak danab nug danab hipunin heumnu sipsip dawai, amuppa eheɗ haknu ofa ha, mana mettak amuppa nug heeb, eheɗ haknu nob nau doɗ tiigppa iitta meeb elele metteb, Yawe Nug hipunin uhuqa medakku.

Lewitikas 5:18

Nug anam hewowa, haen nug eheɗ heum doya amu, nug sipsip dawai, eheɗ haknu ofa hekkunu awa wakkuoitte. Doɗ amu nug beɗuppa eheɗ laa iitta ele daakku, amu doɗ amu nug doɗ ena laa silwappa daden metteb, am nuhig noob am amubia daakkuoitte. Mana mettak amuppa amu, mana mettak danab nug hipunin danab amu ii doyaya heumnu heeb, eheɗ haknu nob nau doɗ tiigppa iitta meeb elele metteb, Kayak Nug uhuqa medakku.

Lewitikas 15:15

Am mana mettak danab nug appa ai aɗit amuppa mana mettak hekku; laa amu ib etta hipunin haknu ofa, laa am manaknu ofa. Ib amuppa mana mettak danab nug doɗ amu mana, Kayak metta, nug Yawe noobppa heeb, leppu nak iitta meum, amunu dubuttid danab amuppa daatte Kayaknu neekkakppa iitta mekkunu hak am elele medakku.

Lewitikas 19:22

Am mana mettak danab nug sipsip dawai amu eheɗ haknu ofa Yawe noobppa ha, amuppa nug heeb, danab amunu eheɗ haknu nob nau tiigppa iitta mekkunu elele medakku. Amu Yawe Nug danab amunu hipunin uhuqa medakku.