Amge mana mettak danab nug doɗ laa ib etta hipunin haknu ofa daattenu tiig awa, mettid haknu peh lag danab ah appa qagmetteb ele, nug tiig amu awa, lag amu ooppa Oo Gun Eleppa ukka, mana mettak amu tiigppa nug eheɗ haknu nob nau doɗ tiigppa iitta meeb elele medakkunu hette amu, laa nug doɗ amu teppu nakok laa iinab lama. Teppu amu manappeg, ewa iitta mekkuoitte.
⌊Yawe Nug anam ana, Nug doya dim lamittaknu nai imu ele Moses mettom.⌋ “Aron nug aben Kayaknu tituanak daatte ele amuppa nokkunu amu, nug nai imu tutukkunab dim lamidkkuoitte. Tatam amu, nug ib etta hipunin haknu ofa hekkunu, nug makau gaiɗ laa awa, amu nug manaknu ofa hekkunu sipsip dawai ele awa dokkuoitte.