Lewitikas 27:9 - Nobonob Baibel

⁹ Am aun laa nug doɗ laa, doɗ amuam mana, Yawe medakkunu elele amu, nug Yawe mana medakkunu nai ana qagatte, doɗ amuam Kayaknu tituanak ba daakku.

Lewitikas 27:9 Referans Kwoze

Lewitikas 27:8

Am danab laa nug auntai Yawe medakkunu genabnab hekkunu nai ana qagakku dayeb, amge nug en mettakppa uhuqkkunu elele iitta amu, nug danab amu omala, mana mettak danab gumitta ukka, nug noobppa meeb, mana mettak danab nug danab amunu keeke am hettoɗia antta, nug gane mekkunu elele daatte antta, nug gane mekkunu akkuoitte. Nug daden melemel mana mettak danab nug meum ele anamppa daden mekkunu daatte.

Lewitikas 27:10

Nug doɗ amu awa, Yawe doɗ laa ii mettama. Nug doɗ atten Yawe medakkunu nai ana qakkom amu, nug doɗ amunab medakkuoitte. Nug doɗ atten medakkunu nai ana qakkom ele amu, doɗ amu beɗu ena ele dayeb amu, nug baolia, beɗu nau ele laa Yawe ii mettama, o beɗu nau ele dayeb amu, nug baolia, beɗu ena ele laa Yawe ii mettama. Am nug doɗ Yawe medakkunu nai ana qakkom ele, amu beɗu nau ele dayeb amu, nug baolia beɗu ena ele laa Yawe ii mettama. Am nug doɗ baolia, laa awa, Yawe medakku dayeb amu, doɗ tatamnu, gehanu ele, aɗit oh aa Kayaknu tituanak daaglah.

Lewitikas 5:15

“Aun nug Yawe ippunittomnu oo metta ii uuak kobol ii dim lamitta, nug ii doyaya ib apiɗitta, aɗi keeke laa, amu Yawenu tituanak daatte amu, nug Yawe medakkunu daatte ii medatte, nug hipunin aakku hette. Laa anam hekku amu, nug aakku hipunin heum daakku amunu, nug sipsip dawai laa eheɗ haknu ofa haknu awa, Yawe toppa wakkuoitte. Doɗ amu nug beɗuppa eheɗ laa iitta ele daakku, amu doɗ amu nug doɗ ena laa silwappa daden metteb, am nuhig noob am, amubia daakkuoitte. Silwa amunu uug am, mana mettak lagnu melemel bia dayaɗ! Amuam eheɗ haknu ofa aakku.

Prowerb 20:25

Danab nug dabmak pehettak ii awawa, keeke Kayaknu daakkunu tituana medatte; amu dimppa nug genabnab hekkunu nai anan qakkak nug mattiom ele, nug nai amunu dabmak pehettak aokku amu, amuam nug pelemppa tette bia hette.

Eklisiastis 5:6

Na oɗenppa nai laa mattiona, hipunin aib heme. Na keeke laa hekkutnu genabnab hekkutnu nai anan qagakkut dayeb, dimppa na Kayaknu mettid lakka gona, appan mana mettak danab amegppa, “Da kakitten, nai amu mattimi,” aib ame. Na anam heppe, Kayak Nug oo nauhkku, amu Nug heeb, keeke oh na eppenppa uɗat heme ele nauhkkutai.

Esekiel 48:14

Wan ag da meɗaglag amu, Lewi buɗub ag meppeg, laa nug uɗia aib daden meum. Lewi buɗub, ahilagib dayaɗ! Wan amuam wan enanagnab, laa oh eɗattak. Wan amuam da, Yawe, dahilnu tituanak daatte amunu, danab laa wan amu aib awom.

Matyu 15:5

Moses nug anam aum, amge ag inam atteb. ‘Danab laa nug men doɗo laa, anig mameg ehanatkkunu ele amge nug aa amelahppa, “Da men doɗo imu matakkulnu elele iitta. Da Kayaknu tituana metta, nuhig daakkunu hamu mettaknu tituanmi,” akku dayeb amu,