Lewitikas 27:32 - Nobonob Baibel

³² Am nahip doɗ aɗppanu, doɗ eblaih tanig ele ooppanu laippunu amu, Yawe Nug amunu nuhignu tituanak daatte anidtte.

Lewitikas 27:32 Referans Kwoze

Jeremaia 33:13

Amu wan imu ooppa maha laa qauko qauko daatteppa, qauko nakok qauko okkai diigppa daatteb, wan imu ooppa qaban uɗitteppa daatteb, appa, aria, Negeb appa, Benyamin wanppa, aab naunau Jerusalem talilittak daattebppa, amu Judanu aab oh eleppa, aben amu ohppa sipsip gumak danab ag daanna, ahilkad sipsip gumadnana, ag ahilkad sipsip ebaqadkkulag.” Yawe Nug anam awa atte.

Esekiel 20:37

Amu Naɗi Yawe Nug atte. “Da sipsip gumak danab nug nuhig sipsip ebaqatte, amubia da anen anen doyatten, da hei, da ag ele nug tituanta nai qakkamut amu, da heppi, ag nai amuppa daan oiglag.

Maika 7:14

O Yawe, sipsip gumak danab nug dudqak hokkat nuhigppa nuhikkud sipsip gumadtte, amubia na nahipad danab ah gumadkkutnu ool daatte. Nahipad danab ah ag am sipsip nahipad, na aut bia daatteb. Ag sipsip piɗe atuppa daattebbia daatteb, amge atu amu oh daug daug amu, wan gikkiɗah enanag ele daatte amunu, na heppe, ag wan ena Basan, am wan ena laa Gileat, ag aguppa, anukka daan oittappig bia hekkulagnu oɗ medattem.

Lewitikas 27:31

Am na keh laate, o ad meu laate, obatak eblaih tanig ele ooppanu obatak laippu Yawenu daatte amu, keeke amu tituanakppanu eɗua uhuqak hekkut dayeb, na daden mekkutnu men doɗo, 20 pesent laa ele tuɗidkkutoitte.

Genesis 28:22

Aben da men eppami ele imu amu, am Kayak noobppa dup noa binag mak aben daakku. Amu Kayak Nug aɗi aɗi keeke oh da meɗeb amu, da amunu obatak eblaih tanig ele ooppanu obatak laippu Kayak medakkul,” awa aum.

Namba 18:21

Anam amu, da Israel danab ah, ag ahilkad keeke ohnu obatak eblaih tanig ele ooppanu obatak laippu, da Lewi buɗubppan mana mettak danab iitta, da ag madattem. Lewi buɗubppan mana mettak danab iitta, ag dahil mettid haknu peh lag danab ah appa qagmetteb ele, ag amuppa uɗat hetteb, amu uɗat amunu nob, daden mattaglagnu, da ɗo iikku mettem. Amuam ag aulag bia daakku.