Lewitikas 27:19 - Nobonob Baibel

¹⁹ Am wan mameg nug wan Yawenu tituanak daakkunu Yawe mettom, nug wan amu tituanakppanu eɗua uhuqak hekkunu dabmekku dayeb amu, nug daden haknu silwa men doɗo melemel gane, mana mettak danab nug aum, nug amu tuɗitta, 20 pesent laa ele ma, daden mekkuoitte. Anam heeb, dad amu eɗua nuhig daakku.

Lewitikas 27:19 Referans Kwoze

Lewitikas 27:13

Am doɗ mameg nug doɗ amu tituanakppanu eɗua uhuqak hekkunu dabmekku dayeb amu, nug daden haknu men doɗo melemel gane, mana mettak danab nug aum, nug amu tuɗitta, 20 pesent laa ele ma, daden mekkuoitte.

Lewitikas 27:14

Am aun laa nug lag nuhig Yawenu tituana medakku amu, mana mettak danab nug ukka neekka, lag amuam enate, naute antta, daden maknu men doɗo gane antta, men doɗo amunu akku. Nug amunu ab, laa nug nuhig nai ii baolima. Iittanab, aum anamib aakku daakku.

Lewitikas 27:18

Amge wan amu maɗoɗnu gamag ahak dayaknu maɗ tituanak daatte amu ukkeb dimppa, nug Yawenu tituana medakku dayeb amu, mana mettak danab nug maɗ gane baula ukkeb, maɗoɗnu gamag ahak dayaknu maɗ tituanak daatte eɗua dokku amu dabmetta mala, nug wan amu daden maknu men doɗo ganenab amu eleleppa ma, daden haknu mekku.

Lewitikas 27:20

Amge wan mameg nug wan amu tituanakppanu eɗua uhuqak hekkunu oo ii heebeb ukkeb, maɗoɗnu gamag ahak dayaknu maɗ tituanak daatte bekku, nug wan amu tituanakppanu eɗua uhuqak heeb, wan amu eɗua nug eppegppa daakkunu elele iitta. Hanhan anamib daakku; nug eɗua wan amu mameg daakkunu elele iitta. O nug maɗoɗnu gamag ahak dayaknu maɗ tituanak daatte ii bak haenppa wan amuam Kayaknu daakkunu tituana mettak daakkunu awowa, amu dimppa nug ⌊eheɗ ha,⌋ danab laa, wan amu uɗat metteb ukkeb ukkeb, maɗoɗnu gamag ahak dayaknu maɗ tituanak daatte beeb malakku akku dayeb, nug wan amu tituanakppanu eɗua uhuqak heeb, wan amu eɗua nug eppegppa daakkunu elele iitta. Hanhan anamib daakku; nug eɗua wan amu mameg daakkunu elele iitta.